Hala, haxixaren eta beste drogen kontsumoaz benetako diagnostikoa egiteko asmoz, testuak planteatu dituen informazio-iturri nagusietako batzuk dira kalean biltzen diren kuadrillen topalekuak eta gazte-lonjak.
Elena Pérez Gizarte Ekintzarako zinegotziak aurreratu duenez, behin diagnostikoa eginda Udalak estupefazienteen kontsumoak eragin ditzakeen "arriskuen eta kalteen berri" emango die gazteei. Izan ere, nabarmendu duenez, gazteak "oso goiztiar" hasten dira droga kontsumitzen; "modu neurrigabean", gainera.
Kaleko jardueragaz batera, hainbat ekimena izango da hezkuntza- eta familia-arloan, aurreko urteotan legez. Modu horretan ahaleginduko dira "adingabekoen droga-mota horren kontsumoaren igoera" apaltzen. Haxix, heroina eta beste droga batzuen kontsumoaz aparte, udal planak kontuan hartuko ditu alkohola, tabakoa, jokoa eta Internetaren erabilpen txarra ere, besteak beste.