Jendartea 2004-05-14 22:42

Erandioko Garbigunean lapurtzen saiatzea egotzi diete lau lagunei

Erabiltzailearen aurpegia Ukberri Besteak beste, Muskiz, Trapaga eta Urtuella herrietako bizilagunak diren 22 eta 37 urte bitarteko lau lagun atxilotu ditu Erandion Ertzaintzak, ustez, bertoko Garbigunean lapurtzen saiatzeagatik.
  Jendartea 2004-05-13 00:39

Desagertutako emakume baten gorpua aurkitu dute itsasadarrean

Erabiltzailearen aurpegia Ukberri Eusko Jaurlaritzako Barne Sailak jakinarazi duenez, emakume baten gorpua aurkitu dute itsasadarreko uretan, Erandioko Axpe erriberan. Hamaikak baino apurtxo bat lehenago, Ertzaintzari eman dio abisua obra bateko arduradunak. Hilotza altzatu eta Bilboko Auzitegiko Mediku Institutura eraman dute gorpua. Izan ere, MJ.V.C. izeneko erandioztarra maiatzaren 8tik zegoen desagertuta.
  Ekonomia 2004-05-11 23:29

Erandioko Udalak 24 auzotarrei eman die lana

Erabiltzailearen aurpegia Ukberri Udalerriko 24 langabetu kontratatu ditu, sei hilabetez, Erandioko Udalak, hainbat zeregin aurrera eraman ditzaten. Besteak beste, atzo hasi eta hilaren 17ra arte luzatuko den trebakuntza ikastaroa jasoko dute aukeratuta auzokideek. Epe hori amaituta, zortzi lagunek osatutako hiru talde egin eta landabideak garbitu, adinekoak eta ezinduak zaindu eta udal araudiak betearazteaz arduratuko dira. Azken bi zeregin hauek aurten jarri dira abian. Laneratzeko arazoak dituzten pertzonak trebatzeko asmoz, Auzolan egitasmoaren barruan dago ekimena.
  Jendartea 2004-05-11 22:32

Bekoa eta itsasadarra arteko trafikoa berrantolatuko du Erandioko Udalak

Erabiltzailearen aurpegia Ukberri Hainbat kaleren zirkulazio-norabidea aldatuko dute

Altzaga auzoko erdigunea itsasadarreko errepidearekin lotzen duten hainbat kaleren zirkulazio-norabidea berrezarriko du bihar Erandioko Udalak. Jose Luis Goyoaga etorbidean, Ur Partzuergoak egiten diharduen Udondo-Erandio interzeptoreko lanen lehenengo fasea amaituta dagoelako hartu dute erabakia.
  Kultura 2004-05-03 22:24

Ikasketak euskaraz egiten jarraitzera animatu ditu gazteak Erandioko Udalak

Erabiltzailearen aurpegia Ukberri Erandioko Udaleko Euskara Sailak gutun bat bidali die 1988an herrian jaiotako 194 gazteei eta beren gurasoei, jarduera akademikoa eta profesionala euskaraz egiten jarraitzera animatuz. Derrigorrezko Bigarren Hezkuntzako (DBH) laugarren mailako balizko ikasleak dira gazte horiek.
  Jendartea 2004-04-27 00:02

Saharar errefuxiatuen gaineko argazki erakusketa eta hitzaldia Astrabuduan

Erabiltzailearen aurpegia Ukberri Saharako basamortuan, Tinduf-etik hurbil dauden errefuxiatu-eremuetan bizi direnen egoera ezagutzera emateko asmoz, argazki erakusketa egongo da ikusgai, ostiralera bitartean, Astrabuduako Josu Murueta kultur aretoan. Patxi Hernandez atletak egindako irudiak dira guztiak. Jon Salvador erandioztarra, Aitor Egiguren lemoiztarra eta, hainbat eta hainbat kirolari profesional eta zaletuekin batera, otsailaren 23an, Aiún eta Smara kanpamentuen artean burutu zen Saharako maratoiaren laugarren edizioan parte hartu zuen korrikalari gazteiztarrak.
  Jendartea 2004-04-26 23:11

Arteagan 36 zuhaitz birlandatzen ari dira

Erabiltzailearen aurpegia Ukberri Erandio Goikoan, Arteagako kirol instalakuntzen inguruetan, 36 zuhaitz birlandatzeko lanetan dihardu Erandioko Udala. Astrabudua auzoko Lorentzo Deuna, Bilboko Kontsulatua eta Atxutegi kaleetan eta Trabudu plazan egiten ari diren errepideak eta ezpaloiak zabaltzeko lanak direla eta, kendu behar izan dituzte guztiak.
  Kultura 2004-04-23 23:16

Omenaldia egingo diote igandean Jose Andres Mendiguren "Mendi"ri, Astrabuduan

Erabiltzailearen aurpegia Ukberri Eliza atzeko aparkalekuen gaineko plazari Jose Andres zenaren izena jartzea eskatu diote Erandioko Udalari

Apirilaren 25ean omenaldi xumea baina beroa eskaini nahi diote Trabudu dantza taldeko kideek, 2002ko azaroaren 30ean, Astrabuduan Euskal Astea ospatzen ari zela zendu zen Jose Andres Mendiguren "Mendi"ri. Beste dantza talde batzuetan ibili ondoren, Javier Intxaurbe Urtiagarekin batera, Trabudu sortu zuen 1975. urtean, eta ordutik hona, auzoko hamaika neska-mutil ibili da bertan euskal dantzak ikasten eta erakusten. Taldeak sekulako lana egin du, baita, Agate Deuna dela, Olentzero dela, San Lorentzoak direla... bertako ohiturak berreskuratu eta ezagutarazteko. Besteak beste, Txorierri eta Uribe Kostako hamar dantza talde elkartuko dira igande goizean kalejira eta dantza saioa egiteko.
  Iritzia 2004-04-19 23:37

Lazarraga gaztearen garaiko maite-jokoak - Xabier Kintana / euskaltzaina

Erabiltzailearen aurpegia Ukberri Gure hedabideek lau haitzeetara jakinarazi dutenez, euskal literaturan uste gabeko aurkikuntza harrigarria gertatu da aurten: Joan Perez Lazarraga arabar idazlearen obra, ehun orrialdeko koaderno batean bildua. XVI. Mendeko obra hori Gipuzkoako Diputazioak erosia du eta edozeinek kontsulta dezake interneten: www.gipuzkoakultura.net/lazarraga
  Jendartea 2004-04-05 23:00

Adin txikiko bi atxilotu dituzte Erandion kotxea lapurtzeagatik

Erabiltzailearen aurpegia Ukberri Ustez ibilgailu bat lapurtzeagatik, hurrenez hurren, 13 eta 15 urteko adin txikiko bi atxilotu zituen atzo Erandion Ertzaintzak. Lapurtutakoen zerrendan zegoen kotxea eta Txorierriko korridorearekin lotzen den BI-637 errepideko zatian utzi zuten abandonaturik lapurrek.
  Kultura 2004-04-02 22:35

Kanpomartxo ospatuko dute igande honetan Lutxanan

Erabiltzailearen aurpegia Ukberri Apirilaren 4an Kanpomartxo jaiaren XIV edizioa ospatuko da Erandioko Lutxana auzoan. Hainbat hamarkadatan galduta egon zen eta orain dela 14 urte berreskuratu zuen baserri giroko euskal jaia Berbots Erandion Euskaraz! elkarteak. Ordutik hona, udalerriko auzo ezberdinak txandakatuz egin da urtetik urtera. Eguerditik aurrera, dantzak, bertsolariak, antzerkia, jolasak... edukiko dituzte egunean zehar bertara batzen direnek. Larunbatean ere kontzertua egingo da 23:30ean. Lutxanako eskoletako kolektiboarekin batera antolatu du jaia Berbotsek.
  Kultura 2004-03-30 22:30

Internet bidezko sarean egongo dira Erandioko liburutegiak

Erabiltzailearen aurpegia Ukberri Gutxi gora behera, EAEko berrehun liburutegien zerbitzuak eskura izango dituzte Erandioko Udal Liburutegietako erabiltzaileek, txartel berri baten bidez. Izan ere, Euskadiko Liburutegien Sistema Nazionalean (ELSN) dauden udal liburutegi guztiekin internet bidezko sarea sortu nahi du Eusko Jaurlaritzako Kultura Sailak eta horretan parte hartzea erabaki du Erandioko Udalak.
  Jendartea 2004-03-29 22:58

Genero Berdintasuna sustatzeko egitasmoa garatuko du Erandioko Udalak

Erabiltzailearen aurpegia Ukberri Erandioko Udalaren barne zein kanpo-jardueran genero ikuspegia barneratu eta beharrezkoak diren hobekuntzak ahalbidetzeko neurriak abian jartzeko, Genero Berdintasuna sustatzeko Egitasmoa garatuko du udalerriko Gizarte Ekintza Sailak. Mikel Arieta-Araunabeña alkateak gaur azaldu duenez, "udal erakundeko langileak ez ezik, horrela eskatzen duten herriko kolektiboek ere", tresnatzat erabili ahal izango dute gomendio-eskuliburua egiterako orduan lortutako emaitzak, genero berdintasunean sakontzeko. Horrela, udal sail guztiak koordinatzeaz gain, genero indarkeria eta antzeko gaiak landu, eta gizartean emakumearen presentzia areagotzeko informazio kanpainak martxan jarriko dituzte. Horretaz gain, herriko agente guztien eskuhartzea eta elkarlana bultzatu nahian, enpresa, hezkuntza eta gizarte erakundeetara zabaldu nahi dute egitasmoa.
  Kirolak 2004-03-17 19:15

Kuartangoko (Araba) Arangatxa mendira irteera igandean

Erabiltzailearen aurpegia Ukberri Arabako Kuartango herrian dagoen Arangatxa mendira irteera antolatu du, martxoaren 21ean, Astrabuduako Atxazpe mendi taldeak. Udalerri horretako Andagoia auzotik hasiko da igoera. Joan nahi duten guztiek, bihar izango dute izena emateko aukera, 944 671 901 telefono zenbakira deituz, 19:00etatik 20:30etara.

  Iritzia 2004-03-14 22:14

Bremengo euskal kantariak - Xabier Kintana / euskaltzaina

Erabiltzailearen aurpegia Ukberri Bremen Alemaniaren iparraldeko hiria da, Saxonia Beherean datza, Weser ibaiaren ondoan eta 553.000 biztanle dauzka. Merkatal portu garrantzitsua, industria eta garapen maila handia dituen arren, mundu zabaleko haurren artean behintzat, segur aski beste arrazoi batengatik ezagunagoa da; bertan gertaturiko ipuin famatuagatik, hain zuzen: Bremengo musikariak: Nork ez du entzun bada, gaizki trataturiko asto, txakur, katu eta oilar haiek, zein bere baserri-etxetik ihes eginda, eratu zuten kantari taldearen berri, lapur batzuk ikararazi zituena? Hirian bertan, udalaren aurreko Plaza Nagusian bada brontzezko eskultura bat, upuineko istorio hori gogoratzen duena.
  Ekonomia 2004-03-09 21:14

Erandioko udal egoitzako langileek 70 egun egingo dituzte greban

Erabiltzailearen aurpegia Ukberri Hamar aste beteko dira bihar, 2003ko abenduaren 31an, Erandioko San Jose Udal Egoitzako garbiketa hamaika langilek greban hasi zirenetik. Hori dela eta, manifestazioa egingo dute bihar, 12:00etatik aurrera, udalerriko kaleetan zehar. Izan ere, Marga Olarieta langileen bozeramaleak aipatzen duenez, 70 egun hauetan, "negoziaketarako saiakera seriorik ez du egin zentroan zerbitzua emateaz arduratzen den Garbialdi SL enpresak".
  Politika 2004-03-01 21:55

Modu autoritarioan jokatzea egotzi dio alkateari Erandioko PPk

Erabiltzailearen aurpegia Ukberri Javier Ruiz Erandioko PPko bozeramaileak salatu duenez, Mikel Arieta alkateak (EAJ) oposizioko alderdiek aurkeztutako mozioak eta proposamenak ez ditu eztabaidatzen uzten. "Alkate lana egin beharrean, alkaidetzat jokatzen du", adierazi du prentsa ohar bidez.
  Kultura 2004-02-28 21:24

Prest dago Erandioko Udaleko Euskara Biziberritzeko Plan Nagusia

Erabiltzailearen aurpegia Ukberri 2004-2007 eperako Euskara Biziberritzeko Plan Nagusia onartu du Erandioko Udalak. Orotara 33 erakundek (EAEko 31 udalek eta 2 mankomunitatek) martxan jarri dute dagoeneko EBPN. Erakunde guzti horiek, hiruzpalau urtetako plan estrategikoa prestatu ondoren, urtean urteko kudeaketa-planen bidez garatzen ari dira egitasmoa. Beste alde batetik, zortzi erakunde gehiago EBPN prestatzen hasita daude, eta beste horrenbeste urtarrila eta otsaila bitartean hasi dira.
  Ekonomia 2004-02-18 22:26

Greban 50 egun egin dituzte San Jose egoitzako langileek

Erabiltzailearen aurpegia Ukberri Oraindik ere, Erandioko udaletxe aurrean egunero konzentratzen jarraitzen dute San Jose udal egoitzako langileek, zentroko gainontzeko beharginekin konparatuta, sufritzen ari diren "diskriminazio egoera" salatzeko asmoz. ELAk jakitera eman duenez, 50 egun bete ditu gaur grebak. Hori dela eta, goizean egin den ez-ohizko udalbatzara agertu dira, alkateari "zintzotasunik gabe" jokatu duela leporatzeko, "arazoari irtenbideren bat bilatzeari uko egin baitio".

Gaiaren inguruko albisteak.

San Jose egoitzako langileekin batera konzentratu dira gaur ELAko ordezkariak (2004 Urt 23)
  Iritzia 2004-02-15 20:47

Kaleak argi gorriaz zeharkatzeaz - Xabier Kintana / EHUko irakaslea

Erabiltzailearen aurpegia Ukberri Maiz entzuten da eskolako irakaspenen artean badela bat, behiala oso aintzat hartua izan arren, aspaldian erabat baztertua: gizabideko manerak, ohitura onak eta lagun hurkoarenganako errespetua lantzea. Izan ere, heziera oneko portaera-erregela horiek pertsona gehienoi behintzat, ordu luzeetan ikasi behar genituen errege godoen zerrenda, Erdi Aroko gaztelau idazleen lanak, erro karratuak, logaritmoak, espekulazio filosofikoak eta mekanika kuantikoa baino praktikoago gertatzen zaizkigu eguneroko bizimoduan.

Nabarmenak

Zorion agurrak