Palestinaren aldeko manifestazioa egingo dute zapatuan Itzubaltzeta/Romon
api 25, 10:11 Getxo
Israelek herri palestinarraren kontra egiten ari den genozidioa ozen salatzeko asmoz, Gernika-Palestina Herri Ekimenak manifestazioa deitu du zapatu honetarako, hilaren 27rako. Hitzordua eguerdiko 13:00etan jarri dute, Itzubaltzeta/Romoko Santa Eugenia plazan. Hurrengo astean, maiatzaren 6an, gai horri segida emateko berbaldia egingo du Txente Rekondo nazioarteko analistak, Romo Kultur Etxean, 19:30etik aurrera.
Nerea Onaindia: "Uste dut ez zutela nahi neskak izatea lehenengoak Athleticen gabarra ateratzen horrenbeste urteren ondoren"
Elkarrizketakapi 25, 09:00 Getxo
Gaur hiru aste bete dira Athleticeko mutilek gabarra atera eta Errege Koparen garaipena handikiro ospatu zutenetik, Getxotik Bilbora itsasadarrean zehar egindako ibilbidean. Hala, Bizkaia osoa zuri-gorriz koloreztatu zen zaleek "historiko" gisa izendatutako egun horretan. Alabaina, garaipen horrek taldearen ereserkien artean ahapeka entzun zitekeen galdera bat sortarazi zuen: "eta orain arte Athleticeko neskek izandako garaipenak?". Hain zuzen, taldearen sorreran egon zen Nerea Onaindia getxoztarra, 2002an, eta beragaz batera aukera izan dugu hausnartzeko zenbateraino aldatu den —ala ez horrenbeste— emakume futbolarien errealitatea.
![Eustakio Mendizabal "Txikia" gogoan [2024]](https://hiruka.tok-md.com/argazkiak/vne/cache/Sortu%20Algort-Getxo_Marka%20bertikala_tokikom_300x300.jpg)
