Omenaldia Erandioko bonbardaketen biktimei

2017/04/25 13:00

Ibarra kalea, 6 Erandio |Deialdi ofizialak

Erandioko Udalak omenduko ditu Erandioko bonbardaketetan eta Gerra Zibilean izandako biktimak. Ekitaldia etzi, martitzenean, izango da, 13:00etatik aurrera, Altzagako Ibarra kaleko 6. zenbakian, bonbardaketa baten 80. urtemugan. Udalak erandioztar denak bertaratzera deitu ditu.

Erandioko emakume migratuen prestakuntzarako gunearen aurkezpena

2017/04/28 18:00

Behargintza Erandio |Batzarrak eta topaketak

Erandioko Udaleko Berdintasun Zerbitzuak martxan ipiniko du emakume migratuen prestakuntzarako elkargunea, datorren barikutik, hilak 28, eta uztailaren 8ra arte. Udalak zabaldu duenez, talde horren helburua mota denetako proiektuak, esperientziak eta sentimenduak partekatzea izango da.

Kanpomartxo

2017/04/30 11:00

Lutxana Erandio |Jaiak

Baserritarren antzinako Kanpomartxo festa egingo dute aurton ere: datorren apirilaren 30ean izango da, domekan, Lutxanan. Auzoko zein udalerriko kultur talde askok parte hartuko dute. Goizeko 11:00etatik aurrera eta gauera artean, izango da zertaz gozatu: musikariez, euskal dantza-erakustaldiez, bertso-saioaz Itxaso Paya eta Anjel Mari Peñagarikanogaz, herri-bazkariaz, kantaguneaz, umeen herri-kirolez eta erromeriaz, kuadrillen arteko lehiaketaz eta Luhartz taldearen erromeriaz, eta abarrez. Erandioko euskaltzaleen topagune legez berreskuratu zuen Berbots!-ek ohitura zahar hori.

Liburuaren Nazioarteko Egunaren ekitaldiak

2017/04/10

Algorta, Areeta, Barrika eta Erandioko hainbat leku Barrika Erandio Getxo Uribe Kosta |Berbaldiak eta mahainguruak

Liburuaren Nazioarteko Egunaren aitzakiaren pean, datozen egun eta asteotan literaturari lotutako hamaika jardueraz gozatu ahal izango dute Uribe Kostako irakurzaleek. Barrikako, Erandioko eta Getxoko kultur etxe eta liburutegiek aurreratu dutenez, apirilaren 23ko data berezi hori ospatuko dute, nahiz eta jarduera ia denak egun horretatik kanpo egingo dituzten.