Langileen gastua %13 (42.352 euro) eta ondasun eta zerbitzuetarako gastua %7 (50.647 euro) handitu dituzte, eta inbertsio errealerako dirua %45 (- 177.898 euro) murriztu dute, 2015eko aurrekontuagaz alderatuz gero. Hori horrela, aurreko urteetan izandako diru-sarrerak bertsuak izan arren, inbertsio errealerako diru gutxiago bideratuko dutela salatu du EH Bilduk.
Zehaztu dutenez, 5.203 euro bideratuko dituzte Goierriko udal artxiboa egokitzeko, eta 10.000 euro udal aldizkari berria ekoizteko, besteak beste.
Udalak 412.000 euroko soberakina du. EH Bilduren arabera, EAJ eta Ibarrika-k ez dute diru hori inbertsioetarako erabili gura izan. Izan ere, koalizio abertzaleak jakinarazi duenez, gobernu-taldeak "denborak aurrera egin ahala" erabakiko du zeintzuk izango diren inbertsioak egiteko "lehentasunak". Gogoratu dutenez, 2015ean Zearreta, Larretxe eta Lepola inguruetako saneamendu lanetarako erabili izan zen dirua soberakinetatik finantzatu zuten, besteak beste