Kultura  Uribe Kosta 2016-01-04 12:00

Errege Magoei ondoetorria, hainbat herritan

Errege Magoei ondoetorria, hainbat herritan

Uribe Kosta eskualdeko hainbat herri eta auzo bisitatuko dituzte urtarrilaren 5ean, martitzena, Errege Magoek. Besteak beste, 18:00etan abiatuko da Getxoko Andra Mari kiroldegitik Meltxor, Gaspar eta Baltasarren desfilea. Lehenik eta behin, Getxo eta Algorta zeharkatuko dituzte; ondoren, 19:30etik aurrera, Areetan eta Itzubaltzeta/Romon barrena ibiliko dira.

  Jendartea  Berango 2015-12-23 13:33

Etxeko txikienentzako Gabonetako festa egingo dute urtarrilaren 2an

Urte berriari ondoetorri "ofiziala" eman ostean, etxeko txikienek urtarrilaren 2an izango den ordezko festan parte hartu ahal izango dute Berangon. Berango-Merana eskolako gimnasioan egingo dute jaia, 20:00etatik 23:00etara, eta bertan egongo da musika, janaria, surf simulagailua eta zezen mekanikoa, besteak beste. 2006 eta 2002 urteen bitartean jaiotakoentzat prestatu du Udalak jai hori, eta horretan parte hartu nahi dutenek gonbidapena eskuratu beharko dute abenduaren 29a baino lehen; kultur etxeetan banatzen dituzte sarrerak.

  Jendartea  Getxo 2015-12-21 17:24

Aurten ere aparkatu ahal izango da Romo ikastetxean

Aurten ere aparkatu ahal izango da Romo ikastetxean

Gabonetako jaietan aparkatzeko izan ohi diren arazoak kontutan hartuta, Getxoko Udalak Romo herri ikastetxeko jolastokia aparkaleku publiko gisa erabiltzea baimendu du bigarren urtez, abenduaren 24, 25 eta 31n eta urtarrilaren 1, 5 eta 6an. Jolastokia aparkaleku bezala erabiltzeko ordutegia honako hau izango da: abenduaren 24tik, 16:00etatik abenduaren  25eko 22:00ak arte. Ordutegi berdin-berdina izango da abenduaren 31tik urtarrilaren 1era eta urtarrilaren 5etik 6ra. Aparkaleku bezala erabiltzeko ordutegia amaituta, aipatu jolastokitik atera ez diren autoak kendu egingo ditu garabiak, tokiko iturriek ohartarazi dutenez.

  Kultura  Uribe Kosta 2015-12-19 12:00

Olentzero eta Mari Domingi gurean izango dira gaurtik aurrera

Olentzero eta Mari Domingi gurean izango dira gaurtik aurrera

Hamabi hilabete itxaroten egon ostean, gau berezia izango da abenduaren 24koa Euskal Herriko ume denentzat; baita hain txiki ez direnentzat ere. Bapo afaldu eta gero, lozorroan sartu, eta eguna argitzean, orduan hasiko dira arineketak eta komeriak. Hala ere, afaldu eta lotara joan aurretik, jolasteko eta abesteko aukerarik ez zaie faltako txikienei. Izan ere, bazter denak irribarrez eta algaraz gainezka egongo dira, Olentzeroren bisitagaz; leku askotan, Mari Domingi agertuko da ikazkin zaharragaz batera, kalez kale ibiltzeko, animaliek tiratutako gurdiaren gainean.

  Kultura  Getxo 2015-12-19 11:49

Ekitaldi ugari antolatu dituzte Gabonetarako Getxon, auzoz auzo

Ekitaldi ugari antolatu dituzte Gabonetarako Getxon, auzoz auzo

Gaztaina-saltzaileak, koloretako argiak, hotza... Dena prest dago Gabonetarako. Abenduaren 19an emango diete hasiera ospakizunei, Neguri eta Gobela artean, auzo hori jai-giroan murgilduz. Hala ere, hilaren 23an barneratuko da udalerria bete-betean Gabonetan. Egun horretan Getxolandiako ateak zabaldu, eta auzoetan hainbat eta hainbat jarduera prestatuko baitituzte. Hurrengo egunean, abenduaren 24an, Olentzerori ondoetorria egin ahal izango diete getxoztarrek, auzoz auzo antolatutako ekimenetan.

  Kultura  Berango 2015-12-18 14:39

Adin guztientzako hamaika jarduera egongo dira aukeran Berangon Gabonetan

Adin guztientzako hamaika jarduera egongo dira aukeran Berangon Gabonetan

Inguruko gainontzeko udalerrietan legez, Gabonak ospatzeko eskaintza berezia antolatu du Udalak Berangoko herritarrentzat. Abenduaren 18tik urtarrilaren 5era arte, adin nagusi, gazte zein umeentzako eskaintza askotarikoa izango da.

  Kultura  Uribe Kosta 2015-12-18 13:45

Gabonetan antzerki-eskaintza zabala izango da eskualdean

Gabonetan antzerki-eskaintza zabala izango da eskualdean

Uribe Kosta eskualdean, 19 antzerki-emanaldi izango dira Gabonetan, bihartik aurrera, gehienak umeentzat. Berango, Erandio, Getxo, Leioa eta Sopelak hartuko dituzte saio denak.

  Kultura  Erandio 2015-12-18 13:23

Kultur agenda oparoa dute erandioztarrek Gabonetan

Kultur agenda oparoa dute erandioztarrek Gabonetan

Olentzero, Mari Domingi eta Gabonetako oporren zain daude daborduko Erandioko neska-mutilak. Gertu dauzkate hirurak, hamaika jolasegaz batera. Bitartean, hamaika kultur ekimenez goza dezakete erandioztarrek.

  Kultura  Uribe Kosta 2015-12-18 12:11

Gabon-kantakaz belarriak alaitzeko hamaika aukera egongo da egunotan

Gabon-kantakaz belarriak alaitzeko hamaika aukera egongo da egunotan

Ohi den legez, jaiegun hauetan ez da Gabon-kontzerturik faltako Uribe Kostako herrietan. Hemen bertan sortutako edo kanpotik heldutako abestaldeek entzuleen belarriak alaituko dituzte, tokian tokiko elizetan eta kultur aretoetan antolatutako saioetan. Besteak beste, bariku honetan, abenduak 18, Berango Antzokian eskainiko du saioa Otxandategi abesbatza berangoztarrak. Hitzordua 20:00etan ipini dute; sarrera, doan. Bere aldetik, Areetxo ganbera-abesbatza getxoztarrak kontzertu bi eskainiko ditu: bata, bariku honetan (hilak 18), Areetako Santa Ana elizan; eta bestea, martitzenean (hilak 22), Algortako San Martin elizan. Entzunaldi biak 20:00etan hasiko dira; sarrera, doan.

  Jendartea  Getxo 2015-12-18 11:37

Ostalaritza-guneen ordutegia luzatu egingo dute Gabonetan Getxon

Udalaren ordutegi-araudiak baimentzen duen gehienekora zabaldu ahal izango dute udalerriko ostalaritza-lokalek urtarrilaren 6ra arte. Hala, abenduaren 18, 19, 24, 25, 26 eta 31n eta urtarrilaren 1, 2 eta 5ean (bariku, zapatu eta jai-bezperak) 2. taldeko lokalak (kafetegiak eta tabernak, besteak beste) 04:30era arte zabaldu ahal izango dute; 3. taldekoek (pub eta klubak) 06:00etan itxi ahal izango dute; eta 4. taldekoek (diskotekak) 08:00etan.

  Kultura  Sopela 2015-12-18 11:06

Gabon kulturalak gaur abiatuko dira Sopelan

Gabon kulturalak gaur abiatuko dira Sopelan

Gabonetan aspertzeko astirik ez da egongo Sopelan. Gabonetako Parkea, Olentzero eta Mari Domingi zein Erregeen harrerez gainera, Kurtzio Kultur Etxeak ekitaldien egitarau oparoa prestatu du sopeloztarrentzat. Ekimenen artean nabarmentzekoa da Euskal Gabon kanten ikuskizuna. Juantxo Zeberio Etxetxipiak, jazza eta abesbatza uztartuz, Eguberri Umama egitasmoaren baitan sortutako hirugarren proiektua aurkeztuko du Kurtzion. Euskal Gabon-kanta tradizionalak, jazz laukote batez lagunduta, eta aparteko bakarlariakaz: Sopelako Urepel abesbatza. Txiki-txikitatik entzun eta abestu ditugun Gabon-kanta kuttunen aukeraketa bat egin dute, kontzertu zoragarria eskaini asmoz. Daborduko, ikuskizuna prestatzen dabiltza Kurtzio kultur etxean; bariku honetan (abenduak 18) izango da, 20:00etan, eta 3 euroan eros daitezke sarrerak.

  Kultura  Leioa 2015-12-17 18:16

Gabonak gozatzeko hamaika aukera, Leioan

Gabonak gozatzeko hamaika aukera, Leioan

Jai-egun hauetaz gozatzeko, egitarau zabala egongo da aurten ere Leioan; ohi den legez, gehienak umeei zuzendutakoak izango dira: antzezlanak, ipuin-kontalariak, Gabonetako parkea... Baina zalantza barik, Olentzero eta Mari Domingi berriro ikusteak egiten die ilusio handien txikiei. Kultur Sailak, elkarteek, Lamiakoko Txikiak Txiki Dantza Taldeak, Auzotarrok Kultur Elkarteak eta Bifor jai-batzordeak gogor egin dute behar urte osoan, herriko auzoetan ikazkin zaharrak eta bere laguntzaileek merezi duten ondoetorria prestatzeko. Herrigunean, Lamiakon, San Bartolomen eta Txorierrin egingo dituzte kalejirak zein harrera-ekitaldiak abenduaren 24an.

  Kultura  Urduliz 2015-12-17 18:15

Barikuan amaituko da Urdulizko gabon-postalen lehiaketa

Barikuan amaituko da Urdulizko gabon-postalen lehiaketa

Aurreko urteotan legez, aurten ere 4 eta 14 urte bitarteko neska-mutilentzako Gabon-postalen lehiaketa antolatu du Urdulizko Udalak. Bihar, barikua, izango da lanak entregatzeko azken eguna. Horretarako, posta bidez edo eskuz postalak Urdulizko kultur etxera eroan beharko dira, 20:00ak baino lehen. Epaimahaiaren erabakia abenduaren 21ean, astelehena, ezagutzera emango dute eta hurrengo egunetik urtarrilaren 6ra arte, lanak ikusgai egongo dira kultur etxean bertan.

  Kultura  Erandio 2015-12-10 17:45

Mari Domingi eta Olentzero bateraturako entseguak hasi dira Altzagan

Mari Domingi eta Olentzero bateraturako entseguak hasi dira Altzagan

Altzagarrek Mari Domingi eta Olentzeroren etorrera prestatzen dihardute daborduko. Behingoz, denek batera, besoz beso. Abenduaren 24an helduko dira euskal mitologiako pertsonaiak Altzagara, baina ondo etorrian aktiboki parte hartu gura dutenek egunotan dituzte kantu-, dantza- eta antzerki-entseguak. Ekimena sustatzen dabiltza, besteak beste, Jado ikastetxearen eta Altzaga ikastolako IGEak, Uztargi dantza-taldea, Gautxoriak, Erandioko Gazte Asanblada, Erandio Kantagunea eta Erandioko Udala.