Lehenengo fasean, maiatzaren 20rako, lau banda eta lau disko-jartzaile onenak aukeratuko ditu epaimahaiak, jasotako izen-emate guztien artean. Antolatzaileek azaldu dutenez, zortzi horiek Barrikako San Juan jaietako egitarauaren barruan egingo den finalera igaroko dira. Ekainaren 20an izango da saio erabakigarria, finala, hain zuzen ere.
Diruaz (500 eta 150 euro) gainera, bonoak musika-produktuetan, kanten grabazioak eta zuzenean jotzeko aukerak ere egongo dira sarien artean. Finaleko ikusleek, gainera, hautatu egingo dituzte talderik edo disko-jartzailerik onena, eta 150 euroko saria jasoko du. Azkenik, banda eta DJ irabazleek gehienez ordu erdiz joko dute zuzenean, ekainaren 20ko musika-talde nagusiaren aurretik.
Info+: liburutegia@barrika.net / 946 775 163