Barikuan, hilak 15, 18:30ean botako dute txupina, eta hala hasiko dira Neguri Langileko jaiak! Txupinaren ostean, kalejira egingo dute Agurra dantza-taldeagaz eta buruhandiakaz. Eta gaua heldu arte dantza egin ahal izango dute ume, gazte zein nagusiek, Rock Legens taldeagaz lehenengo, eta DJ Xaiborregaz, gero.
Zapatu eta domeka goizean, 11:30etik aurrera, umeek puzgarriak izango dituzte. Zapatuan, 12:00etan kirola eginez ondo pasatzeko aukera egongo da 4x4 areto-futboleko txapelketan, eta sormena lantzeko ere bai, marrazki lehiaketan eta maskaraden tailerrean. Domekan, 12:00etan hasiko da Ping Pong Txapelketa, 12:30ean Txapel-jaurtiketaren lehiaketa, eta 13:00etan Bizikleta geldoen lasterketa. Arrastiko ekimenen ostean, 21:00etako sari-banaketaren ondoren emango diote amaiera jaiei.
Ezin aipatu barik utzi, aste-akabu osoan Bizkaiko Elikagai Bankuak jakiak batuko dituela, Neguri Langileko jai-batzordeagaz elkarlanean.
Ekitaldi denak Gernika plazan eta inguruan izango dira.
Egitaraua
Uztailak 15, barikua
- 18:30 Txupinazoa; kalejira – Agurra dantza taldeagaz eta buruhandiakaz; umeentzako puzgarriak ere egongo dira.
- 19:30 Disko-jaia: Rock Legends.
- 21:30 Disko-festa, Xaiborregaz.
Uztailak 16, zapatua
- 11:30 Umeentzako puzgarriak.
- 11:45 Marmitako txapelketaren hasiera.
- 12:00 4x4 futbito txapelketa.
- 12:15 Zirku eskola tailerra.
- 13:30 Marrazki-lehiaketa eta maskaraden tailerra.
- 13:45 Igel-toka txapelketa.
- 16:30 Mus Txapelketa.
- 17:15 Umeentzako Triple Txapelketa.
- 18:00 Mini disko txiki.
- 20:00 Salam zirku-antzerkia, Xilipurdi Antzerkiagaz.
- 21:00 Goatekea.
Uztailak 17, domeka
- 11:30 Umeentzako puzgarriak.
- 11:45 Paella txapelketaren hasiera.
- 12:00 Ping Pong txapelketa.
- 12:30 Txapel-jaurtiketaren lehiaketa.
- 13:00 Bizikleta geldoen lasterketa.
- 12:15 Herri-kirolen erakustaldia.
- 17:30 Ezetz konta! txotxongilo-antzekia, Xilipurdigaz.
- 18:30 Mozorro-lehiaketa.
- 19:30 Play back-lehiaketa.
- 21:00 Sari-banaketa.
- 22:00 Jaien amaiera.