Ekimenean hainbat motatako ekintzak gauzatuko dira. Ekintzailetzarako gaitasunak eta trebetasunak hobetzeko prestakuntza praktikotik hasi eta ideia berritzaileak sortzeko talde-dinamiketaraino. Horrez gain, esparru estrategikoetako adituek banakako aholkularitza ere emango dute negozio-eredua eta ideia definitzeko.
Parte hartuko duen taldeari zuzendutako saio hauek astean hiru aldiz izango dira, 10:00etatik 14:00etara, eta derrigorrezkoa izango da guztietara joatea.
Horietaz gain, programaren barnean ekintza osagarriak ere egongo dira, komunitate osoari zabalik egongo dira eta bertan parte hartzea borondatezkoa izango da. Hori guztia metodologia sortzaile eta parte-hartzailea erabiliz gauzatuko da, eta eduki eta formatu guztiak pentsatuta daude taldearen behar eta interes errealei egokitzeko.
Programa hau Getxolanek komunitate ekintzaile osoari zuzentzen dizkion eta ekintzailetza dinamizatzeko diren hainbat ekintzaren barruan dago, enpresa berriak sustatzeko eta jada existitzen den enpresa-egitura indartzeko helburuaz.