Urtero bezala, ibilbide toponimikoak egingo ditugu eta larunbatean, apirilaren 29an Hezeguneak ibilbidea egingo dugu. Goizeko 9:30ean geratuko gara Fadura kiroldegiko atean. Ibilbideak euskaraz dira eta doan. Ibilbideak eskatzeko deitu 688.635.350 (Jon) telefonora edo idatzi getxo.toponimia@gmail.com helbidera. Animatu eta eman izena!
Datorren apirilaren 29an, zapatuan, Javier Otxoa klasika antolatuko du Punta Galea txirrindulari-elkarteak. Ohi legez, zikloturistentzako txango horren bidez Javier Otxoa txirrindulariari gorazarre egingo dio klub getxoztarrak ibilbidearen 32. edizioan; Randonnée Punta Galea klasika gisa ere ezaguna da proba, 2005ean Otxoari eskaini aurretik hori baitzen izen ofiziala.
Nazioarteko Dantza Eguna egingo da Uribe Kostan. Dantza-saioak egingo dira Algorta, Leioa, Erandio eta Gorlizen. Argazkia: MICHAEL ZITTEL
Ohiturari jarraituz, apirilaren azkenengo zapatuan ospatuko dute Nazioarteko Dantza Eguna Gorlizen. Hala, hilaren 29an, askotariko estilotako dantzen emanaldiz gozatzeko aukera egongo da udalerrian.
Txotxongiloak maneiatzeko lau teknika erakusten ditu Katillukadak. Lau ipuin kontatuko dira teknika bakoitzarekin, familiarekin ikusteko gomendagarriak. Non: Gorlizko udaletxeko Bilkura Aretoan.
Carlos magoak adin guztientzako entretenimendua ekarriko du Berango Antzokiko besaulkietara apirilaren 29an, 19:00etan. Ikuskizuna gaztelaniaz izango da eta sarrerak 3 eurotan egongo dira salgai. Argazkia: ESCRITURA VISUAL
Humberto Roblesen Frida ikuskizuna eskainiko du Paco Obregón zuzendariak, gazteleraz. Sarrera: 3 euro. Zuzendaria: Paco Obregón Aktoreak: Rosa Martínez-Alcocer / Frida Fran Lasuen / Violín Eszenografia: Javier Obregón Jantziak: Iris teatro Musika: Fran Lasuen Argiztapena: Javi Ulla Iraupena: 1 hora 5 min. Argazkia: IRIS TEATRO
2005etik, Marco Vargas & Chloé Brûlé-k etengabeko sintonia sortzailean dagoen taldea osatzen dute, berezko hizkuntza duena, flamenkotik dantzara bitartekoa. Estatuko egitaraurik garrantzitsuenetan izan dira eta nazioarteko leku aipagarri askotan ere. Ohikoak dira Leioan; izan ere, hemen, Me va gustando lanarekin aurkitu zuten bere ikuskizun berri honen hazia. Askatasunari buruzko ikuskizuna. Dantza, kanta eta poesiaren askatasuna: adarkatu egiten diren hiru bide, hutsik dagoen kaiola batean batzen direnak etengabe. Atzera bueltarik ez duen erabaki bat hartzeko une delikatua irudikatzen dute horrela: kaiolatik hegan irtetea. Erritual soil eta biluzia, poetiko eta iradokitzailea, etengabeko harremanean dauden hiru bide horietan zehar gertatzen den bizitza kontatzen duena. Une magikoak sortzen dira eta arnasa hartzeko, airea eta indarra hartzeko, eremuak irekitzen ditu, berriro amildegira jauzi egin baino lehen, gure askatasun propio eta erostezinaren bila. ZUZENDARITZA, KOREOGRAFIA ETA DANTZA: Marco Vargas, Chloé Brûlé ZUZENDARITZA LAGUNTZAILEA: Evaristo Romero TESTUAK ETA ANTZEZLEA: Fernando Mansilla ABESTEA: Juan José Amador MUSIKA LANA: Gabriel Vargas MUSIKA ZUZENEAN: Dúo Tormenta: Gabriel Vargas (gitarra), Manuel Montenegro (bateria) IRAUPENA: 70′ HIZKUNTZA: gaztelaniaz » Non: Auditorium » Eguna: Apirilaren 29an » Ordutegia: 21:00etan » Sarrera: 7,5-15 euro
Urduliz Umore Gauak programak Maribel Salas aktorea ekarriko dute datorren apirilaren 29an Urdulizko Kultur Etxera. Vaya Semanitako aktoreak No os lo vais a creer izeneko bakarrizketa saioa eskainiko du 6 euroren truke. ARGAZKIA: URIBEFM
Laugarren urtez, Leioako Udal Liburutegiak antolatuko du Euskara Irakurle Kluba. Aurreko urteetako mekanika jarraituz, literaturazaleak hilabete bakoitzeko hirugarren asteazkenean bilduko dira Kultur Leioako lehenengo solairuko hemerotekan, 19:30ean. Urriaren 19an izango da lehenengo saioa, Alaine Agirreren "X hil da" liburuaren gainean berba egiteko.
Martxoaren 20tik maiatzaren 31ra martxan izango dugu Getxon Irakurri, Gozatu eta Oparitu egitasmoa. Irakurzaletasuna sustatzeaz batera, euskarazko literatura eta herrietako liburutegiak ezagutaraztea dira egitasmoaren helburuak Getxon, EGIZU elkartea, Getxoko Udala eta Euskaltzaleen Topagunearen ekimenez jarriko da martxan egitasmoa. Udal liburutegiak, BOLiBAR-ELORDUI, GOBELAURRE eta ELKAR liburu dendak egitasmoaren ezinbesteko kolaboratzaileak dira. Martxoaren 20an hasi eta maiatzaren 31ra arte iraungo du. Liburu dendetan, ekainaren 10era arte. Getxoko Udal liburutegietan, maileguan harturiko euskarazko liburu bat irakurtzearen truke, irakurleak irakurketa-fitxa erraza bete eta erosketa-txeke bat jasoko du liburutegian bertan. Txeke horrek irakurleak nahi duen beste liburu bat %35 merkeago erosteko balioko du, Algortako Elkar, Areetako Bolibar-Elordui edo Romoko GobelAurre liburu dendetan.
Begoñako galeriak ezagutzeko beharrezkoa da aurretik izena ematea; horretarako epea zabaldu dute daborduko. Galeriak apirilaren 1etik uztailaren 30era bisitatu ahal izango dira. Aurrekoetan legez, izen-ematea egin ahal izango da udalaren webgunean edo Turismo Bulegoaren telefono-zenbakira (944 910 800) deituta.
Liburuaren Nazioarteko Egunaren aitzakiaren pean, datozen egun eta asteotan literaturari lotutako hamaika jardueraz gozatu ahal izango dute Uribe Kostako irakurzaleek. Barrikako, Erandioko eta Getxoko kultur etxe eta liburutegiek aurreratu dutenez, apirilaren 23ko data berezi hori ospatuko dute, nahiz eta jarduera ia denak egun horretatik kanpo egingo dituzten.
Erandioko Mendigoizaleak elkarteak Iparlarako igoera (Nafarroa Behera: 1.403 m) eta bestelako ibilbideak antolatu ditu. Informazioa eta izen-ematea: 620 170 788.