Jendartea  Erandio 2017-02-24 16:30

Erandiok bere hirugarren berdintasun-plana onartu du

Erandiok bere hirugarren berdintasun-plana onartu du

Erandioko Udalbatzak oniritzia eman dio emakumeen eta gizonen berdintasunerako hirugarren udal-planari. Arlo hori jorratzen hasi eta hamar urtera, Udalak honako helburua ipini dio 2019ra arteko planari: "Erandioko herritarren eta, bereziki, emakumeen bizi-baldintzak hobetzea, generoen arteko desberdintasunak gutxituz eta berdintasunean oinarritutako gizarte baterantz pausuak emanez".

  Kirolak  Erandio 2017-02-24 16:00

"Onura publikoko" kirol-kluba izendatu dute Erandio Kirol Elkartea

"Onura publikoko" kirol-kluba izendatu dute Erandio Kirol Elkartea

Erandio Kirol Elkarteak orain dela urte bi ospatu zuen bere mendeurrena; orduan hartutako bultzadak pausu berriak emateko baliatu izan du. Azken urratsean, Iñigo Urkullu EAEko lehendakariarengana eta Bingen Zupiria Kultura eta Hizkuntza Politikarako sailburuarengana heldu dira. Biek sinatu dute kluba historikoa "onura publikokotzat" aitortzen duen dekretua.

  Kirolak  Berango  Erandio  Leioa  Uribe Kosta 2017-02-24 12:00

Baqué-BH errepidera aterako da

Baqué-BH errepidera aterako da

Elkar Kirolak txirrindularitza-elkartearen 23 urtez azpikoen taldea babesteari utzi zion Campos kontserba-enpresak pasa den denboraldiaren akabuan; lau urteko harremana izan ostean. Camposen lekukoa Saroni txirrindula-markak hartu zuen; baina, agindutako laguntza ez zen inoiz heldu; gaia epaitegietan dago.

  Kirolak  Erandio  Uribe Kosta 2017-02-24 11:30

Inskripzio-aldia zabaldu dute Tranko zaldien oztopo-jauzien lehiarako

Inskripzio-aldia zabaldu dute Tranko zaldien oztopo-jauzien lehiarako

Euskal Hipika Federazioak inskripzio-epea zabaldu du Tranko zaldien oztopo-jauzien hastapeneko lehiarako. Zirkuituak 5 proba izango ditu, apirilaren 9tik urriaren 14ra arte, tartean Erandioko Goiherri zaldi-klubean, irailaren 2an.

  Ekonomia  Erandio 2017-02-24 10:40

Enekuriko GESek 25 behargin kaleratuko ditu

Enekuriko GESek 25 behargin kaleratuko ditu

Enekuriko Global Energy Services (GES) enpresak 25 langile kaleratuko ditu. Gainera, Enpresak Estatu espainiarrean dituen 631 beharginetako eta sindikatuetako gehiengoaren adostasunagaz egingo du. Pasa den eguaztenean bozkatu zuten langileek eta gehiengoz enpresaren baldintzak onartu dituzte. UGT, CCOO eta CIG sindikatu galiziarra alde agertu dira; ELA eta CGT Aragoi, aurka daude eta ez dute Enplegu Erregulazio Espedientea sinatuko. Halere, aldekoek gehiengoa dute negoziazio-mahaian.

  Kirolak  Berango  Erandio  Leioa  Uribe Kosta 2017-02-24 09:41

Gaur bilduko da Elkar Kirolak eskola, Berangon

Gaur bilduko da Elkar Kirolak eskola, Berangon

Gaur, barikuan, Elkar Kirolak txirrindulari-eskolak bilera egingo du, 19:30ean, Berangoeta kultur etxean. Berango, Leioa eta Erandioko udalek sustatutako eskolak eskualdeko gurasoei azaldu dienez, "zuen umeari bizikleta gustatzen bazaio, eta eskola zertan datzan jakin nahi baduzue, erdu Berangora; gonbidatuta zaudete". 2003tik 2010ra bitartean jaiotako neska-mutilek parte hartu ahal izango dute eskolan. Bertaratzerik izango ez dutenek badute aukera izena emateko, posta elektronikoz, ek.escuelas@gmail.com helbidera mezuren bat bidaliz.

  Jendartea  Erandio 2017-02-23 19:19

Ostalaritzarako aratuste-ordutegiak finkatu ditu Erandio Udalak

Ostalaritzarako aratuste-ordutegiak finkatu ditu Erandio Udalak

Erandio Udalak iragarri ditu Aratusteak direla eta aste-akabu honetan ostalaritzako lokalek izango dituzten ordutegiak. Hala, Erandioko tabernariek honako orduetan itxi beharko dituzte ostatuen ateak, barikuan eta zapatuan, gehienez jota: 1. taldeko establezimenduetan, goizaldeko 01:30ean; 2. taldekoetan, 03:30ean; 3. taldekoetan, 05:00etan; eta, azkenik, 4. taldekoetan, 06:00etan.

  Kultura  Erandio 2017-02-23 15:00

Aratusteak barikutik domekara ospatuko dituzte Erandion

Aratusteak barikutik domekara ospatuko dituzte Erandion

Garizumaren aurreko festa heldu da berriro ere. Hala, Barikutik domekara Inauteriak ospatuko dituzte Altzagan, Astrabuduan eta Erandiogoikoan.

  Jendartea  Erandio 2017-02-23 12:00

Erandio Zabaltzen aplikazioa, eskura

Erandio Zabaltzen aplikazioa, eskura

Webgune berria estreinatzeagaz batera, Erandioko Udalak martxan ipini du Erandio Zabaltzen, sakelako telefonoetarako aplikazioa. BiscayTIK fundazioak garatu du, eta horren helburua da ahalbidetzea “Udalagaz harremana arinagoa eta errazagoa” izatea.

  Jendartea  Erandio 2017-02-22 13:29

Arrontegi zubiko sarbideak hobetzeko eskaera egin dute

Arrontegi zubiko sarbideak hobetzeko eskaera egin dute

Ibaizabalen alde bien arteko errepide loturak hobetzeko eskatu dio Aldundiari Bizkaiko Batzar Nagusiek. PPren proposamena onetsi zen EAJ, PSE-EE eta Talde Mistoaren aldeko botoakaz. Hala, “legealdi honetan helburu hori lortzera zuzendutako jarduketak egin ditzan” galdegin diote Foru Aldundiari.

  Kultura  Erandio 2017-02-18 12:00

Altzagako jaiak antolatzen hasiko dira martitzenean

Altzagako jaiak antolatzen hasiko dira martitzenean

Erandioko jai-batzordeak Altzagako San Agustin jaiak antolatzen hasteko deia egin du. Horretarako lehenengo batzarra martitzen honetan ipini dute, otsailaren 21ean, 19:30ean, Bekoa ikastetxean. Jai-batzordeak gogorarazi duenez, "2016. urteko jaietan aipatu genuen moduan, jai-batzordeak jende berriaren konpromisoa eta lana ezinbestekoa izango du aurtengo jaiak antolatzeko".

  Jendartea  Erandio  Getxo  Uribe Kosta 2017-02-16 10:43

Ur-bazter batetik bestera

Kepa Ugarte Martiarena

Ur-bazter batetik bestera

Altzagako eta Portugaleteko gasoliozko batelez gurutza daiteke oraindino itsasadarra. Gaur egun, zerbitzu horiek biak baino ez dira geratzen; garai batean, hamabi txalupa zeuden alde batetik bestera itsasadarra zeharkatzeko.

  Kultura  Erandio  Getxo  Sopela  Uribe Kosta 2017-02-16 09:30

Liburuak, aukeran egunotan

Liburuak, aukeran egunotan

Uribe Kostako literaturazaleek egundoko asteaz gozatzeko aukera izango dute: zapatutik eta martitzenera bitartean, bost aukera izango dituzte aurrez aukeratutako liburuetan sakontzeko eta zenbait egile ezagutzeko. Eskualdeko irakurzaleen taldeek, kultur elkarteek eta kultur etxeek eskainiko dute aukera horiek. Liburuon artetik hiru euskarazkoak dira.

  Kirolak  Erandio  Getxo  Sopela  Uribe Kosta 2017-02-15 18:20

Uribe Kosta fin ibili da Euskadiko kros-txapelketetan

Uribe Kosta fin ibili da Euskadiko kros-txapelketetan

Arin ibili ziren eskualdeko atletak aurreko aste-akabu bietan Bizkaian jokatutako Euskadiko kros-txapelketetan. Sopelako Munarri taldeak zilarrezko domina lortu zuen beteranoen taldekako proban; Berrizen egin zuten balentria, pasa den domekan egindako distantzia laburreko eta beteranoen EAEko txapelketan. Domina jantzi zuten María Rosa Romerok, Inmaculada Ruizek, Loli Benítezek, Begoña Minayok eta Mónica Pintorek.

  Jendartea  Erandio 2017-02-15 17:31

Ludoteka-txartela emango diete ume erandioztarrei

Erandioko ludoteketara jolastera doazen neska-mutilek laster jasoko dute txarteltxo bana. 100 bat izaten dira Astrabuduko eta Altzagako aisialdi-zentroetan jolasten duten hiru eta hamar urte bitarteko ume eta gaztetxoak.

  Kultura  Erandio 2017-02-15 17:24

Musika-bandagaz hitzarmena berretsi du Erandioko Udalak

Musika-bandagaz hitzarmena berretsi du Erandioko Udalak

Erandioko Udalaren Erandioko Musika Banda musika-elkarteren arteko hitzarmenak beste urtebete iraungo du, udalerrian musika-jarduerak bultzatzeko asmoz.

  Kirolak  Erandio 2017-02-15 16:29

Eskalada-murrua eraikiko dute Erandiogoikoko San Jose auzoan

Eskalada-murrua eraikiko dute Erandiogoikoko San Jose auzoan

Erandioko Udalak eskalada-murrua eta entrenamenduak egiteko gunea ipiniko ditu datozen hilabeteotan, Erandiogoikoko San Jose auzoan, sarbidean dagoen parkean, bertan kirol-gune txiki bat ezarriz. Proiektu biak auzokideek erabaki dituzte, Udalak egindako inkestan, bertan kokatuko duen “aisialdirako eta gozamenerako gune berria” hauta zezaten. Galdeketa horretan, kirol-ekipamendu biak lehenetsi zituzten herritarrek, euren arteko aldea boto batena izanda.

  Jendartea  Erandio 2017-02-13 15:51

Daborduko, .EUS da Erandioko udal-webgunea

Daborduko, .EUS da Erandioko udal-webgunea

Erandioko Udalak webgune berria estreinatu du gaur. Erandio.net zaharra oraindino ikusi badaiteke ere, Erandio.eus jaio da gaur eduki gaurkotuakaz eta itxura berrituagaz. Joseba Goikouria alkateak eta Alaitz Etxeandia BizkayTIK fundazioaren zuzendari nagusiak azaldu dutenez, erakunde bien lankidetzatik sortu da atari berria. Hala, webguneak herritarrei eskainiko die udaletxeagaz izapide telematikoak egiteko aukera.

  Politika  Erandio 2017-02-10 12:00

Bake-epaileari arrazoia eman dio Auzitegi Nagusiak

EAEko Auzitegi Nagusiaren Gobernu Aretoak ebatzi du ez duela ezelako ekimenik egin behar Jon Iñaki Rodríguez Erandioko bake-epailearen aurka, ez ziolako inori "errespeturik galdu". Pasa den azaroaren 22an, Erandioko Udalak eskatu zuen ikerketa, Udalbatzak hala eskatuta.

  Ekonomia  Erandio 2017-02-10 09:00

Quirón ospitaleko beharginek protesta egiten segituko dute, hitzarmenaren alde

Quirón ospitaleko beharginek protesta egiten segituko dute, hitzarmenaren alde

Erandioko Quirón ospitaleko langileek orain arte astelehenetan egindako ordu biko lan-uzteak mantenduko dituzte datozen asteotan, Langileen Batzordeak jakinarazi duenez. Izan ere, ia erabateko segimendua izan dute "lan-hitzarmen duin" baten aldeko protestek: "langileen %99k egin du bat", ELA, CCOO eta Satse sindikatuen arabera. Halere, ez dute baztertu mobilizazioak zabaltzea, enpresak negoziatu ezean.

Nabarmenak

Zorion agurrak