Datorren otsailaren 25ean eta 26an, III. In Motion Zurrumurrurik Ez Akzio Topaketak egingo dituzte Algortako Fadura kiroldegian. Horren helburua da Zurrumurrurik Ez Estrategiaren barneko heziketa eta sareak sendotzea. Antolatzaileek jakinarazi dutenez, oraingo honetan lau kolektibok parte hartuko dute: gazteek, pertsona nagusiek, eskoletako gurasoen elkarteek eta etorkinek.
Borobil taldeak "Gu" antzezlana eskainiko du, Kultur Leioan, domeka honetan, otsailaren 26an. Obra hori 4 urtetik gorako ikusleei begirakoa da; eta euskaraz emango dute. Sarrerak 2,5 eta 5 euroan daude salgai. Emanaldia 18:00etan izango da.
Txotxongilo-ikuskizun hori Mariasun Landaren (Orereta, 1049) "Txan fantasma. Neskatila baten eta fantasma txiki baten arteko adiskidetasun"a liburuan oinarritzen da. Berango Antzokian ikusteko aukera egongo da, domeka honetan, otsailaren 26an. Emanaldia 18:00etan izango da, euskaraz. Sarrerak 3 euroan egongo dira salmentan.
Ilusio Handien Espainiako Saria irabazi zuen Sun magoak, 2011n. Oraingo honetan, bere lanik berriena den "Magic spectacular" eskainiko du aztiak, Areetako Andrés Isasi musika-eskolan, domeka honetan, otsailak 26. Saioa 18:00etan izango da, eta sarrerek 5 euroan daude salgai.
Laugarren urtez, Leioako Udal Liburutegiak antolatuko du Euskara Irakurle Kluba. Aurreko urteetako mekanika jarraituz, literaturazaleak hilabete bakoitzeko hirugarren asteazkenean bilduko dira Kultur Leioako lehenengo solairuko hemerotekan, 19:30ean. Urriaren 19an izango da lehenengo saioa, Alaine Agirreren "X hil da" liburuaren gainean berba egiteko.
Hitzen Ahairea, zeri kantatzen diogu euskaldunok? Horixe bera aztertuko dugu Gotzon Barandiaran eta Rafa Ruedarekin batera otsailaren 1etik martxoaren 10era. Ikastaroak 6 asteko iraupena izango du eta 2 orduko saioak izango dira, asteazkenero (martxoak 10 osteguna da) 19:00etatik 21:00etara Algortako Villamonte kultur etxean. Ikastaroaren prezioa: Bizarra Lepoaneko bazkideek 10 euro eta ez bazkideek 15 euro Ikastaroan izena emateko sartu gure webgunera: www.bizarralepoan.eus
Iazko udan, "Erandiok Erabakia" adierazpenarekiko herri-babesa ikustarazteko sinadura-bilketa abiatu zuen Erandioko Gure Esku Dago taldeak. Erabakitzeko eskubidearen aldeko plataformak zabaldu duenez, otsail honetan ere erandioztarren atxikimenduak batzen segituko du, gerora testua Udalbatzan mozio gisa aurkezteko.
Neguriko Jolaseta kirol-klubean jokatuko da Bizkaiko Tenis Txapelketa, bariku honetan hasi eta otsailaren 26ra bitartean. Jolasetako iturriek baieztatu dutenez, bertako pistetan ikusi ahal izango dira emakumezkoen eta gizonezkoen norgehiagokak honako mailetan: 2007ra artera jaiotako benjaminak, 2003ra arteko umeak, eta 1999ra arteko gazteak.
Garizumaren aurreko festa heldu da berriro ere. Hala, Barikutik domekara Inauteriak ospatuko dituzte Altzagan, Astrabuduan eta Erandiogoikoan.
Sopelako kuadrillak prest daude mozorrotzeko, zoratzeko, ospatzeko... Izan ere, bazkaria (14:30) eta mozorro-desfilea (17:00) antolatu dituzte; zapatu honetan izango dira, otsailaren 25ean, Ander Deuna ikastolan. Egitarauari jarraituz, arrastiko 07:00etatik aurrera, poteoa egingo dute kalez kale, Polekelele elektro-txarangagaz. Hala, bazkarirako txartelak Sopelako Laiak tabernan eta Larrabasterrako Ugari supermerkatuan eros daitezke, 10 euroan. Historia da mozorrotzeko aukeratu duten gaia.
Nagusiki, herriko txikientzat izango dira aurtengo aratusteak, udal-iturriek adierazi dutenez. Ospakizunei hasiera emateko, gehienbat txikiei zuzendutako jarduerak egingo dituzte, Ikea Barri plazan, zapatu honetan, otsailaren 25ean. Arrastiko 05:00etatik aurrera, puzgarriak, umeentzako ikuskizuna, mozorro-jaia eta animazioa egongo dira. Gauean, ostera, Trikizio erromeria-taldeak joko du.