Getxoko Udala osatzen duten talde denek sexu-erasoa gaitzetsi dute adierazpen batean, eta 12:00etan elkarretaratzea egin zuten udaletxearen aurreko eskaileretan. Imanol Landa Getxoko alkateak azpimarratu du emakumeek "lasai eta segurtasunez ibiltzeko oinarrizko eskubidea" izan behar dutela. Arratsaldeko 19:30ean, berriz, dozenaka herritar batu ziren Algortako Telletxe plazan, udalerriko mugimendu feministak deitutako elkarretaratzera.
Domeka goizaldean sexu-erasoa egin ziotela salatu zuen Algortako neska gazte batek. Salaketa horren harira, Ertzaintzak ikerketa abiatu eta 19 urteko gizonezko bat atxilotu zuen astelehenean, erasoaren egilea delakoan; hura espetxeratzeko agindu du Getxoko Epaitegiak, Eusko Jaurlaritzako Segurtasun Sailak jakinarazi duenez. Atzo, berriz, Udaleko talde denak eta udalerriko dozenaka herritar Telletxe plazan batu ziren erasoa gaitzesteko.
Erlazionatuak
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun