.jpg)
Baimendutakoak ezik, gainontzeko ibilgailurik ezin izango da sartu egunotan Portu Zaharreraino; daborduko, bidea itxita du Udaltzaingoak, jaietarako beharrezkoak diren azpiegitura eta bestelakoak ipini eta antolatzeko lanak egiteko (txosnak, agerlekuak, horniduren banaketa eta abarrak).
Hurrengo asteko eguaztenerako, hilak 17, festen osteko azpiegitura denak desmuntatuta egotea espero du Udalak, eta orduantxe zabalduko luke berriro Portu Zaharrerako bidea. Ohartarazi duenez, "Udaltzaingoak zaintza-lanak egin eta gune horretako sarbideak arautuko ditu".
Bestalde, Usategiko magalaren ondoan dagoen aparkalekua ere itxi du Udalak, segurtasuna bermatzeko; harri eta harkaitz handiak jausi direlako orain dela gutxi. Jakinarazi duenez, "behin betiko lanak" egiten hasi da Udala, "gune horren erabilera bateragarri egiteko ezponden egonkortasunarekin eta jasotzen duen higadurarekin".
