Barrikako Udalaren saria irailaren akabuko asteburu bietan egitekoa zen, baina Bizkaiko txapelketagaz bat egitearen ondorioz, irailaren 25etik urriaren 4ra jokatuko dute. Izen-ematea irailaren 22ra arte egin daiteke, posta elektroniko mezu bat bidaliz barrikatenistaldea@gmail.com helbidera. Mezuan, izen-abizenak, lizentzia zenbakia eta sakelako telefono-zenbakia jarri behar dira. Egun berean egingo da zozketa eta irailaren 24an elkartearen webgunean jakinaraziko da joko-ordena. Partidak arrastiz jokatuko dira astean eta goizez zein arrastiz, asteakabuetan. Izen-ematea bazkideentzat 12 eurokoa da eta besteentzat 15ekoa.
Beterano gazteen txapelketari dagokionez, 35 urtetik gorako jokalari denek parte har dezakete, emakumezkoek zein gizonezkoek. Izena emateko epea irailaren 23an amaituko da, 20:00etan. Horretarako, posta elektronikoa bidali beharko da. Inskripzioak 12 euro balio du. Txapelketa irailaren 25etik urriaren 4ra jokatuko da.