Politika  Getxo 2017-01-13 14:32

Getxon galdeketa egiteko bide-orria aurkeztuko dute

Getxoko Gure Esku Dago taldea hausnarketa-prozesu batean murgilduta egon da egunotan, udalerriko ezaugarriak aztertzeari begira. Horren ondoren, eta azken urteotan egindako lanaren ostean, Getxon ere Euskal Herriko estatus juridiko-politikoari buruzko galdeketa bat egiteko baldintzak sortzea "posiblea" dela ondorioztatu du. Horretarako, hiru fasetan diseinatuta dagoen bide-orria landu du GEDk.

Getxon galdeketa egiteko bide-orria aurkeztuko dute
Getxoko GEDk egindako ekimen jendetsua, artxiboko irudian. | Ikusi handiago | Argazki originala

"Ados", "Ahots" eta "Abost" izenpean egingo dituzte fase horiek. Hala, herritarrei bide orri hori ezagutarazteko, hilaren 23an, 24an, 25ean eta 31n aurkezpenak egingo dituzte udalerriko lau auzotan. Lehenengoa, 23an, Algortan izango da, Villamonte kultur etxean; bigarrena, 24an, Getxon, Geroa ikastolan; 25ean, Itzubaltzeta/Romoko Ibar nagusien etxean; eta 31n, Negurin, Gobelako ikastolan. Ekitaldi guztiak 19:30ean izango dira.

Aurkezpenen bidez, Getxoko herritarren inplikazioaren garrantzia azpimarratu gura dute GEDeko kideek: "Getxon ere herritarren garaia dela azpimarratu nahi dugu".

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa