Kultura 2004-01-15 20:59

XVI. Agate Deuna Koru Jaialdian izena emateko epea zabalik

Erabiltzailearen aurpegia Ukberri Ohi denez, udalerriko abesbatzak herriko kaleetan izango dira datorren otsailaren 4an. Eskoletako abesbatzak goizez irtengo dira eta helduenak eta abesbatza mixtoak arratsaldez, 19:00ak eta 21:00ak bitartean, gutxi gora behera. Gaurtik aurrera Getxoko Kultur Etxean (Villamonte, A-8), 10:00etatik 14:00etara eta 16:00etatik 19:00etara, izena emateko aukera edukiko dute talde guztiek edota 944 914 080 telefonora deituz. Oinarriak Kultur Etxean bertan egongo dira eskuragarri.
  Politika 2004-01-15 18:06

Getxoko Udalak atzera bota ditu 192 hiritarren alegazioak

Erabiltzailearen aurpegia Ukberri Getxo Biziak eskatuta orain dela aste batzuk 192 getxoztarrek zerga ordenantzen kontra jarritako alegazioak atzera bota direla jakinarazi die Getxoko Udalaren idazkari nagusiak hiritarrei.
  Iritzia 2004-01-14 21:49

Futbolak elkartzen gaitu - Nahikari Ayo / Bertsolaritza irakaslea

Erabiltzailearen aurpegia Ukberri Urtarrilak 11, goizeko hamarrak, iratzargailua joka dabil. Ez daukat jaikitzeko gogorik, baina lana lana da eta gorantza, ze erremedio! Leioako Udaletik jaso nuen deia ostiralean, igandean “Mundialito” delakoaren finala zegoela eta aurkezle bat behar zutela euskaraz eta erdaraz aritzeko. Baietza eman nuen eta Sarrienako futbol zelaietara abiatu nintzen lokartu aurpegiarekin.
  Kultura 2004-01-14 21:32

Bertso ikastaroa 'zerotik' hasita

Erabiltzailearen aurpegia Ukberri Urtarrilaren 27tik apirilaren 6ra bitartean, bertso ikastaroa antolatu dute ALBE Algortako Bertsolari Eskolak eta Bizarra Lepoan Euskara Elkarteak. Eskolak asteartero izango dira, 20:00etatik 22:00etara, Aldai Kulturguneko areto nagusian eta Josu Landeta ALBEko kidea izango da irakaslea. Izena emateko epea urtarrilaren 23ra arte egongo da zabalik, 30 euro Euskadiko Kutxako kontu korrontean sartuz (3035 0221 74 2210001961) edota ALBEra (605 704 385) edo Bizarra Lepoanera (944 914 357) deituz.

Beste alde batetik, urtarrilaren 23tik 25era arte, Jacan iraupen ski asteburua antolatu du Bizarra Lepoanek. Bazkideentzat 90 euro eta ez bazkideentzat 115 eurokoa izango da prezioa. Autobusa, egonaldia, 2 gosari, afari bat, forfaitak, ekipo osoko alokairua eta 2 orduko ikastaroa egunero daude sartuta.
  Jendartea 2004-01-14 20:27

Buru-urrientzako Erromoko egoitza 2005eko azken hiruhilekoan zabalduko dute

Erabiltzailearen aurpegia Ukberri Erromon egingo duten buru-urritasunak dauzkaten lagunentzako egoitza, 2005eko azken hiruhilekorako egon liteke amaituta, Iñaki Zarraoa Getxoko alkateak gaur baieztatu duenez. Santa Eugenia kaleko 12 zenbakiko etxea botatzeko agindua eman du dagoeneko Udalak. Izan ere, lursail horretan eraikiko da aipatutako egoitza. Etxea suntsitzeak 20 mila euroko kostua izango du.

Aipatutako lursailaren gaineko azalera-eskubidea 50 urtez edukiko du Bizkaiko Foru Aldundiak, Udalarekin hitzartutakoaren arabera, egoitza eraikitzeaz gain, bere kudeaketaz arduratzeko helburuarekin.
  Ekonomia 2004-01-13 22:08

Getxoko Kirol Portuan zauriak jaso ditu langile batek

Erabiltzailearen aurpegia Ukberri DYAko bozeramale batek jakitera eman duenez, langile bat zauritu da, Getxoko Kirol Portuko itsasuntzi batean lanean zegoela. Arratsaldeko laurak pasata izan da ezbeharra. Kable batzuekin lanean ari zela, zirkuitubakarra gertatu eta begietan lesioak eragin dizkio gizonari.

G.B.C. Portugaleteko 26 urteko langileak pronostiko erreserbatuko sauriak jaso ditu eta Gurutzetako ospitalera eraman behar izan du DYAko anbulantzia batek.
  Jendartea 2004-01-13 19:09

Bizikletarekiko tratua

Erabiltzailearen aurpegia Ukberri Hilabeteak dira uda amaitu zela eta hondartzara edo igerilekura joateari eta bizikletan ibiltzeari utzi geniola. Ni, urtero bezala ez naiz aparte ibili eta nire mountain bikearekin zenbait kilometro egin ditut Getxotik etengabe bueltaka. Baina zoritxarrez betiko zenbait arazorekin egin dut topo, hala nola, errepideetatik ibiltzeak dakarren arriskua, zenbait ibilgunetan ibiltzeko debekua eta bizikleta erabiltzeko bideen eskasiak.
  Iritzia 2004-01-12 22:07

Olentzeroren sua - Josu Landeta / irakaslea

Erabiltzailearen aurpegia Ukberri Txikiak ginenean, nire belaunaldikook gabonak orain egiten dugun legez ospatzen genituen. Hala ere orduan ez geneukan Olentzeroren ezagupenik: Gabon-gaua eta Gabon-egunak Jesusen jaiotza ospatzeko sasoiak ziren eta opariak Errege Magoek ekartzen zizkiguten. Denborak eta egoera aldatzeak erakutsi zigun Euskal Herrian aintzinetik Olentzero bazegoela; umeei (eta nagusioi) opariak ekartzen hasi zitzaigun, eta horrez gain Kristo jarri baino lehenagotik negu gorrian sua berriztatzera datorkigula konturatu ginen.
  Politika 2004-01-12 21:48

Ikasleen aurkako epaiketa martxora arte atzeratu dute

Erabiltzailearen aurpegia Ukberri Gaur aurkeztu dira Getxoko epaitegian, Leioako campusean Euskaldunon Egunkaria-ren aldeko itxialdi batean parte hartzeagatik, desobedientzia zibila leporatzen dieten EHUko 38 ikasle eta irakaslea. Hala ere, martxoaren erdialdera arte bertan behera gelditu da epaiketa, gazteetako bik epailearen aurrean deklaratzeko zitazioa jaso ez dutelako oraindik.

Goizeko 9:00ak aldera, barrura sartzen ari zirela, Getxoko epaitegiaren aurrean elkarretaratzea egin dute Egunkaria-ko langile ohiek, euren babesa ez ezik, eskerrak ere emateko epaitu behar dituzten ikasleei. Bide batez, hauen aurkako salaketa artxibatzea eskatu du Martxelo Otamendi Del Olmo epaileak itxitako kazetaren zuzendaria izandakoak.

Leioako campusean ere ikasleen aldeko manifestazioan parte hartu dute eguerdian ehundaka lagunek.
  Politika 2004-01-12 19:56

Maidaganen trenbidea "lehenbailehen" lurperatzea eskatu du PPk

Erabiltzailearen aurpegia Ukberri Getxoko Maidagan kalean trenbidea lurperatzea eskatu du Jesús Isasi Bizkaiko Batzar Nagusietako PPko kideak. Foru Aldundiak oraindik ere konponbiderik ez duela eman salatzearekin batera, "lotsagarritzat" jo du egoera. Lurperatze lanetarako inbertsioak metroko Bigarren Linea egitea baldintzatuko zuelakoan, egitasmoa atzera bota zen orain dela bi urte, popularren ordezkariak gogoratu duenez, udalerrian gaur eguerdian eskainitako prentsaurrekoan.

Isasik azaldu duenez, PPk "berriro ere" eskatu du Maidaganen lurperatze lanak egitea, Bizkaiko 2004ko aurrekontuei aurkeztutako bi zuzenketen bitartez. Hala ere, hauek ez dira onartuak izan, "EAJren aurkako jarreragatik". Garraio Partzuergoak obrak egin ahal izateko, Bizkaiko Foru Aldundiak eta Eusko Jaurlaritzak 1,5 milioi euro jartzea bakoitzak, proposatzen zuten popularrek.
  Iritzia 2004-01-10 21:09

Dirua beharrezkoa baino ez denean gastatu behar da

Erabiltzailearen aurpegia Ukberri Inazio Etxebarria 'Guzurti'

Familia askori 'urtarrileko aldapa' delakoa berdin zaie, askotan jendea beherapenetara doa ez zer edo zer behar duelako, baizik eta joateagatik eta erosteagatik.

Nire galdera: zertarako balio du guzti honek gabonetan aparteko soldata bazkarietan, afarietan eta umeentzako oparietan gastatu ostean?

Ez litzateke hobeagoa izango erosi behar dugunean baino ez erostea, banketxean maileguak eskatu beharrean? Gainera gero udako oporrak helduko dira, eta orduan zer?

Ondorioz: dirua jan ahal izateko aurreztu beharko genuke, eta sobratuz gero, txiroen artean banatu, eta ez gehiegikeriarik egin.
  Jendartea 2004-01-10 20:50

Elbarrientzako taxiak jartzeko hitzarmena "oso motel" doa Udalaren ustez

Erabiltzailearen aurpegia Ukberri Elbarrientzat egokitutako bi taxi jartzeko, Espainiar Gobernuko Lan eta Gizarte Gaietarako Ministerioarekin sinatutako akordioaren betearazpena "era traketsean eta oso motel" egiten ari dela salatu du EAJ, EA eta IU-EB alderdiek osatzen duten Getxoko Udal Gobernuak. Once fundazioak ere hitzartutakoaren dirua "ez da oraindik heldu", udal arduradunek adierazi dutenez.
  Jendartea 2004-01-10 20:49

Telefoniarako lurzorua alokatzeagatik hilean 1.100 euro jasotzen ditu Udalak

Erabiltzailearen aurpegia Ukberri Telekomunikazioetarako oinarrizko estazioak eta uhin-lotura tresneria jartzeko lurzoru publikoa erabiltzea baimentzeagatik, 1.100 euro baino gehiago jasotzen ditu hilean Getxoko Udalak, telefonia mugikorreko hainbat enpresen eskutik.

Guztira, zortzi dira udalerrian dauden mota honetako ekipoak: horietatik hiru Martikoena ur-biltegian, bina ekipo Areetako merkatuaren gainean eta Matxikortiñe ur-biltegian eta beste bat Algortako Kultur Etxea zegoen Urgull kaleko eraikinaren gainean. Loiun Getxoko Udalarenak diren instalazioetan ere beste bat jarri dute.
  Iritzia 2004-01-09 21:23

Frustrazioari aurre egiteko, autodeterminazioa eta desobedientzia - Igor Elordui

Erabiltzailearen aurpegia Ukberri Apenas izan bagarenaren kontzientzia hartzen ari garenean, garena definitzera eta izan nahi dugunaren gainean erantzutera bultzatzen gaituzte. Nor zara zu, nola deitzen zara? Zenbat urte daukazu? Nongoa zara? Zer izango zara nagusi zarenean? Azken galdera honek ematen dit gehien “porkulo”, etorkizunean gizaki frustratu bihurtzera garamatzaten iruzur nagusiak jasotzen baititu bere baitan: zer garen, zer izan nahi dugun eta zahartzarora ailegatzea (kasurik onenean).
  Politika 2004-01-09 21:12

'Egunkaria'-ko langile ohiek babesa eskainiko diete epaituko dituzten ikasleei

Erabiltzailearen aurpegia Ukberri Euskaldunon Egunkaria-ko langile ohiek babesa eskainiko diete datorren astelehenean, Leioako campusean Egunkaria-ren aldeko itxialdi batean parte hartzeagatik, Getxon epaituko dituzten EHUko 39 ikasleei. Epaileak desobedientzia zibila leporatzen die. Martxelo Otamendi buru dela, ordezkaritza bat goizeko 9:00etan izango da Getxoko epaitegian, Egunkaria-ren alde egindako lana eskertu eta epaiketan babesa emateko asmoz.
  Jendartea 2004-01-09 20:52

Zentroko toki-arazoei irtenbidea eskatzen dute Gobela Ikastolakoek

Erabiltzailearen aurpegia Ukberri Eusko Jaurlaritzako Hezkuntza Saileko eta Bizkaiko delegazioko arduradunei, Internet bidezko mezuak bidaltzeko kanpaina abian jartzea erabaki du Gobela ikastola publikoko eskola kontseiluak. Honen bidez, 2004ko aurrematrikulazio epea hasi baino lehen, zentroan daukaten toki-arazoari "irtebide duina" emateko bilera ahalbidetu nahi dute.
  Jendartea 2004-01-09 19:46

Elbarrientzako taxiak jartzeko, hitzarmena sinatu du Gobernu Zentralarekin Udalak

Erabiltzailearen aurpegia Ukberri Balio-urritasunen bat daukaten hiritarren irizgarritasuna garraioetan bermatzeko, hitzarmena sinatu dute Getxoko Udalak, Once fundazioak eta Espainiar Gobernuko Lan eta Gizarte Gaietarako Ministerioak. Besteak beste, egokitutako bi autotaxi jarriko dira udalerrian, pertsona hauen gizarteratzea errazteko asmoz.
  Kultura 2004-01-09 19:00

Bazkideak omenduko ditu Biotz Alai Abesbatzak

Erabiltzailearen aurpegia Ukberri Urtarrilaren 10ean (bihar) Getxo Antzokian eskainiko duen emanaldiaren bitartez, bazkideak omenduko ditu Biotz Alai Abesbatzak. Gainera, ohikoa denez, gonbidatu bat izaten du beti Algortako taldeak urtero egiten duten kontzertuan. Oraingoan, Josu Soldevillaren gidaritzapean, hogeita hamar haur baino gehiagok osatzen duten Bilboko Begoñako Ama Birjina Eskolania edukiko dute lagun, 20:00etatik aurrera. Sarrera dohainik da.
  Iritzia 2004-01-08 22:06

Euskadiko Selekzioa - Koldo Iturbe / Trikitilaria

Erabiltzailearen aurpegia Ukberri Poztu egin behar naiz edo lotsatu? Abenduaren 27an ikusi genuena, irabazteak beste dena ez ikustea eragin behar digu? Egon zinetenok gogoratzen duzue aurrekoak eta ondorengoak?
  Jendartea 2004-01-08 21:36

Algortak QUAD zirkuitu baten itxura

Erabiltzailearen aurpegia Ukberri Algortako auzokidea nahiz eta nire herriko kaleetan egindako aldaketa batzuk salatu nahi nituzke. Getxoko Udalak Algortako hainbat bidegurutzetan zentzugabeko aldaketak egin ditu; espaloien zabalkuntza hurrenez hurren. Kotxearekin egin beharreko jira eragotzi baino ez dute egiten, gehienbat bidegurutzean beste kotxe batekin topo egiten duzunean.

Nabarmenak

Zorion agurrak