Politika  Getxo 2015-04-01 15:35

Getxoko EH Bildu: "Nola hasiko dira Ibarbengoako obrak desjabetzerik egin gabe?"

Bizkaiko Garraio Partzuergoak Ibarbengoako metro geltokiaren ondoan egin gura duen aparkalekuaz kezkatuta agertu da Getxoko EH Bildu. Bada, egunotan getxoztarrek jasotako “diptiko informatiboaren” inguruan informatzeko eskaera egin diote Almudena Ruiz de Angulo Eusko Jaurlaritzako Garraio Azpiegituren zuzendariari. Koalizio abertzaleak adierazi duenez, diptiko horietan lanak “berehala hasiko direla” iragartzen dute; hori horrela, auzotarrek informazio hori “alarmaz” jaso dutela salatu dute, “izan ere, oraindik ez dira beharreko desjabetzeak egin”.

Getxoko EH Bildu: "Nola hasiko dira Ibarbengoako obrak desjabetzerik egin gabe?"
Tosu landa inguruan egin nahi dute aparkalekua. | Ikusi handiago | Argazki originala

Getxoko EH Bilduk obrak nola hasi behar dituztela galdetu diote Ruiz de Angulori, desjabetzak oraindik ez baitituzte egin. Halaber, horiek noiz eta nola egingo dituzten azaltzeko eta obrak egiteko lanak noiz hasiko diren zehaztea eskatu diote; “ez al da planteatzen auzokide eta desjabetzea pairatuko dituztenei informatzea, bai eta getxoztar guztiei informazio gehiago ematea?”, gaineratu dute koalizio abertzalekoek.

Era berean, aparkalekuaren proiektuagaz duten desadostasunak eta Ibarbengoako geltokiaren eta aparkalekuaren proiektuen “kudeaketa txarra” salatu dute; “bereziki kontuan hartuta une honetan HAPO-a berrikusten ari dela Getxon eta honelako proiektua esku-sartze onartezina izan liteke”.

Erantzunak

Erabiltzailearen aurpegia Hodei Erantzuna | #1

Bizkaiko Garraio Patzuergoak (ctb) euren proiektu megalomanoen (Ibarbengoako parkingak 5,8 milioi euroko kostua eukiko du) propaganda egitean dirua gastatu beharrean garraio publikoa merketzean gastatu beharko luke.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa