Gazte-udaldian parte har dezakete 2001 eta 2003 bitartean jaiotako gazteek, beti ere Erandion erroldatuta badaude. 50 leku besterik ez daude eta prezioa 65 eurokoa da. Antolatzaileek gurasoei gogorarazi dietenez, "izen-emate bakarra" egin ahal izango da "ume bakoitzeko".
Inskripzioa egitean, zozketarako zenbaki bana emango diote ume bakoitzari. Ekainaren 14an, eguerdian, lekuen zozketa egingo dute Altzagako kiroldegian, inskribatu diren kideen artean. Antolaketak iragarri duenez, behin 50 lekuen zenbakiak kutxatik erauzita, "beste hamar zenbaki aterako dugu itxaron zerrenda osatzeko, behin betiko izen-ematea egitean plazaren bat hutsik geratzen bada bete ahal izateko. Abisatuko dugu".
Behin betiko izen-ematea ordainketa egin eta kiroldegiren batean aurkeztean ziurtatuko da. Horretarako epea ekainaren 15etik 20ra da. Diru-ekarpena dagokion pertsonaren izenean egin beharra dago, Kutxabanken BBK ES28 2095 0039 15 3239029361 kontuan.
Udaleku irekiak uztailaren 5a eta 28a bitarteko martitzen eta eguenetan egingo dituzte, 10:00etatik 17:00etara. Bertan, kultur, kirol- eta jolas-ekintzak izango dira.