Jendartea  Erandio 2017-04-03 12:35

Pertsona bat zauritu da Erandion, trafiko-istripu batean

Gaur, goizeko 08:10ak aldera, ibilgailu biren arteko istripua jazo da N637 errepideko 13. kilometroan, Erandioko udalerrian. Ezbeharra Barakaldoko noranzkoan eman da eta, horren eraginez, gizonezko bat zauritu da; larrialdietako zerbitzuek Gurutzetako ospitalera eroan dute. Kilometro biko auto-ilarak sortu dira, eremua garbitu arte.

  Ekonomia  Erandio 2017-03-31 10:00

Hipoteken letra txikiaren gaineko informazio-saioak izango dira Erandion egunotan

Hipoteken letra txikiaren gaineko informazio-saioak izango dira Erandion egunotan

Datozen astelehen, eguazten eta eguenean hipoteka-maileguetan bezeroek dituzten eskubideen eta erreklamazio-bideen berri emango dute Altzagan, Erandiogoikoan eta Astrabuduan, hurrenez hurren. Bereziki, zoru-klausulak eta formalizazio-gastuak aztertuko ditu Iñaki Velascok, Euskal Kontsumitzaileen Elkarteko abokatuak. Saioetan nork bere zalantzak galdetzeko aukera izango du.

  Gazteok  Erandio 2017-03-30 12:00

Etxarri gaztetxearekiko elkartasun-jaia egingo dute zapatuan Kalezulon

Etxarri gaztetxearekiko elkartasun-jaia egingo dute zapatuan Kalezulon

Datorren zapatuan, apirilak 1, gaztetxeen aldarriak eta musikaren doinuek hartuko dute Erandioko Kalezulo gaztetxea. 17.00etatik aurrera, zenbait jarduera egingo dute Errekalde auzoko Etxarri gaztetxearen alde, gaur egun dituen epai-gastuei aurre egin ahal dezan. Pasa den azaroaren 30ean, Errekaldeko gazte-zentro soziala hutsarazi eta hormigoiz itxi zuen Bilboko Udaltzaingoak, “segurtasun neurriak bete ez” zituela egotzita. Etxarriren abokatuek salatu zuten operazioa “erabat ilegala” izan zela eta Bilboko Udalaren aurkako salaketa ipini zuten Administrazioarekiko Auzi-prozesuen Epaitegian.

  Kirolak  Erandio 2017-03-29 17:00

Pagasarrira mendi-txangoa egingo dute Erandioko berbalagunek

Pagasarrira mendi-txangoa egingo dute Erandioko berbalagunek

Domeka honetan, apirilaren 2an, mendira aterako dira Erandioko berbalagunak. Udaberria dela baliatuta, Pagasarrira igotzeko plana prestatu dute, Berbots euskaltzaleen topaguneagaz batera. Hala, domekan Astrabuduko anbulatoriotik irtengo dira, goizeko 09:00etan, Pagasarrira autoz hurreratzeko. Aterpera 11:00etarako heltzea da asmoa, bertan hamaiketakoaz gozatzeko. Atzera bueltako bidea eginda, 13:00etan Erandion izatea espero dute. Izena emateko nahikoa da mezu bat bidaltzea honako bitartekoren batera: 667 995 716 telefonora whatsapp-mezuren bat igorriz edo berbalagunerandio@gmail.com posta elektronikora mezuren bat igorriz.

  Gazteok  Erandio  Uribe Kosta 2017-03-29 13:45

Kongresua Erandion egingo du Ernaik, zapatuan

Kongresua Erandion egingo du Ernaik, zapatuan

Zapatu honetan, apirilak 1, bigarren kongresua egingo du Ernai gazte-antolakundeak. Altzagako Azoka Zaharra hartuko dute ezker abertzaleko gazteek, goizeko 11:30etik aurrera. Bertan, Inurritegi prozesuari amaiera emango diote, "Zirtaka" ponentzia eztabaidatuta. Hasieran, kongresua Santutxuko Karmela auzo-gunean egitekoa zen, baina "eguraldi iragarpenaren ondorioz", lekua aldatzea erabaki du.

  Ekonomia  Erandio 2017-03-29 12:00

Euskaldunan borrokatu zuten emakumeak

Euskaldunan borrokatu zuten emakumeak

Larraitz Zuazok zuzendutako "Nosotras, mujeres de Euskalduna" dokumentala egongo da ikusgai, Astrabuduko ludotekan (Atxutegi, 15), eguen honetan, martxoaren 30ean. Proiekzioa arrastiko 08:00etan izango da; sarrera, doan.

  Jendartea  Erandio 2017-03-29 11:30

Pertsona bat atxilotu dute Erandion, telefonoak lapurtzea egotzita

Pertsona bat atxilotu dute Erandion, telefonoak lapurtzea egotzita

Ertzaintzak 25 urteko emakume bat atxilotu zuen atzo arrastian Asuako denda batean. Segurtasun Sailak zabaldu duenez, Asuako denda bateko segurtasun-arduradunak deitu zien poliziak bertaratzeko eskatuz. 14:00ak jotzear zeudenean egindako dei hartan, segurtasun-buruak jakinarazi zien emakume bat erretenituta zeukatela, lapurtzen ahalegintzen harrapatu ostean.

  Kirolak  Erandio 2017-03-27 17:55

Iñaki Mentxaka da berriro ere Hego Euskal Herriko boccia txapelduna

Iñaki Mentxaka da berriro ere Hego Euskal Herriko boccia txapelduna

Pasa den eguaztenean jokatu zen Altzagako kiroldegian Hego Euskal Herriko Boccia Txapelketa. Iñaki Mentxaka erandioztarra nagusitu zen BC 4 kategorian, orain arte zeukan titulua berretsita. Mentxakaren atzean geratu ziren Carlos Loizaga eta José Ramón Orozko. Hirurak Fekoor taldeko kideak dira.

  Gazteok  Erandio 2017-03-23 18:10

Erandioko ikasleek 1.200 euro irabazi ahal dituzte, barikuan

Erandioko Euskara Zerbitzuak martxan ipinitako ErandioztarrOn Lehiaren lehenengo edizioa amaitzear dago. Daborduko, egin beharreko hiru probak egin dituzte udalerriko hainbat ikaslek, eta horietatik puntuazio gehien batu dituzten lau taldeak final handian lehiatuko dira. Norgehiagoka hori martxoaren 24an, barikuan, izango da Astrabuduko Josu Murueta kultur etxean. 

  Hezkuntza  Berango  Erandio  Uribe Kosta 2017-03-22 16:59

Euskaraz ikasten jarraitzeko, Nahi Dudalako! ekimena

DBH euskaraz egin duten gazteek etorkizuneko ikasketak ere euskaraz egin ditzaten animatzeko Nahi Dudalako! ekimena ipini dute martxan aurten ere. Bizkaiko hainbat udalerrik parte hartzen dute proiektu horretan, tartean Uribe Kostako Berangok eta Erandiok.

  Jendartea  Erandio 2017-03-21 13:15

Pertsona bat artatu dute Erandioko auto-istripuan

Pertsona bat artatu dute Erandioko auto-istripuan

Pertsona bat artatu behar izan dute gaur goizeko 07:20ak aldera, Erandion izandako auto-istripu batean. Segurtasun Sailak zabaldu duenez, kamioi batek, furgoneta batek eta auto batek elkar talka egin dute N-637 errepidean, Erandioko udalerrian, Erletxerako noranzkoan. Zauriturik ez da izan, baina larrialdi-zerbitzuek pertsona bat artatu dute istripuaren lekuan bertan. Bestalde, istripuak hainbat kilometroko ilarak eragin ditu, Gurutzetaraino. Ibilgailuak errepidetik atera ostean, 09:00ak aldera berriz ireki dituzte errailak eta zirkulazioa normaltasunera bueltatu da.

  Jendartea  Erandio 2017-03-16 18:27

Parkingen arazoa berbabide, gaur, Astrabuduan

Parkingen arazoa berbabide, gaur, Astrabuduan

Gaur, eguena, batuko da auzo-asanblada Astrabuduko Josu Murueta kultur etxeko gela urdinean, 20:00etan, auzoan aparkatzeko dagoen arazoari "behin betiko konponbidea" emateko asmoz. Parkingari Konponbidea Orain! auzo-plataformak antolatu du ekimena, eta iragarri duenez Erandioko Udaleko zinegotziak gonbidatu ditu batzarrera, "euren iritzia ezagutzeko".

  Jendartea  Erandio 2017-03-16 18:15

Lutxanako geralekua mantentzea gura du Loiuko Udalak ere

Lutxanako geralekua mantentzea gura du Loiuko Udalak ere

Loiuko Udalbatzak aho batez onartu du Euskotreni eskatzea Lutxana eta Sondika arteko linearen bideragarritasun-plana egin dezan, zerbitzua zabalik mantentzeko helburuagaz. Erandioko Udalbatzak eskaera bera egin zuen aurretik.

  Kultura  Erandio 2017-03-16 17:39

Korrikari ondoetorria egingo diote barikuan Erandiogoikoan

Korrikari ondoetorria egingo diote barikuan Erandiogoikoan

Bihar, barikuan, martxoaren 17an, Erandiogoikoko auzokideek harrera egingo diote euskararen lasterketari. Arrasti osoan, zenbait jarduera izango dira Euskadi plazan antolatuko duten Korrika-festan.

  Jendartea  Erandio 2017-03-16 17:00

Emaiozu Bizia! ekimena aurton ere egingo du Erandioko Euskara Zerbitzuak

Erandioko Udalaren Euskara Zerbitzuak Emaiozu Bizia! egitasmoa garatzen jarraituko du aurten ere, Osakidetzagaz elkarlanean. Ekimen horrek Gurasoek hizkuntza-transmisioa bere egin dezaten bilatzen du.

  Kultura  Erandio 2017-03-16 16:22

Erandioko Udal Musika Eskolak izen­-ematea zabaldu du gaur

Erandioko Udal Musika Eskolak izen­-ematea zabaldu du gaur

Erandioko Udal Musika Eskolak matrikulazio-epea zabaldu du eguen honetan, martxoaren 16an. Eskolako kideek hobeen egiten dutena erakutsiz hasiko dituzte eskolaren jarduerak, hau da, musika-emanaldia eskainiz. Hala, musika-eskolan irakasten dituzten 12 instrumentuen gaineko kontzertu-erakustaldiak entzun ahal izango dira, eguen honetan bertan, 18:30etik aurrera, Astrabuduko Josu Murueta kultur etxeko areto nagusian.

  Jendartea  Erandio 2017-03-17 12:00

Erandioko Udalak Auzoz Auzo egitasmoa indartuko du datozen asteotan

Erandioko Udalak Auzoz Auzo egitasmoa indartuko du datozen asteotan

Itxaso Martiarena Auzoetarako zinegotzia plazara irten da, Erandio Auzoz Auzo egitasmoa dinamizatzeko. Datorren martitzenean, hilaren 21ean, udaletxean batuko ditu auzotarrak eta elkarteak, goizeko 10:30etik 12:00etara. Martxoaren 27an, ostera,  Erandiogoikoko Gizarte Etxean izango da bilera, 19:30etik 20:30era.

  Politika  Erandio 2017-03-15 17:00

Gernikako Arbolaren kimu bat landatu dute Erandioko ertzain-hirian

Gernikako Arbolaren kimu bat landatu dute Erandioko ertzain-hirian

Ertzaintzak Erandion daukan base nagusian landatu zuten atzo Gernikako Arbolaren kimu bat. Gaur egun Gernikako Batzarretxean dagoen haritzaren senideak elkartu zituen atzo Eusko Jaurlaritzako Segurtasun Saileko eta Bizkaiko Batzar Nagusietako arduradun nagusi biak, aipatutako ertzain-hirian. Estefanía Beltrán de Herediak eta Ana Otaduik bota zituzten lehenengo palakadak euskal askatasunen sinboloa dan kimuaren gainean, Ertzaintzako agintariek eta Bizkaiko Batzarretako batzarkideek lagunduta.

  Kirolak  Erandio 2017-03-10 10:00

Lutxana Arraun Elkartea lehia denetarako prest

Lutxana Arraun Elkartea lehia denetarako prest

Ibaizabal itsasadarrak aulki mugikorreko arraun-estropaden egitarau zabala izango du datozen asteotan zein hilabeteotan. Daborduko, Lutxana Arraun Elkarteak jakinarazi du negu eta udaberriko egitaraua, Bizkaiko Arraun Federazioagaz batera antolatutakoa. Klubak bost hitzordu ipini ditu ekainaren 4ra bitartean.

  Ekonomia  Erandio 2017-03-09 13:29

Iraupen luzeko ikastaroak gazte eta langabetuentzat, Erandioko Behargintzan

Erandioko Udalak prestakuntza-eskaintza berri bi zabaldu ditu bertoko herritarrek udalerrian lan egin ahal izan dezaten. Alde batetik, zenbait ikastaro prestatu dituzte 45 urtez gorako langabetuentzat eta langabezian luze egon diren edo bazterketa-arriskuan dauden 31 urtez gorakoentzat.

Nabarmenak

Zorion agurrak