Eustakio Mendizabal "Txikia" Guardia Zibilak 1973an Algortan eraildako militante antifrankista izan zen. "Beste hainbat kasutan bezala, epaitua izan gabe hil egin zuten Franco bizirik zegoela eta polizia faxista inpunitate osoz aritzen zela", salatu du koalizio abertzaleak.
Horren harira, Landak hartu duen bidea frankismoaren biktimentzat "iraingarria" dela adierazi du EH Bilduk. "Biktima hauen duintasuna defendatzeko bidea eta aukerak badaude, baita Getxoko Udalak modu demokratikoan plaza izendatzeko hartu zuen erabakiari eusteko ere".
