Nola parte hartu
Aurrez aurre edo online parte hartu ahal izango da:
- Inprimakiak betez eta entregatuz Herritarren Arretarako Bulegoetan (HAB) eta Andra Mari, Gobela eta Fadurako kiroldegietan erabilgarri jarriko diren kutxetan.
- Proposamenak (eskaneatutako eranskin gisa) helbide elektroniko honetara bidaliz: gobernuirekia@getxo.eus
- Udal webgunean erabilgarri dagoen inprimaki digitala betez www.getxo.eus/gobiernoabierto
- Inprimakia betez eta sartuz Algorta, Areeta eta Bidezabalgo geltokien inguruan horretarako jarriko diren postontzietan.
Aurkeztu ahal izango dira jarduketa-eremu hauekaz zerikusia duten udal-eskumeneko proposamenak: Berdintasuna, Kultura, Kirola, Sustapen Ekonomikoa, Hezkuntza, Euskara, Gazteria, Ingurumena, Osasuna, Herritarren Segurtasuna, Babes Zibila eta Gizarte Ekintza.
Halaber, teknikoki edota ekonomikoki bideragarriak diren proposamenak; jasangarritasun ekonomikoa eta finantzarioa justifikatzen duten proposamenak; interes partikularra alde batera utzita, Getxon bizi diren herritar guztien ongizatea eta interes orokorra gailentzen duten proposamenak; udalerriaren lurralde-oreka bermatzen duten proposamenak; eduki ilegalik, iraingarririk edo diskriminatzailerik ez daukaten proposamenak, eta gastu publikoaren alorrean udal-eskumenekoa den edozein jarduketa eremuri lotuta daudenak aurkeztu ahal izango dira.
Informatzeko hitzaldiak
Udalak informatzeko hitzaldiak antolatu ditu herritarrek aurrekontu parte-hartzaileen esanahia eta ondorioak hobeto ezagutzeko:
- Urtarrilak 10, 19:00etan: Villamonteko Kultur Etxean (Algorta).
- Urtarrilak 11, 19:00etan: Getxo Elkartegian (Areeta).
- Urtarrilak 12, 19:00etan: Gobelaurre Boluntariotza zentroan (Itzubaltzeta/Romo).
- Urtarrilak 13, 19:00etan: Andra Mariko kiroldegian.
- Urtarrilak 16, 19:00etan: Gobela Ikastolan (Neguri)
Informazio gehiago: www.getxo.eus/gobiernoabierto
Aurrekontuak osatzeko herritarren iritziak bildu gura ditu EH Bilduk
Getxoko udal aurrekontuak osatzeko prozesu-parte hartzailea abiatuko du berriro ere EH Bilduk. Gogoratu dutenez, iaz hainbat elkartek eta herritarrak parte hartu zuten prozesu horretan, eta egindako hainbat ekarpen martxan jartzea lortu dute, Gobernu-taldeagaz izandako negoziaketei esker.
Auzoetako bilerak:
- Urtarrilak 16, astelehena. Andra Mari: Alkartetxean.
- Urtarrilak 17, martitzena. Algorta: Irish tabernan.
- Urtarrilak 18, eguaztena. Romo/Areeta: Romo Kultur Etxean.
- Urtarrilak 19, eguena. Aldapan.
- Urtarrilak 31, martitzena. Azken bilera: Algortako Villamonte kultur etxean.
Koalizio abertzaleak azaldu duenez, urtarrilaren 31n egingo duten azken bilera horretan, aurreko guztietan bildutako ekarpen guztiak azalduko dituzte.
