Jaia Astrabuduan izango da, 10:30etik 14:30etara. Bertan, jarduera jolasgarri eta animaziozkoak egingo dituzte, bizimodu osasuntsua eta ingurumenaren babesa sustatzeko eta alkoholdun edarien zein tabakoaren kontsumoa prebenitzeko. Hala, jolasak, tailerrak, puzgarriak, musika eta beste hainbat gauza gozagai izango dituzte hurbilduko direnek.
Autobusa
Joan-etorriak errazteko, autobusa berezia jarriko dute, doan. Ibilbidea honako izango da: Erandiogoikoa (hilerria), Altzaga (Santi Brouard parkea), Astrabudua (osasun-zentroaren aurrean). Ordutegia, ostera, honakoa izango da:
- Joateko: 09:30 / 10:15 / 11:00 / 11:45 / 12:30
- Itzultzeko: 13:15 / 14:00 / 14:45 / 15:30
Udalak erandioztar denei parte hartzera gonbidatu ditu. Era berean, boluntarioen kolaborazioa eskertu du, tartean honako taldeena: Erandioko Emakumeen Elkartea, Ausartzen, Bultzatzen, Erandioko Kabalgata, Erandioko Atletismo Eskola, Lutxana Arraun Elkartea, Trabudu Dantzari Taldea, Uribe Aldeko Gazteen Gurutze Gorria, Gizarte Unamaz Alkartuak, Tratu Txarrak Jasotako Haurren Laguntzarako Euskal Elkartea, Gurari, Extremadurako Etxea, Bizkaiko Abere eta Landare Babeslea, Erandioko Babes Zibila, Erandioko Txirrindulariak, Uztargi Dantza Taldea, Erandio Kirol Elkartea, Astrabuduko Emakumeen Elkartea eta Takolos irrati-kluba.