Ekonomia  Berango 2016-10-06 17:15

Lidl kateak ere Berangon egon gura du

Lidl kateak ere Berangon egon gura du

Apurka-apurka, itxura hartzen hasi da Berangoko merkatalgune berria izango dena. Izan ere, azken hilabeteotan hondeamakinen presentzia nabaria da Landaida Goikoko gunean, hara eta hona dabiltza, azpiegitura komertzial berria eraikitzeko lanetan.  84.000 metro koadro izango ditu guneak; horietako 24.500 metro koadro berdeguneak eta aparkalekuak izango dira; beste 50.700 metro koadroetan eraiki ahal izango da. Daborduko, euren saltokia bertan ezarri gura dutela adierazi dute Mercadona supermerkatu-kateak eta Decathlon kirol-produktuen dendak, baita horretarako eskera egin ere. Eta, oraintsu, Lidl supermerkatu-kate alemaniarrak ere horretarako interesa agertu du.

  Ekonomia  Leioa 2016-10-04 17:05

Leioako Udalak bederatzi langabetu kontratatuko ditu

Leioako Udalak bederatzi langabetu kontratatuko ditu

Leioako Udalak udalerriko 9 langabetu kontratatuko ditu, sei hilabetez, 2016ko Tokiko Enplegu Planaren markoaren barruan. Programa zehatz bitan parte hartuko dute langile horiek: auzoko laguntzaileen lanetan, batzuek; eta udal azpiegiturak eguneratu eta modernizatze lanetan, besteek. Ekimena Lanbidegaz elkarlanean egingo dute, Leioako Behargintzaren bitartez. Interesdunek urriaren 17ra arte daukate Lanbidetik pasa eta euren curriculumak egokitzeko.

  Ekonomia  Erandio 2016-10-04 09:49

Egazek 39 langabetu kontratatuko ditu enplegu-programan

Txorierriko Enplegu Planak 39 kontratazio eskainiko ditu denera, Erandio, Derio, Larrabetzu, Lezama, Loiu, Sondika eta Zamudioko udalentzat lan egiteko. Modu beran, bost kontratazio sortzeko laguntzak emango dizkie Txorierriko bosna enpresari. Enplegua sustatzeko proiektu hori lanbakoei begirakoa da, baldin eta Lanbiden enplegu-eskatzaile moduan izena emanda badute eta aipatutako udalerriren batean bizi badira.

  Ekonomia  Erandio 2016-10-03 18:51

Dozenaka beharginek salatu dute Erandiogoikoko lan-istripua

Dozenaka beharginek salatu dute Erandiogoikoko lan-istripua

Sindikatuak Bilboko Foru Jauregiaren aurrean elkarretaratu dira, gaur goizean, Erandiogoikoko Basalan foru enpresan pasa den eguenean izandako lan-istripua salatzeko. Ezbeharrean, 33 urteko behargin bat hil zen. Bizkaiko Foru Aldundiaren dozenaka langilek bat egin dute "lan istripu gehiagorik ez" lemapeko protestagaz. Era berean, egun osoko lanuztea egin dute gaur Basalan enpresako beharginek.

  Ekonomia  Erandio 2016-10-03 12:54

Olatuen indarra energia elektriko bihurtzeko prototipoa garatu du Navacel enpresak

Olatuen indarra energia elektriko bihurtzeko prototipoa garatu du Navacel enpresak

Lehenengoz EAEn diseinatu eta ekoitzi den olatu-energiaren kaptadorea egiten dabil Navacel enpresa erandioztarra. Energiaren Euskal Erakundeak sustatu eta Oceantec Energyk garatu du prototipo hori, eta itsasoaren energia elektriko bihurtzeko bideak garatzea du helburu. Kaptadore horrek altzairuzko hiru zati ditu; horiek Navacelen mihiztatzen dira, eta buia bertikal baten forma dute. Hor barruan doa ekipamendu mekanikoa eta elektrikoa, olatuen mugimenduagaz energia sortzen duena.

  Ekonomia  Erandio 2016-09-30 20:06

Basalaneko beharginek lanuztea egingo dute astelehenean lan-istripu hilgarria salatzeko

Basalaneko beharginek lanuztea egingo dute astelehenean lan-istripu hilgarria salatzeko

Erandiogoikoko Basalan foru sozietateko beharginek egun osoko lanuztea egingo dute datorren astelehenean, atzoko hildakoari eta bere senideei elkartasuna adierazteko, istripua salatzeko eta segurtasun-neurriak galdegiteko. 11:00etan, Bilbon elkarretaratuko dira, Foru Jauregiaren aurrean.

  Ekonomia  Erandio 2016-09-30 11:10

Sindikatuak gaur batzartuko dira Erandioko heriotzari erantzuna emateko

Sindikatuak gaur batzartuko dira Erandioko heriotzari erantzuna emateko

ELAk babes eta elkartasun osoa adierazi dio atzo Erandioko Basalan foru enpresa publikoan gertatutako lan-istripuaren biktimaren senitarteko, lagun eta lankideei. Sindikatuak jakinarazi duenez, "33 urteko A.G.O. da hildakoa". Gertatutakoa ikusita, Osalani eta Lan Ikuskaritzari ezbeharraren arrazoiak argitu eta egon daitezkeen ardurak ebazteko ikerketa sakona eskatu die enpresako sindikatu nagusiak. LABek ere salatu duenez, atzokoa lan-istripuzko aurtengo 23. heriotza da Bizkaian, eta 40.a Euskal Herrian.

  Ekonomia  Erandio 2016-09-29 18:43

Langile bat hil da Erandion, liztor asiarraren habia bat kentzen zegoela

Langile bat hil da gaur, eguena, 14:00ak aldera, Erandiogoikoan; liztor asiarraren habia bat kentzen zebilela eduki du istripua, Europa Press albiste agentziak zehaztu duenez. Hildakoa 33 urteko gizonezko bat da eta oraindino ez dute istripuaren zergatia argitu.

  Ekonomia  Erandio 2016-09-22 17:49

GES erosteko proposamena egin du Extremadurako CL industria-taldeak

GES erosteko proposamena egin du Extremadurako CL industria-taldeak

Zer gertatuko zain daude Erandioko Enekuri auzoko Global Energy Services (GES) enpresan lan egiten duten 200 bat beharginak. Gaur egun, 3i inbertsio-talde ingelesak gidatutako nazioarteko enpresak 1.600 langile eta bankuekiko 100 bat milioi euroko zorrak dauzka; aurre-konkurtso egoeran dago. Konponbiderik topatu ezean, hartzekodunen konkurtsora irtengo da, urriaren amaieran.

  Ekonomia  Uribe Kosta 2016-09-20 18:58

Azken egunak dira Anezka eta Taldeka foru enplegu-programetan izena emateko

Azken egunak dira Anezka eta Taldeka foru enplegu-programetan izena emateko

Datorren domekara arte, irailak 25, uribekostar denek zabalik daukate Anezka eta Taldeka enplegua sustatu eta ekintzailetza bultzatzeko programetan izena emateko aukera. Dema enpresen garapenerako foru agentziak ipini ditu martxan ekimen biak. Inskripzioak Dema.eus webgunean egin daitezke.

  Ekonomia  Erandio 2016-09-12 13:20

Enplegurako Erandioko udal programan 32 pertsona kontratatu dituzte

Enplegurako Erandioko udal programan 32 pertsona kontratatu dituzte

Erandioko Udalak 32 pertsona kontratatu ditu, sei hilabeterako, zabaldutako udal enplegu-programaren bidez. Horietatik 30ek jardunaldi osoko kontratuak dituzte eta bik, ostera, jardunaldi erdikoak. Beharginak uztailaren 1ean hasi ziren lanean eta abenduaren 30ean amaituko dute.

  Ekonomia 2016-09-08 12:36

Ikasturte berrirako lan bila zabiltza? Zure seme-alabak eskolara eramateko pertsona bat behar duzu?

Erabiltzailearen aurpegia Beharsarea.eus/Getxo

Ikasturte berrirako lan bila zabiltza? Zure seme-alabak eskolara eramateko pertsona bat behar duzu? Jarri iragarkia Beharsarea.eus/Getxo webgunean! Beharsarea.eus/Getxok harremanetan jartzen ditu lana euskaraz egiteko jendea behar duena eta lana bilatu gura duen euskalduna.

  Ekonomia  Getxo 2016-08-26 13:58

Hamabost mila bisitari izan dira Getxoko turismo-bulegoetan

Hamabost mila bisitari izan dira Getxoko turismo-bulegoetan

Getxoko Udalak gaur jakinarazi duenez, udalerriko turismo-bulegoek 15.382 turista eta bisitari artatu zituzten pasa diren maiatz, ekaina eta uztail hilabeteetan. Udalaren aburuz, "Estatu espainiarreko (%48,7) eta atzerriko (%28) hainbat lekuetatik etorritakoek egindako kontsultak –benetako turistak–  inguruetakoek –Euskadi, Bizkaia eta Getxo– egindakoak baino gehiago izan dira". Hazkunderik handiena, %6,5ekoa, atzerriko eta Europako Erkidegoko turistena eta bisitariena izan da, iazko epealdiagaz alderatuta.

  Ekonomia  Erandio 2016-08-16 18:58

Erandion 200 lanpostu arrisku bizian daudela ohartarazi dute

Erandion 200 lanpostu arrisku bizian daudela ohartarazi dute

Erandioko Enekuri auzoko Global Energy Services (GES) enpresan lan egiten duten 200 bat behargin lanpostu barik gera daitezkeela ohartarazi du CCOO sindikatuaren enpresako atalak. ELA, ostera, "haserre" eta "kezkatuta" agertu da enpresaren jokabideagatik. Biek ala biek Eusko Jaurlaritzaren Industria Sailari eskatu diote esku-har dezan, enpresaren jarraipena ziurtatzeko; energia berriztagarriei lotutako eraikuntza, muntatze- eta mantentze-zerbitzuetarako sozietatea konkurtso aurreko egoeran dago.

  Ekonomia  Urduliz 2016-07-22 18:06

Urdulizko erretiratuen taberna ustiatzeko lehiaketa abiatu du Udalak

Urdulizko erretiratuen taberna ustiatzeko lehiaketa abiatu du Udalak

Urdulizko Udalak herriko erretiratuen taberna ustiatzeko kontratuaren lehiaketa zabaldu du. Esleipenaren iraupena urte bikoa litzateke, beste urte biko luzapeneko aukeragaz. Interesdunek gutxienez 605 euroko kanona ordaindu beharko lukete hileko.

  Ekonomia  Erandio  Getxo  Leioa 2016-07-14 10:30

Bilboko Portuko Agintaritzan praktikak egin ahal izango dituzte 18 gaztek

Bilboko Portuko Agintaritzan praktikak egin ahal izango dituzte 18 gaztek

Bigarren urtez jarraian, praktikak egiteko programa abian jarri du Bilboko Portua eta Itsasadarra Fundazioak. Besteak beste, unibertsitateko edo goi-mailako hezkuntza-zikloko titulua daukaten 32 urte baino gutxiagoko gazte langabetuei dago zuzenduta ekimena. Horrez gainera, fundazioaren patronatua osatzen duten bederatzi udalerrietako batean erroldatuta egon beharko dute hautagai denek; Erandio, Leioa eta Getxoko udalak dira kideetako batzuk. Irailaren 15ean bukatuko da eskaerak entregatzeko epea, eta urrian hasiko dira praktikak.

  Ekonomia  Urduliz 2016-07-11 16:05

Langile bat hil da Urdulizko Lointek lantegian

Langile bat hil da Urdulizko Lointek lantegian

Europa Press albiste-agentziak zabaldu duenez, 49 urteko langile bat hil da gaur Urdulizko Lointek lantegian; Eusko Jaurlaritzaren Segurtasun Sailak berak baieztatu du beharginaren heriotza. Aipaturiko iturriaren arabera, Ertzaintzak 12:10 inguruan jaso du abisua pertsona bat lurrean zegoela esanez. Sorospen zerbitzuko kideak istripuaren tokira bertaratu direnerako, ordea, langilea hilda zegoen. Oraindik argitzeke daude istripuaren nondik norakoak.

  Ekonomia  Erandio 2016-06-29 14:20

CCOOk lan-kosteak murrizteko enpresen gogoari egotzi dizkio lan-istripuak

CCOOk lan-kosteak murrizteko enpresen gogoari egotzi dizkio lan-istripuak

CCOO sindikatuak deituta, gaur goizean 50 bat pertsona elkarretaratu da Axpeko Lidl supermerkatuaren aurrean, bertan 38 urteko behargin autonomo baten heriotza eragin zuen lan-istripua salatzeko eta hildakoaren lankideei eta senideei elkartasuna adierazteko. Era berean, Osalani eta Lan-ikuskaritzari exijitu diete Lidl eta azpikontratatutako Aypro enpresek izan dezaketen erantzukizuna "ahalik eta lasterren" argitzeko. Kontzentrazioan parte hartu dute, besteak beste, Elena Perez Erandioko alkateorde sozialista, Jorge Gonzalez zinegotzia (PSE-EE), Rafa Vaquero zinegotzia eta Ahal Duguko kidea, eta EH Bilduko hainbat ordezkari.

  Ekonomia  Erandio 2016-06-29 10:55

Erandioko lan-istripua Bilbon ere salatu gura du EH Bilduk

Erandioko lan-istripua Bilbon ere salatu gura du EH Bilduk

EH Bildu koalizioak Bilboko Udal Bozeramaileen Batzordea bil dadin eskatu du, atzo Axpen behargin bilbotar bat lan-istripuz hil zela salatzeko. Koalizio independentistak zabaldu duenez, "lan ezbehar-kopuruaren kontrako erakunde mailako aitorpena adostea" da pausu horren helburua.

  Ekonomia  Erandio 2016-06-28 18:17

Langile bat hil da Erandion, makina batek harrapatuta

Gaur arrastian, 36 urteko behargin bat zendu da Lidl enpresak Erandioko Axpe auzoan duen supermerkatuan. Albiste-agentzien arabera, lan-ezbeharra 15:25ak aldera jazo da. Ordu horretan, lokala zaharberritzeko pintura-lanak egiten zebilen kanpoko enpresa baten langile bat harrapatuta geratu da jasogailu batean. Bilboko bizilaguna da biktima. Osasun langileak bertaratu dira, baina gizonezkoa hilda zegoen daborduko.