Iritzia 2004-03-16 22:28

Ez dut horretaz berba egin gura - Unai Brea / kazetaria

Erabiltzailearen aurpegia Ukberri 2004, martxoak 15 (arratsaldeko 19:30ak, zehaztasun gehiago gura baduzue). Euskal Herria. Ematen du zutabe honek derrigorrez jardun behar duela guztion gogoan dauden gaiez, baina nik ez dut horretaz idatzi gura. Eta ez dut egingo.
  Kultura 2004-03-16 22:11

Berangoko euskara eta kultura tradizionala jaso ditu Iñaki Gamindek

Erabiltzailearen aurpegia Ukberri Iñaki Gamindek "Berango berbarik berba" izenburua duen liburua egin berri du, eta ostegunean aurkeztuko dute, 12:00etatik aurrera, Bilboko Plaza Berriko Euskaltzaindiaren egoitzan, Berangoko Udaletik gaur jakinarazi dutenez. Aipatutako iturrien arabera, lanaren helburua Berangoko euskara eta bertako kultura tradizionala jasotzea eta ikertzea izan da. Liburuan agertzen diren datuak aldi bitan jaso dira: batetik, joaneko 20 urtetan zehar eginiko 13 grabaldiren emaitzak batzen dira; eta bestetik, 2003. urteko urtarriletik aurrera eginiko 21 saioren emaitzak.
  Jendartea 2004-03-16 22:10

Babes ofizialeko 49 etxe egiteko lurrak eman dizkio Jaurlaritzari Berangok

Erabiltzailearen aurpegia Ukberri Intxaurraga aldean babes ofizialeko 19 etxebizitza eraikitzeko lurrak Eusko Jaurlaritzari ematea erabaki du, azken udalbatzan, Berangoko Udalak. Mota horretako 49 etxe egiteko, hiru urtetik hona, Jaurlaritzari lagatzea aurrikusita zegoen hiru orubeen artean azkenekoa da aipatutakoa. Lehendabiziko lursaila 2000 urtean eman zioten eta bigarrena 2002an.
2004-03-11 15:02

Hiru dolu egun Berangon

Erabiltzailearen aurpegia Ukberri Gaur goizean Madrilen izandako atentatua dela eta, dolu hiru egun deitu ditu Berangoko Udalak:

"Gaur, martxoak 11, Madrilen izandako atentatu bortitza dela eta, sarraski gizagabe hau gaitzetsi nahi du erabat Berangoko Udal Batzordeak, eta geure elkartasuna adierazi nahi diegu biktimei eta euren senitartekoei. Horretaz gain, besarkada bero bat helarazi nahi diegu madrildar guztiei. Azkenik, lehendakariak udaletxeen aurrean 20:00etan elkarretaratzeko deialdiarekin bat egiten dugu, eta Berangon hiru dolu egun deitu ere bai".
  Jendartea 2004-03-08 18:53

Berangoko Udalak badauka web orrialdea

Erabiltzailearen aurpegia Ukberri Udalerriko gora behera guztiak ezagutu ahal izateko, web orrialdea (www.berango.net) abian jarri du, orain dela egun batzuk, Berangoko Udalak. Miren Dobaran alkatesak adierazi duenez, "udal erakundeak eskaintzen dituen zerbitzu guztiak herritarren eskura jartzeko" sortu dute webgunea. Hala ere, "apurka-apurka betetzen" joan nahi direla azpimarratu du.
  Kultura 2004-03-04 19:58

Umeentzako tailerrak Berangoetako ludotekan

Erabiltzailearen aurpegia Ukberri Aurtengo hilabetetan bezala, 8 eta 13 urte bitarteko umeentzako tailerrak antolatu ditu, martxoan, Berangoetako Kultur Etxeko Ludotekak. Besteak beste, klip margotuak, kutxa txikiak eta eskaiolazko eguzkia egiteko aukera izango dute ostiralero neska-mutikoek, 18:30etik 20:00etara (hilaren 19an izan ezik, itxita egongo delako). Dena den, lanegun guztietan zabalik dago ludoteka, ordutegi berean.
  Kultura 2004-03-03 21:26

Umeentzako igeriketa-ikastaroa antolatu du Berangoko Kultur Etxeak

Erabiltzailearen aurpegia Ukberri Ludotekara joateko adina duten neska-mutikoentzat, igeriketa-ikastaroa antolatu du Berangoetako Kultur Etxeak, hau da, 8 eta 13 urte bitarteko haurrentzat. Sopelako Udal Igerilekuan egingo dute, martxoaren 23tik aurrera, astelehenero, 18:00etatik (autobusa hartu) 19:40ak arte (Berangoetara itzulera). Horrela, ekainaren 28ra arte luzatuko da ikastaroa. Berangon erroldatuta egoteaz gain, igeri egiten jakitea ezinbestekoa izango da bertan parte hartzeko. Eta salneurria 18 eurokoa izango da, autobusa eta igerilekuko begiraleen zerbitzuak barne.
  Kultura 2004-03-01 21:53

"Emakumea lanean" izeneko erakusketa ikusgai dago gaurtik aurrera Berangon

Erabiltzailearen aurpegia Ukberri Gaurtik hilaren 14ra bitartean, "Emakumea lanean" izeneko erakusketa egongo da ikusgai Berangoetako Kultur Etxean. Udalak prentsa ohar bidez jakinarazi duenez, BBKk antolatzen duen erakusketa ibiltari honetan, emakumearen lan merkatuaren alor desberdinak islatzen dira.

Berangoetako kultur etxea Simon de Otxandategi kalean kokatuta dago, udaletxetik hurbil, eta bisita ordutegia astelehenetik ostiralera, goizez, 12:00etatik 14:00 eta arratsaldez, 16:30etatik 21:00etara da.
  Iritzia 2004-02-26 23:03

Txizaren aurkako legea onartua Bilbon - J.N. "Nafa" / ikaslea

Erabiltzailearen aurpegia Ukberri Bilboko Udalak onartu berri du txizaren aurkako legea, zalantzarik gabe Bilboko herritarren etsai nagusia dena (eman zaion garrantzia kontuan harturik); kalean pixa egiten dutenei gutxienez 750 eurotako isuna ezarriko zaielarik.
  Jendartea 2004-02-18 22:26

Gazteek alkoholaren arriskuak kontutan izateko, egitasmoa abian dago Berangon

Erabiltzailearen aurpegia Ukberri "Euren aisia modu arduratsuan goza dezaten", udalerriko gazteak sentsibilizatzeko egitasmoaren barruan, 14 eta 25 urte bitartekoak bizi diren etxeetara bidaliko du gutuna Berangoko Udalak. Horrela, alkoholaren gehiegizko kontsumoak dakartzan kalteen gainean ohartarazi nahi dituzte gazteak, horrelakorik egitekotan arriskuak kontutan har ditzaten. "Guk kontrolatzen dugu" leloa dauka kanpaina berriak.
  Kultura 2004-02-17 19:26

Javier Lopezen "Olio eta ikatz-ziriak erakusketa ikusgai Berangon

Erabiltzailearen aurpegia Ukberri Otsailaren 29ra arte, Javier Lopez Lesakaren "Olio eta ikatza-ziriak" lana egongo da ikusgai Berangoko Kultur Etxeko Erakustaretoan. Besteak beste, gai eta estilo anitzeko 25 margok osatzen dute erakusketa, autoreak berak estilo propioa bilatzen baitu.
  Iritzia 2004-02-16 21:38

Pezeta jurasikoak - Unai Brea / kazetaria

Erabiltzailearen aurpegia Ukberri Konturatu zarete erdarazko komunikabideetan pezetez berba egiten duten bakoitzean, beti “antzinako” edo “lehengo” adjetiboa gehitzen dietela? (Antiguas pesetas da, zehazki, erabiltzen duten esamoldea). Dagoeneko gauzak ordaintzeko balio ez dutela behin eta berriz gogorarazi beharko baligute bezala edo. Baina badago oraindik pezetekin ogia, esnea, kotxe berria edo etxea erosi ezin daitezkeela ez dakienik? Tira, esan dudan azkenekoa, ezta euroekin ere.
  Kultura 2004-02-04 21:18

Txikientzako tailerrak Berangoko Kultur Etxearen eskutik

Erabiltzailearen aurpegia Ukberri Otsailean ere 3 eta 8 urte bitarteko umeentzako tailerrak antolatu ditu Berangoko Kultur Etxeko Txiki Ludotekak. Besteak beste, arditxoa, indio-mozorroa, tigre maskara eta erlea egiteko aukera izango dute umeek, eskulanen bidez, ostegunero, hilaren 5etik 26ra bitartean. Euskeraz ematen dira tailerrak, 16:30etik 18:30era, Berangoeta Kultur Etxean. Hala ere, lanegun guztietan egoten da zabalik Txiki Ludoteka, ordutegi berean.

Ostiraletan, berriz, 9 eta 14 urte bitartekoek edukiko dute aukera Ludotekak antolatutako tailerretan parte hartzeko. Potoak, paper marmolatua, pintzez egindako potoak eta paper zahartua landuko dituzte, hurrenez hurren, otsailaren 6tik 27ra, 18:30etik 20:00etarako ordutegian. Asteko beste lanegunetan ere zabalik egongo da Ludoteka.
  Kultura 2004-01-27 20:47

Gazteentzako komiki-tailerra antolatu du Berangoko Kultur Etxeak

Erabiltzailearen aurpegia Ukberri Otsailaren 7a eta martxoaren 27a bitartean, komiki-tailerra antolatu du larunbatero Berangoko Kultur Etxeak, 17 eta 30 urte bitarteko gazteentzat zuzenduta bereziki. Guztira, zortzi saio emango dituzte, Santa Anako Kultur Etxean, 12:00etatik 14:00etara.

Izena eman nahi dutenek urtarrilaren 30era arte izango dute aukera, kultur etxe guztietan. Berangon erroldaturik daudenek 10 euro ordaindu beharko dituzte eta besteek 12.
  Iritzia 2004-01-25 20:50

Metroko segurtasun zerbitzuak, bezeroak etsai - Julen "Nafa" / ikaslea

Erabiltzailearen aurpegia Ukberri Garraio publikoek gaur egungo gizartean duten garrantzia gero eta handiagoa da, jende artean ezinbestekoak bihurtzen ari baitira herri batetik bestera mugitzeko, bitartean ingurugiroa garbi mantentzen laguntzen dogularik.
  Jendartea 2004-01-20 20:40

Irango lurrikaran kaltetuentzat, 300 euro eman ditu Berangoko Udalak

Erabiltzailearen aurpegia Ukberri Iranen izandako lurrikaran kaltetutakoak laguntzeko, 300 euroko diru-partida bideratu du Berangoko Udalak, Eudelek BBKn zabaldu duen kontu-korrontean. Izan ere, Laguntza Fondoa sortu berri du Euskal Udalen Elkarteak, 2003ko abenduaren 26an, herrialde horretako zati handi bat suntsitu zuen lurrikarak erangindako kalteak arintzeko.
  Iritzia 2004-01-16 22:37

Ez ete du inork morroi hau geldiaraziko? - Unai Brea / Kazetaria

Erabiltzailearen aurpegia Ukberri Lurra txiki bilakatu zaio, nonbait. Berton konkistatzeko ezer gutxi geratzen zaiola-eta, George Bush eskuin muturreko fanatikoak Ilargiari begiratzen dio orain. AEBetako enbaxada ireki gura du han, barra eta izardun bandera zoluan tinko ezarri eta beharbada guztiona ei den satelitea berrogeita hamaikagarren estatu izendatu. Pena da (Bushen ikuspegitik, jakina), Ilargian ez dagoela biztanlerik (dakigunez behintzat; egotekotan, oso ondo ezkutatuta egon dira orain arte, eta are hobeto ezkutatuko dira Bushen asmoen berri jakin bezain laster), eta konkista berria nahiko era paketsuan egin beharko duela Etxe Zurikoak, ohi eta atsegin duen estilotik urrun samar.

Biztanlerik ez badago, nori egotzi terrorismo delituren bat edo suntsipen handiko armak AEBen baimen barik egin izana? Nor zanpatu? Nor hil? Izan ere, bada petroliorik Ilargian? Ez dirudi. Martera bialdu duten tramankuluak ere jo ta ke dihardu inbasio baterako aitzakia bila (eurek ikerketa zientifikoa egiten ari direla diote, baina nik ez dut sinesten), eta oraingoz ez du tutik topatu.

George Bush Historiako tiranorik handienetako baten modura agertuko litzateke etorkizunean, Historia idazten dutenak beraren diskurtsoak idazten duten berberak ez balira. Horren ordez, mundu honetara pake santua ekarri zuen eta Ilargiko pakea betiko urratu zuen gizontzat agertuko da. Berriki jakin dugu Iraken inbasioa 2001eko Dorre Bikien aurkako erasoa baino lehenagotik zegoela erabakita, baina bost axola; AEB pakearen eta demokraziarik berme sendoena da planeta zahar honetan, eta hala onartzen ez duenak egurra baino ez du merezi.

Mundua zorotuta dagoela aspalditik genekien, baina oraintxe ari gara konturatzen bertan agintzen duena ere zoro samarra dela. Zoro arriskutsua gainera. Txoko honetatik, erretiroa lehenbailehen har dezala opatzea besterik ez zaigu geratzen. Eta ahal dela, Ronald Reaganek bezain osasuntsu goza dezala. Baina erne: ondotik etorriko dena beharbada are okerragoa izango da. Ameriketan edozer da posible.
  Kultura 2004-01-16 19:36

Jacara Berangoko Kultur Etxearekin

Erabiltzailearen aurpegia Ukberri Jacara eskiatzera joan nahi duten guztiek otsailaren 6tik 8ra edukiko dute aukera, Berangoko Kultur Etxearen eskutik. Bidaiaren prezioa 165 eurokoa izango da herrian erroldatuentzat, eta 180 beste udalerritakoentzat. Izena eman epea urtarrilaren 22ra arte egongo da zabalik bertako Gaztelekuan.
  Politika 2004-01-15 20:44

Aurrikusitako 3.369 etxebizitzak "nahikoa" direla dio Berangoko alkateak

Erabiltzailearen aurpegia Ukberri Hurrengo 16 urteetako barne zein kanpo hazkundeari erantzuna emateko, 3.369 etxebizitza egitea "nahikoa" dela adierazi du Miren Dobaran Berangoko alkateak, IU-EBk egindako kritikei erantzunez. Bilbo Metropolitarrerako, Lurralde Plan Partzialak (PTP) ezartzen duen ehuneko 24ko gutxiengoa jaisteko udalbatzarrak hartutako erabakia, "gizarte-kohesioa" bermatzea du helburu, Dobaranek argitu duenez.
  Politika 2004-01-13 21:36

Udal Gobernuaren etxebizitza politika kritikatu du Berangoko IU-EBk

Erabiltzailearen aurpegia Ukberri "PSE-EEren ezinbesteko laguntzarekin", Berango "gizarteko goi-klaseentzako feudoa" bilakatu nahi du Udal Gobernuak (EAJ-EA), Koldo Martínez IU-EBko ordezkariak salatu duenez. Etxebizitzen eraikuntza Bizkaiko Foru Aldundiak bultzatzen ari den Lurralde Plan Partzialak ezartzen duen gutxiengoaren azpitik dago, zinegotziak adierazitakoaren arabera, "debekuzko prezioetan gainera".

Nabarmenak

Zorion agurrak