Gure Esku Dago taldekoak Agate Deuna bezperan kantuan irtengo gara Lemoizen auzoz auzo. Hitzorduak: 12.30etan Andrakan, 13etan Urizarren eta 13.30etan Armintzan
Urteroko ohiturari jarraituz, Blas Deuna Eguna ospatuko dute barrikoztarrek otsailaren 3an. Aurton, gainera, udalerriko jaiegun ofiziala izango da. Hala, egitarau polita prestatu dute gaurko: goizean meza nagusia izan da Andra Mari Elizan (Elexalden). Horren ostean, hamaiketakoaren txanda heldu da, trikiti-doinuak lagun.
LABen 9. Biltzar Nagusia abiatu dugu. Maiatzaren 25 eta 26an Gasteizen izango du azken geltokia kongresurako prozesuak eta ordura arteko dinamika Euskal Herriko eskualdeetan garatuko da, gurean ere bai.
Neguko denboraleek eragina izaten dute umeen jolasteko orduetan. Euria, haizea eta hotza denean, neska-mutil txikienak ezin dira jolastu parkeetan, horietan ez dagoelako aterperik, meteorologia-egoera horietatik babesean ipintzeko modukorik. Hori dela eta, umeek neguan jolasteko leku egoki bat izan dezaten, herri-bilera egingo dute barikuan, hilaren 3an, Plentziako Jai Alai frontoian, 18:30ean. Antolatzaileek jakinarazi dutenez, irtenbidea "posiblea" da; baina, horretarako, denen laguntza beharrezkoa dela diote, konponbidea aurkitu ahal izateko.
Bihar, barikuan, afari akustikoen beste saio bat izango da Erandioko Kalezulo gaztetxean, Altzagako Jose Luis Goioaga etorbidean. Gonbidatutako musikaria Inun kantautorea izango da, Mikel Inunziaga zornotzarra. Ekimena 20:00etan hasiko da, ohiko txikiteoagaz; ondoren afaria izango da eta 22:30ean hasiko da kontzertua. Ohi bezala, begetalezko eta haragizko hanburgesak aukeran izango dira.
Laugarren urtez, Leioako Udal Liburutegiak antolatuko du Euskara Irakurle Kluba. Aurreko urteetako mekanika jarraituz, literaturazaleak hilabete bakoitzeko hirugarren asteazkenean bilduko dira Kultur Leioako lehenengo solairuko hemerotekan, 19:30ean. Urriaren 19an izango da lehenengo saioa, Alaine Agirreren "X hil da" liburuaren gainean berba egiteko.
Urtarrilaren 21etik otsailaren 25era bitartean, Neguko Bidaia izeneko kontzertu-zikloaren bederatzigarren edizioa egingo dute, zapatuero, 19:30ean, Areetako Andrés Isasi musika-eskolan. Emanaldi bakoitzeko sarreraren prezioa 5 eurokoa (ikasleentzat 3 euro) izango da, eta 25 eurokoa saio denetarako bonua. Hala, lehenengo kontzertua Trio Argixe taldeak eskainiko du; klarinete, txelo eta piano hirukoteak Brahms eta Piazzollaren obrak interpretatuko ditu. Ziklo honetan ohikoa denez, kontzertu bakoitzaren ostean, entzuleen eta musikarien arteko solasaldia egongo da.
Kultur Maratila zikloa antolatu dute seigarren urtez Leioako Udalak eta Artedramak. Bost eguneko iraupena edukiko du, otsailaren 1tik 5era arte, eta bertan sei ikuskizun egongo dira: antzerki-ikuskizun bi, hiru musika-kontzertu eta dantza-ikuskizun bat. Hala, bihar, eguaztena, Udane Juaristiren erakusketaren aurkezpenagaz batera emango du kontzertua Iban Urizar musikariak; "Amorante" diskoaren abestiak eskainiko ditu. Saioa 20:00etan izango da, Kultur Leioako erakusketa-gelan; sarrera, doan.
Hitzen Ahairea, zeri kantatzen diogu euskaldunok? Horixe bera aztertuko dugu Gotzon Barandiaran eta Rafa Ruedarekin batera otsailaren 1etik martxoaren 10era. Ikastaroak 6 asteko iraupena izango du eta 2 orduko saioak izango dira, asteazkenero (martxoak 10 osteguna da) 19:00etatik 21:00etara Algortako Villamonte kultur etxean. Ikastaroaren prezioa: Bizarra Lepoaneko bazkideek 10 euro eta ez bazkideek 15 euro Ikastaroan izena emateko sartu gure webgunera: www.bizarralepoan.eus
"Getxo 2020 arlo estrategikoak" izeneko sustapen ekonomiko eta iraunkorrari buruzko jardunaldia egingo dute otsailaren 2tik 15era bitartean, Getxo Elkartegian. Horren helburua da proposamen zehatzak aurrera eramatea, Getxo udalerrirako ezarritako arlo estrategikoetan ekimen ekonomikoak garatzen eta dinamizatzen lagunduko dutenak.