Kultura  Barrika 2017-02-17 10:30

Taloa eta txistorra dastatzeko eguna, Barrikan

Hitzordu garrantzitsuz betetako hilabetea da oraingoa barrikoztarrentzat; San Blas Eguna, Agate Deunaren bezpera... Eta bariku honetan, hilaren 17an, Talo Eguna antolatuko dute. Ekimena Barrikako Emakumeen Hitza elkarteak prestatu du. Bertan, taloak egin, horiek dastatu eta sorpresa gehiago izango dituztela jakinarazi dute antolatzaileek. Den-dena Gure Ixerdia izeneko klubean egingo dute. Horregaz hitzordua arrastiko 07:30ean ipini dute, eta ekimen gastronomiko horretan parte hartu gura duten guzti-guztiak ekitaldira gonbidatu dituzte antolatzaileek.

Taloa eta txistorra dastatzeko eguna, Barrikan
Taloa dastatzeko aukera egongo da. EGIZU. | Ikusi handiago | Argazki originala

Tostada onenaren bila

Horrenbestez, otsaila ekimenez beteriko hilabetea da; eta, aipatutakoez gainera, auzokide asko batzen dituen beste hainbat ekitaldi gelditzen dira oraindino. Horien arteko famatuena Tostada Lehiaketa izan daiteke. Aurtengoa bederatzigarren edizioa izango da, eta otsailaren 27an egingo dute. Horretan parte hartu gura dutenek hilaren 25a baino lehen izena eman beharko dute, eta euren proposamenak lehiaketa eguneko arrastiko 06:00ak baino lehenago aurkeztu beharko dizkiete epaimahaikideei.

2017/02/17 19:30

Gure Ixerdia Cluba Barrika

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa