Antolatzaileek azaldu dutenez, ideia da Arona herriko zein inguruko gazteakaz erlazionatuta dauden elkarte, enpresa eta proiektuetan murgiltzea eta ezagutzea. Ekimena 18 eta 30 urte arteko neska-mutilei zuzenduta dago eta 120 euroren truke, hegaldiak, aterpea, janariak eta irteerak barne izango dituzte.
Egitaraua
Domekan, hilaren 25ean, hegazkina hartu eta Italiara joango dira eskualdeko gazteak. Hurrengo egunean, astelehenean, Vedogiovane eta Spacio Vigi elkarteen egoitzak bisitatuko dituzte, euren egitekoak ezagutu eta bertako kideakaz eztabaidatzeko. Martitzenean, Biellan topaketa egingo dute SellaLab, Socializers eta Biellako kultura sustatzeko elkarteagaz. Eguaztenean, berriz, Youthpass Advisory Group-eko kide bategaz tailer bat egingo dute. Eguenean, hilaren 29an, Maggiore lakua bisitatuko dute, baita Stressa ere. Barikuan, ordea, gazte talde batek kudeatutako Wood izeneko espazioa ezagutu eta Occhiaperti bisitatuko dute goizean. Arrastian, berriz, Milanen dagoen Impact Hub ezagutzera joango dira, besteak beste. Azkenik, urriaren 1ean, zapatuan, “Social networks-ak proiektu pertsonal eta profesionaletan” izeneko tailerrean parte hartzeko aukera izango dute. Horren ondoren, urriaren 2an, domekan, hegazkina hartu eta gurera bueltatuko dira gazteak.