Asteazkena, martxoak 8

20:00

"The pearl of Africa" dokumentala

Bilboko gaylesbotrans nazioarteko zinemaren eta arte eszenikoen jaialdiaren akabera-ekitaldia Guggenheim museoan izango da, zapatu honetan, martxoaren 4an. Hala ere, ohikoa denez, Zinegoak jaialdiak beste hainbat herritan ere emanaldiak eskainiko ditu, Hedapenak atalaren barruan. Uribe Kosta eskualdeari dagokionez, Getxon, Erandion, Leioan eta Sopelan izango dira ekitaldiak. Lehenengoa Algortako kultur etxean egingo dute martxoaren 8an, eguaztenean. Egun horretan, "The pearl of Africa" dokumentala proiektatuko dute, 20:00etan, kultur etxean; sarrera, doan.

20:00

"Gora emakume langileon borroka!" lelopeko kontzentrazioa

Leioako Ernaik sare sozialen bidez zabaldu duenez, gaur arrastian kontzentrazioa egongo da, udalerri horretan; "Gora emakume langileon borroka!" lelopean, 20:00etan bilduko dira, Bulevarden. Hala ere, ez da hori egunean zehar egongo den elkarretaratze bakarra izango: 13:00etan toki berean deitu dute mobilizazioa Udalak eta Andrak emakumeen elkarteak. Kontzentrazioa iraun artean, horma-irudia egingo dute.

Euskara Irakurle Kluba

Laugarren urtez, Leioako Udal Liburutegiak antolatuko du Euskara Irakurle Kluba. Aurreko urteetako mekanika jarraituz, literaturazaleak hilabete bakoitzeko hirugarren asteazkenean bilduko dira Kultur Leioako lehenengo solairuko hemerotekan, 19:30ean. Urriaren 19an izango da lehenengo saioa, Alaine Agirreren "X hil da" liburuaren gainean berba egiteko.

Hitzen Ahairea ikastaroa

Hitzen Ahairea, zeri kantatzen diogu euskaldunok? Horixe bera aztertuko dugu Gotzon Barandiaran eta Rafa Ruedarekin batera otsailaren 1etik martxoaren 10era. Ikastaroak 6 asteko iraupena izango du eta 2 orduko saioak izango dira, asteazkenero (martxoak 10 osteguna da) 19:00etatik 21:00etara Algortako Villamonte kultur etxean. Ikastaroaren prezioa: Bizarra Lepoaneko bazkideek 10 euro eta ez bazkideek 15 euro Ikastaroan izena emateko sartu gure webgunera: www.bizarralepoan.eus

Martxoak 8ko ekitaldiak Getxon

Martxoaren 8a izango da eguaztenean, Emakume Langileen Nazioarteko Eguna, alegia. Hori dela eta, Getxo udalerriko mugimendu feministako kideek hainbat ekimen antolatu dituzte egunotarako, Udaleko Berdintasun Sailagaz batera. Hala, hilabete honetan hainbat berbaldi eta mobilizazio egongo dira udalerrian, besteak beste.

Emakumeen Nazioarteko Egunaren jarduerak

Emakumeen Nazioarteko Egunaren harira, zenbait ekimen antolatu dituzte Erandioko Emakumeen Elkarte Sozio-kulturalak (EEESK), Astrabuduko Emakumeen Elkarteak eta Erandiogoikoko Damatxo Emakumeen Elkarteak. Martxoaren 3an, "El código Atenea" antzezlana izango da Altzagako Azoka Zaharrean, 18:00etan.

Martxoaren 8ko ekitaldiak Sopelan

Emakumeen Nazioarteko Eguna dela eta, hainbat jarduera antolatu ditu Itzartu elkarteak, Sopelako Udalaren laguntzagaz. Hala, martxoaren 4tik 12ra arte, ekimenez betetako jardunaldiak egingo dituzte, udalerrian: antzezlanak, berbaldiak, lehiaketak eta dantzaldiak ez dira faltako. Horrez gainera, Itzartuk bazkaria egingo du, Artxandako Txakoli jatetxean, martxoaren 11n, zapatuan; emakumeen elkarteko kideek autobusa 14:00etan hartuko dute, Urbaso taberna aurrean.

Martxoaren 8ko ekitaldiak Leioako campusean

Martxoaren 8aren inguruan, hainbat ekimen egiten dabil egunotan Leioako campuseko Mugimendu Feministak. Besteak beste, beltzez jantzita, burrunbada egingo dute, Mikel Laboa plazan, astelehenean, martxoaren 6an. Hitzordua 11:30ean ipini dute. Horrez gainera, Mikel Laboatik abiatuko dira manifestazioan, Emakumeen Nazioarteko Egunean, 12:30ean.

Martxoaren 8ko ekitaldiak Leioan

Urtero legez, hainbat ekintza antolatu dituzte Leioako Udalak eta Andrak elkarteak, martxoaren 8a Emakumeen Nazioarteko Eguna dela aldarrikatzeko. Data hori akorduan izateko, egun horretan elkarretaratzea egingo dute, Boulevarden; hitzordua 13:00etan ipini dute. Udal-arduradunek, emakumezkoen elkarteko kideek eta gura duten herritar denek parte hartu ohi dute kontzentrazioan.