Kultura 2004-07-20 23:20

Mendik bere enparantza izango du Astrabuduan

Erabiltzailearen aurpegia Ukberri Trabudu Dantzari Taldeak eta Astrabuduko beste hainbat gizarte, kirol eta kultur elkartek eskatutakoarekin bat eginez, San Lorentzo kalean eraikitako plaza berriari, Jose Andres Mendiguren "Mendi" izena jartzea onartu zuen atzo, aho batez, Erandioko udalbatzak. Hain zuzen ere, plaza horretan hil zen Mendi, 2002ko azaroan, Euskal Astea ospatzen ari zela.
  Jendartea 2004-07-20 23:19

Karabesu mendian 23.564 zuhaitz landatuko ditu Erandioko Udalak

Erabiltzailearen aurpegia Ukberri Azarotik aurrera, Karabesu mendiko basoak berritzeko lehen faseari ekingo dio Erandioko Udalak. Horretarako, hostozabal eta konifero hainbat espezietako 23.564 zuhaitz landatuko dira guztira, 16 hektareako azaleran. Era berean, beste 4 hektarea ere garbituko dira. Udal arduradunek jakinarazi dutenez, orotara 40 hektareako azalera du Karabesu mendiak (Akarlanda-Unbe parkearen mugakidea). Hain zuzen ere, udalerriko mendiak kudeatzeko asmo handiko plan baten lehenengo jarduera dira lehenengo fase honetan garatuko diren birlandaketa-lanak. Karabesu mendiari dagokionez, 2005-2006 urtealdian bukatuko da berriztaketa.
  Jendartea 2004-07-16 21:37

Getxoko zabortegia ingurumen-gunea bilakatuko dute

Erabiltzailearen aurpegia Ukberri Aurtengo azken hiruhilekoan edo datorren urteko lehenengoan zabortegia izten dutenean, udal hondakinen arazoa erabat konpontzeko ingurumen-egitasmoa gauzatuko du Getxoko Udalak. Bere egunean zabortegia zabaltzeko erosi zuten lurrari esker, ingurune osoa berreskuratu ahal izango dute, Iñaki Zarraoa alkateak adierazitakoaren arabera, honako hiru ekintza hauen bitartez: Ingurumen Areto bat sortzea, herritarrek gozatzeko inguruko bideak berreskuratzea eta ingurumen arloko konplexu oso bat martxan jartzea.
  Jendartea 2004-07-16 20:51

Erandioko bizilaguna atxilotu dute Bilbon harremanak izateko klubeko atezaina erasotzeagatik

Erabiltzailearen aurpegia Ukberri Bilboko harremanak izateko klub bateko atezainari herio-mehatxua egin eta hura botila batekin jotzea leporatuta, O.C.P. Erandioko 22 urteko gaztea atxilotu du gaur goizaldean Ertzaintzak. Europa Press agentziak jakinarazi duenez, 4:00ak aldera izan dira gertaerak. Klubeko atezaina kolpatu eta erasotzailea eta berarekin zeudenak, botila eta beisbol batea lurrean utzita, ihes egin dutela aditzera eman diete ordu horretan Hiri-Segurtasun patruila-kotxe bateko agenteei. Ordu batzuk lehenago istilua izan omen du atezainarekin gazteak, lekukoek ertzainei esandakoaren arabera. Lagun gehiagorekin eta batea eta botila eskuan zituela itzuli da beranduago klubera.
  Politika 2004-07-15 22:49

"Zapalketa politikoa" erabiltzea egotzi dio alkateari Erandioko PPk

Erabiltzailearen aurpegia Ukberri Agintaldiko lehenengo urtean, EAJ eta EA alderdiek osatutako gobernu batzordeak "zapalketa politikoa" erabili duela adierazi du gaur, prentsa ohar bidez, Javier Ruiz Erandioko PPko bozeramaleak. Bere hitzetan, etengabe erabili dute daukaten gehiengoa oposizioko taldeen ekimenak eztabaidatuak izan daitezen galarazteko, "edozein udal administrazioan egon behar duen debate publikoa eta irekia errotik moztuz". Horretaz gain, Mikel Arieta-Araunabeña (EAJ) alkatearen jokabidea hainbatetan "legez kontrakoa" izan dela aipatu du popularren ordezkariak, "aukeratutako zinegotzia bailitzan, Erandioztarrak plataformako kide bati hitza eman diolako udalbatzar bat baino gehiagotan", "bozkatzeko aukera ere" eman dietela gaineratuz. PPko zinegotziak esandakoaren arabera, "fiskaltzara joko genuela esan genionean baino ez zuen atzera egin. Hala ere, legez kanpoko plataformak normaltasun osoz erabiltzen du udaletxeko bulegoa". Ildo berean, kartzelara bisitatzera joateko preso politikoen familiarrei ematen zaizkien dirulaguntzak kritikatu ditu, baita aurten lehendabiziko aldi Elkarriri emandakoa ere. Dirulaguntzak emateko politikari "alderdikoia" iritzi dio Ruizek.
  Ekonomia 2004-07-12 21:23

Enplegu Plana garatzen ari dira Erandion

Erabiltzailearen aurpegia Ukberri 2005ean indarrean sartuko litzatekeen enplegu-plan berria prestatzen dihardu Erandioko Udalak. Hain zuzen ere, emakumeak eta oinarrizko errenta jasotzen duten auzotarrak laneratzea izango litzateke egitasmoaren helburua. Horretaz gain, inguruko enpresek behar dituzten langile-profilaren arabera, egokia den trebakuntza emango diete langabetuei.
  Jendartea 2004-07-05 23:00

Metroko zaintzaileek emandako kolpeengatik, bi anai erandioztar daude ospitalean

Erabiltzailearen aurpegia Ukberri Metroko segurtasun-zaintzaileek eragindako zauriak direla eta, Basurtoko ospitalean ingresatu behar izan zituzten atzo goizaldean Erandioko bi anai. Etxera zihoazen lagunekin 25 eta 27 urteko R. eta J.F.T. gazteak, Bilbon ezkongai agurra ospatu ostean.
  Kultura 2004-07-02 21:03

Euskal selekzioaren eguna ospatuko dute bihar Astrabuduan

Erabiltzailearen aurpegia Ukberri Astrabuduko hainbat kultura eta kirol taldek antolatuta, euskal selekzioaren aldeko eguna ospatuko da larunbat honetan aipatutako Erandioko auzoan. Kalejira alai eta zaratatsu batez hasiko da jaialdia goizean goiz. Zanpantzarrak, gaiteroak eta trikitilariak ere egongo dira bertan. Goiz erdian, berriz, jaiaren aurkezpena egingo da Trabudu plazan, bertan Esaiteko kideak eta kirolariak parte hartuko dutelarik. Aurkezpena osatzeko, euskal dantzak eta bertsolariak izango dira. Herri bazkarian sabelak bete ostean, Txan Magoa, herri kirolak eta Kick-Boxing erakusketak ikusteko aukera egongo da. Eta azkenik, gau partean, Roberto eta Kepak alaituko dute erromeria. Astraburuko jendeaz gain, Uribe Kosta eta Txorierri eskualdeetako jendeari dei egin nahi diote antolatzaileek euskal selekzioaren aldeko egunean parte hartzera.
  Jendartea 2004-06-24 23:08

Gizon bat atxilotu dute Erandion bikotekide ohia jipoitzeagatik

Erabiltzailearen aurpegia Ukberri Erandion 23 urteko gaztea atxilotu zuen atzo Ertzaintzak, ustez, bere bikotekide ohia eta haren egungo bikotekidea jotzeagatik. Gauerdia aldera, Erandioko Bekoetxea kalera joateko abisua jaso zuen Ertzaintzak, han eraso bat gertatzen ari zelako. Bertara iritsi zirenean, emakumeak bikotekide ohiak bera eta bere bikotekidea jo zituela esan zien polizia agenteei eta gizonezkoa atxilotu egin zuten.
  Kultura 2004-06-23 19:15

Familia-giroan euskara bultzatuko dute Erandion

Erabiltzailearen aurpegia Ukberri Familien barruan euskara belaunaldiz belaunaldi zabaldu dadin bultzatzeko, "Euskaraz Blai" sentsibilizazio kanpaina abian jarri du Erandioko Udaleko Euskara Sailak. Izan ere, euskararen aldeko jarrera eta erabilera bera bermatzeko, familia-giroa funtsezkoa dela uste dute.
  Kultura 2004-06-23 19:14

Airetiko ehun argazki baino gehiago bildu dituzte "Erandio" liburuan

Erabiltzailearen aurpegia Ukberri Erandioko Udalak eta Edyfoat argitaletxeak batera argitaratu dute "Erandio" liburua. Bertan udalerriko eta inguruko lekurik esanguratsuen airetiko irudiak azaltzen dira (100 iruditik gora) eta Bizkaiko eskualde honen historia, jarduera, ekonomiaren garapena eta itxuraldaketari errepasua egiten zaie. Hitzaurrea Mikel Arieta-araunabeña alkateak berak egin du eta liburuak José Ignacio Ruiz de Olabuenaga katedratikoak egindako testuak ditu. Liburua 30 eurotan dago salgai.
  Kultura 2004-06-21 21:52

Guztira 32 film labur proiektatuko dira gaur abiatu den Erandioko Zimemaldian

Erabiltzailearen aurpegia Ukberri Gaur eman zaio hasiera Erandioko Lehen Film Laburren Zinemaldiari. Maiatzaren 24ra arte, 60 film inguru aurkeztu zituzten guztira Euskal Herriko eta Espainiako hainbat komunitateetako lehiakideek. Horien artean 32 aukeratu dira finalerako. Laburmetraiak, umorezkoak eta dokumentalak, gehienez 35 eta gutxienez 10 minutuko iraupena dute eta jendeaurrean proiektatuko dira Astrabuduako Josu Murueta kultur etxean ekainaren 26a bitartean (19:30etatik aurrera). Azken egun horretan egingo den amaiera ekitaldian emango dituzte ezagutzera irabazleak epaimahaikoek.
  Kultura 2004-06-16 19:30

Aisialdi eta kirol jarduerak antolatu dituzte Erandion 160 neska-mutikoentzat

Erabiltzailearen aurpegia Ukberri Erandioko Udalak "Udaladia 2004" izeneko aisialdi eta kirol jarduerak antolatu ditu, oraingo honetan udalerriko 160 neska-mutilei zuzenduta, igaz egon zen eskaera handiari erantzuna emanez. Horien artean, 110 toki 7 eta 12 urte bitarteko haurrei dagozkie eta gainontzeko 50ak 13 eta 16 artekoei. Besteak beste, esgrima, saskibaloia, eskupilota, eskubaloia eta museotara, Abra Aquariumera edota San Juan de Gaztelugatxera bisita gidatuak egongo dira jardueren artean.
  Iritzia 2004-06-15 22:31

Sopela da herriaren euskal izena, eta ez Sopelana - Xabier Kintana /Euskaltzaina

Erabiltzailearen aurpegia Ukberri Bada euskaraz esaera zahar bat, “zital zirola, nok gudura haroa” dioena, hau da, ‘zapatari zitala, nork harama gerrara?’, eta erdarazko “zapatero a tus zapatos” bezala, ez dakigunaz hobe dela berbarik ez egitea, edota, ulertzen ez ditugun gauzetan zuhurrena muturra ez sartzea gomendatzen digu. Eta hori ikasi beharko genuke guztiok, esaterako, Sopela-Sopelana arazoaz arinkeriak lau haizeetara aldarrikatu baino lehen.
  Kultura 2004-06-08 23:54

Dendetan euskararen erabilera sustatzeko egitasmoa Erandion

Erabiltzailearen aurpegia Ukberri Euren zerbitzua euskeraz eskaini dezaketen establezimenduak bereizteko ikurrak banatzen hasi da Erandioko Udalak. "Gure artean euskaraz" leloa irakur daitekeen pegatinak jarriko dituzte denda horien erakusleihoetan. Guztira, langile elebidunak dituztela frogatu duten 78 saltokik parte hartuko dute egitasmoan.
  Jendartea 2004-05-31 22:32

Superkuartelaren aurkako martxa

Erabiltzailearen aurpegia Ukberri Hainbat talde antimilitaristek deituta, Erandioko superkuartelaren aurkako bostgarren martxa egin zen larunbatean. Antolatzaileen hitzetan, polizia-instalazio hori dela eta, militarizatuta dago herria. Gaineratu dutenez, 1.800 bat agente dago bertan eta, azkeneko sei urtetan, 127 milioi euroko aurrekontua eduki du. Besteak beste, 33 futbol zelai pareko nekazal lurrak deuseztea ekarri du superkuartelak.
  Kultura 2004-05-25 22:40

Matrikulatzeko epea zabalik Erandioko Musika Eskolan

Erabiltzailearen aurpegia Ukberri Gaur egun Udal Musika Eskolan ikasten ari diren ikasleek zabalik dute datorren ikasturterako matrikula egiteko epea. Gero, ekainaren 1etik 30era, musika ikasketei ekin nahi dieten ikasle berrientzat zabalduko dute matrikulazio epea. Musika Eskolak Astrabuduko Josu Murueta kultur etxean duen egoitzara jo behar dute interesatuek eskabideak egiteko. 4 urtetik hasi eta 65 urte arteko 260 ikasle ditu Musika Eskolak eta hainbat musika talde osatu dute: orkestra, banda eta ganbara musikako taldeak.
  Kirolak 2004-05-24 23:54

Astrabuduan 8.000 metro koadro lur erosiko dituzte futbol zelaiak egiteko

Erabiltzailearen aurpegia Ukberri Astrabuduan bi futbol zelai egiteko, Erandioko Udal Batzordeak lursailen jabeekin lortutako akordioa begi onez ikusi du udalerriko Hirigintza Arloak. Horrela, kirol instalazio berriak jarriko dituzten orubeen hamar jabeei 7.866,20 metro koadro lur erosteko erabakiari bidea emango zaio datorren ostiralean egingo den udalbatzarran.
  Jendartea 2004-05-24 23:54

Erandioko ur-horniketa sarean 44 isuri konpondu dituzte

Erabiltzailearen aurpegia Ukberri Apirilaren 22tik hona, 44 isuri aurkitu eta konpondu ditu, Erandioko ur-horniketa sarean, Udal Sareak enpresak. Hain zuzen ere, udalerrietan edateko ura banatzeko sareen kudeaketaz arduratzen da Udal Sareak. Udal Partzuergoaren eskuetan dago aipatutako enpresaren ustiapena.
  Jendartea 2004-05-18 21:31

Adimen urrituentzako eguneko zentroa zabalduko dute Astrabuduan

Erabiltzailearen aurpegia Ukberri Adimen urritasunak dituzten pertsonak laguntzeko asmoz, eguneko zentroa inauguratuko du bihar, Erandioko Astrabudua auzoan, Gorabide elkarte bizkaitarrak. Besteak beste, Txorierrin, Nerbioi itsasadarreko eskumaldeko udalerrietan eta Bilbon bizi diren 16 lagunei emango zaie zerbitzua, Etxegorri kaleko 16. zenbakian kokatuta egongo diren instalazioetan.

Nabarmenak

Zorion agurrak