Kultura 2003-12-02 22:34

Gozategiren kontzertua Euskararen Eguna ospatzeko

Erabiltzailearen aurpegia Ukberri Getxoko V. Euskara Jardunaldiek egun handia izango dute bihar. Izan ere, abenduaren 3an, Euskararen Nazioarteko Eguna ospatzen da. Goizean goiz, lehian arituko dira Algortako San Nikolas Plazan euskaltegietako ikasleek, Euskaltegien Arteko III. Olinpiadetan. Arratsaldean, berriz, euskararen egoera Getxon izango da hizpide Getxo Antzokian. 19:00etatik aurrera, 'Euskarak Getxon badu etorkizunik II' hitzaldia eskainiko dute, Kike Amonarrizek parte hartuko duelarik. Azkenik, Euskararen Egunari amaiera emateko, Gozategiren kontzertua egongo da San Nikolasen, 20:30etik aurrera. San Nikolas Ikastolak txitxiburduntzia prestatuko du bertan.
  Kultura 2003-12-01 20:11

'Kutsidazu bidea, Ixabel', euskaldunberri baten xelebrekeriak

Erabiltzailearen aurpegia Ukberri Gorringo antzerki taldeak Joxean Sagastizabalen 'Kutsidazu bidea, Ixabel' lan ospetsua eskainiko du bihar Algortako Getxo Antzokian. Arratsaldeko zortzietatik aurrera, euskaldunberri baten xelebrekeriak egongo dira ikusgai aipatutako antzezlanean. Sarrera dohainik da.
  Iritzia 2003-11-30 21:52

Kamarada, nola aldatzen diren gauzak! - Christian Reinicke / Getxo Bizia-ko kide

Erabiltzailearen aurpegia Ukberri Honen antzeko leloa eta beste batzuk entzuten ziren etengabe irratikaseteen bozgorailuetatik. Beste ikasle batzuk errektoregoa hartua zeukatenez, gu, arte ederretakoak aula magnara zuzendu ginen eta bertan eman genuen astebete. Aste zoragarria izan zen, 7 x 24 ordu duten aste horietakoa eta errektoregoan instalatu ziren kolegak herrialdetik herrialdera egin beharreko garraioetarako zeozer lortu zuten bezala, geuk be lortu genuen 1. kurtsorako ezarri nahi zuten 125eko ikasle muga zentzugabe hura desagertaraztea, nahiz eta gerora ez dudan nire fakultatea izan zenaren bilakaera jarraitu.
  Kultura 2003-11-30 21:33

Munduko doinuak eta bertsoak uztarturik, 'Karidadeko Benta' ikuskizunean

Erabiltzailearen aurpegia Ukberri Moroko, Iran, Argentina, Euskal Herria eta hainbeste herrietako erritmoak izango dira entzungai bihar, 20:00etatik aurrera, Algortako Kultur Etxeko bilera aretoan (Villamonte). Izan ere, Getxoko V. Euskara Jardunaldien barruan, munduko doinuak eta bertsoak uztartzen dituen 'Karidadeko Benta' ikuskizuna eskainiko dute. Sarrera dohainik izango da.
  Iritzia 2003-11-29 22:37

Marokoko olatuez berbetan

Erabiltzailearen aurpegia Ukberri Inazio Etxebarria 'Guzurti'

Atzo, lagun batekin Marokoko olatuez berbetan nengoela, ezin nituen burutik kendu maiz telebistan ikusten ditudan irudiak. Marokotik etortzen diren egoera zetorkidan burura. Marokoko olatuan taula gainean surfa egiteko eskaintzen duten edertasunaz liluratuta sentitzen naizen bezala, izoztuta uzten naute Marokotik 'bestelako tauletan' irizten direnen irudiak. Batzuk olatu-uhinen atzetik joaten gara, askatasun osoz, bidean inolako oztoporik aurkitu gabe. Haiek, bizitza duin baten bila datozenak, ordea, delinkuente gisa tratatuak izaten dira. Are gehiago, guri han ongi etorria egin eta, haiei, Espainako Gobernuak joan-etorria egitera behartu.
  Iritzia 2003-11-29 22:17

'Getxo, all you can get' - Unai Garate / Gidoigilea

Erabiltzailearen aurpegia Ukberri Barkaidazue tristezia, baina kontatu beharrean nago. Aurreko hilean babes ofizialeko etxeak zozketatu ziren, getxoztar batzuei zuzendutako zozketa alegia. Eta hogeita hamazazpi urtetako lagun batek galdetu zidan:

- "Ez zara apuntatu ala?"

- "Ba ez, orain ez dekot soldata finkorik" - Erantzun nion.

- "Ah, ba neu apuntatu naz, badaezpada... ez jat tokatuko baina..." - Zioen berak.
  Kultura 2003-11-29 21:25

Festa paregabea goizetik gauera San Nikolas Plazan

Erabiltzailearen aurpegia Ukberri Getxoko V. Euskara Jardunaldien barruan, ekitaldi anitzeko festaz gozatu ahal izango dugu bihar, San Nikolas Plazan izango den Top Festan. Goizez, 12:30etik 14:30era, txikienek ur jokoak, esku lanak, joko didaktikoak, mozorroak eta euskaraokea izango dute. Arratsaldez, 17:00etatik 19:00etara, euskaraoke aparta prestatuko da gaztetxoentzat eta, gauez, 19:00etatik 21etara, Disko Top Festa paregabez amaituko da ekitaldia, Dj profesionalek beren trebetasuna erakutsiko dutelarik. Sarrera dohainik izango da.
  Kultura 2003-11-28 23:10

Egitarau paragabea larunbatean Getxoko V. Euskara Jardunaldietan

Erabiltzailearen aurpegia Ukberri Getxoko V. Euskara Jardunaldien barruan, biharko prestatu duten egitaraua ez da nolanahikoa. Batetik zirkua izango da protagonista, 12:30etik aurrera, Detraka Taldeak eskainiko duen 'Zirkus Mirkus' antzerki saioan. Bestetik, kirola eta bertsoak uztartuko dituzte bertso-pilota ikuskizunean, 19:00etan. Eta azkenik, 'Maite Out' bere azken diskoa aurkeztuko du Bide Ertzean-ek, 20:30ak inguan. Ekitaldi guztiak Algortako San Nikolas Plazan egingo dira eta sarrera dohainik izango da.
  Iritzia 2003-11-28 01:37

Genero-indarkeriarako Behategia martxan - Nekane Ardanza/Getxo Irratiko kazetari

Erabiltzailearen aurpegia Ukberri Zoritxarrez, eguneroko berriak dira emakumezko askok jasaten dituzten tratu txarrak eta era askotako erasoak.Egun hauetan indarkeria honen aurka Nazioarteko Eguna izan dela eta, datuak eta aldarrikapenak entzun dira edonon eta hedabide guztiek horren oihartzuna jaso dute.

Ondo da egoera salagarri horiek ezagutzera ematea gizarte osoa kontura dadin arazoak gure etxe ondoan daudela, eta ona da, halaber, arazo honi aurre egiteko erakunde eta emakumezkoen elkarte askok egiten duten lan goraipagarria ezagutaraztea.
  Jendartea 2003-11-28 01:00

Europako Eskualdeetako Gobernu Solidarioen Foroa egiten ari da Getxon

Erabiltzailearen aurpegia Ukberri 2003ko urtarrilean egin zen Porto Alegreko Munduko III. Gizarte Foroaren itzalean jaiotako Europako Eskualdeetako Gobernu Solidarioen Foroak, lehenengo topagunea egiten ari da gaur eta bihar Algortako Villamonte kaleko Kultur Etxean.

Konpromizua oinarritzat hartuz, esperimentazioa, salaketa eta Munduko zein Europako Gizarte Foroak abian jartzen ari diren bide berriak lantzeko sortu da ekimena, Angel Elias Eusko Jaurlaritzako Gizarte Ekintza sailburuordeak gaur goizean azaldu duenez.
  Politika 2003-11-28 00:28

Floren Aoizek hitzaldia emango du Gorrondatxen

Erabiltzailearen aurpegia Ukberri Ostiral honetan, 'Nafarroaren konkista. Historiaren manipulazioa' hitzaldia eskainiko du Floren Aoizek, Algortako Gorrondatxe herriko tabernan. Arratsaldeko zortzietan emango zaio hasiera askari-solasaldi honi eta, euskera eta erdera tartekatuko dira. Besteak beste, 'La Vieja Herida' liburuaren egile da Aoiz.

Euskararena Eguna ez ezik, Nafarroarena ere ospatuko du abenduaren 3an Gorrondatxe Kultur Elkarteak. Hain zuzen ere, ospakizun horretarako prestatu duten egitarauaren barruan dago Floren Aoizek bihar emango duen hitzaldia. Besteak beste, "arrano beltza, katedun bandera gorria eta ikurrina astinduz" Algortako kaleak musika eta dantzarekin alaituko dituzte aipatutako egunean, 19:00etatik aurrera.
  Kultura 2003-11-28 00:11

'Zaharregia, txikiegia agian' poesia eta musika ikuskizuna bihar Getxo Antzokian

Erabiltzailearen aurpegia Ukberri Getxoko V. Euskara Jardunaldien barruan, musika eta poesia bat izango dira bihar, Algortako Getxo Antzokian, 20:00etatik aurrera. Kirmen Uribek bere azken liburuko poemak eskaniko ditu Mikel Urdangarinen kantuekin batera, 'Zaharregia, txikiegia agian' ikuskizunaren bitartez. Bingen Mendizabalen eta Rafa Ruedaren laguntza ere edukiko dute biek. Sarrera dohainik izango da.
  Politika 2003-11-27 20:21

Aurrekontuen aurkako enmendakinak aurkeztuko dituzte PSE-EEk eta PPk

Erabiltzailearen aurpegia Ukberri Biharko udalbatzarrean aurkeztuko diren 2004rako aurrekontueak oso-osorik bertan behera gelditzeko enmendakina aurkeztuko du PSE-EEk. "Gizarte gaiekin baino, abertzaleen helburuekin zerikusi handiagoa du" EAJk, EAk eta IU-EBk landutako proiektuak, Luis Almansa alderdi horretako bozeramalearen ustez. PPk, berriz, orain dela egun batzuk iragarri zuen gauza bera egiteko asmoa duela. Marisa Arrue popularren ordezkariaren arabera, "maltzurkeriaz" jokatu du hirukoak, aurrekontuak egiterako orduan ez dietelako parte hartzen utzi.
  Kultura 2003-11-26 23:32

Euskal txirrindularirik handienak Getxo Antzokian

Erabiltzailearen aurpegia Ukberri Getxoko V. Euskara Jardunaldien egitaraua aurrera doa. Bihar, 'Bizikleta Euskaraz' mahaingurua izango da Getxo Antzokian, 19:00etatik aurrera. Bertan, txirrindularitzaren munduko pertsonai ezagunek hartuko dute parte: Iban Mayo, Haimar Zubeldia, Agurtzane Elorriaga eta Julian Gorospe, besteak beste. Gainera, moderatziale lanetan Jorge Cerrato kazetaria ibiliko da. EGIZU Getxo Euskaldun egitasmoak eta Punta Galea txirrindulari taldeak antolatu dute ikuskizuna. Ezagunak diren kirolarien bitartez getxotarrak kirolera hurbiltzea da helburu nagusia. Eta nola ez, euskeraz.
  Jendartea 2003-11-26 22:29

Gizon bat atxilotu dute bi establezimendutan mehatxuekin lapurtzeagatik

Erabiltzailearen aurpegia Ukberri Getxoko Udaltzaingoak A.M.U. 28 urteko bilbotarra atxilotu zuen atzo, 9:30ak aldera, ustez, Algortako Igeretxe Hotelean eta Alangobarri kaleko janari dendan mehatxatuz lapurtzeagatik. Tamaina handiko mendi-labana eta gezurrezko pistola erabili zituen gizonak, lapurretak egiteko. Guztira, 250 bat euro eraman zituen. A.M.U.k horrelako ekintzengatik aurrekariak ditu eta hurrengo orduetan eramango dute epailearen aurrera.

Ereaga hondartzako uretan atzo agertu zen kotxeari dagokionez, gaur arte itxaron behar izan du Ertzaintzak atera ahal izateko. Atzo ezin izan zuten atera, marea arazoengatik. Antza, lapurtutakoa da.
  Politika 2003-11-26 14:55

Manex Zubiaga eta Lexuri Gallastegi abenduaren 3an epaituko dituzte Parisen

Erabiltzailearen aurpegia Ukberri Estradizioak eskatzeko Espainiako gobernuak aurkeztu duen froga bakarra da Manex eta Lexuriren aztarnak eta dokumentazio faltsuak aurkitu zituztela Madrilen hainbat etxetan. Horretan oinarrituta besterik gabe, Madrilen urtetan ETAk egindako ekintza guztiak leporatzen dizkiete.

Manex eta Lexurik beste estradizio epaiketari ere egin behar izan zioten aurre, baina orduan Frantziako epaitegiak ez zuen onartu Espainiatik egindako eskaera.

Epaiketa hau azaroan zen egiteko, baina atzeratu behar izan zen epaiketaren egunean Jolanda Molina abokatua gaixorik zegoelako.

Manex eta Lexuri 2002ko maiatzan atxilotu zituzten Niorten (Frantzian). Harrez gero, Manex honako espetxeetan izan da: La Sante, Fleury eta, orain, Villapinten. Hirurak Paris inguruan daude.

Bitartean preso prebentibo egoeran segitzen dute espetxean. Lehenengo 18 hilabeteak igaro ondoren, beste sei hilabetez luzatu dizkiete kartzelan epaiketarik gabe jarraitzeko aldia. Gero, Frantzian espetxe zigorrik ezarriz gero, bertan bete beharko dituzte zigorrak lehendabizi, Espainiara estraditatu aurretik, Frantziako tribunalek estradizioa onartzen badute, jakina.
  Politika 2003-11-26 14:27

Marian Perez del Rio berriro espetxera sartzeko arriskutan dago

Erabiltzailearen aurpegia Ukberri Marian Perez del Rio baldintzapeko askatasunean irten zen kalera 2003ko otsailean, Espainiako espetxeetan 11 urte egin ondoren. Baina fiskalak errekurtsoa egin zuen, eta orain Madrileko Entzutegi Nazionalak erabakiko du zer egingo duten.

Orain edozein momentutan espetxeratu dezaketela esan dezakegu. Izan ere, bere egoeran zegoen Patxi Gomez (Urtuella) astelehenean espetxeratu zuten Basaurin, eta Luis Mari Azkargorta (Bergara) ere espetxeratzeko agindua eman ei du epaileak. Erabakiaren zain daude, Marian bezala, Basauri Pujana (Elorrio) eta Iñaki Arietaleaniz (Bergara). Hauetaz gain, egoera berean izandako Kepa Narbarte (Bermeo) eta Txabi Etxebarria (Sopela) aspaldi espetxeratu zituzten berriro. Hori dela eta, ez da zirrikitu handirik ikusten Marian espetxera sartzea eragozteko.
  Kultura 2003-11-24 22:35

'Pianojolea' ikusgai euskaraz Getxo Antzokian

Erabiltzailearen aurpegia Ukberri Getxoko Kultur Etxeak antolatzen dituen Zine Kluba jardunaldien barruan, 'Pianojolea' filmea euskeraz ikusteko aukera izango dute, 20:00etatik aurrera, azaroaren 26an Algortako Getxo Antzokira joaten diren guztiek. Sarrera 2,60 eurokoa izango da.

Genero belikoaren barruan saiilkatuta dago filmea. Izan ere, naziek Varsobiako ghettoan bizitzera derrigortu eta gero, pianojole poloniar eta judutar baten gora-beherak egongoo dira ikusgai. Besteak beste, Adrien Brody, Daniel Caltagirone, Thomas Kretschmann, Frank Finlay eta Maureen Lipman aktoreek lan egiten dute bertan, Roman Polanski poloniarraren zuzendaritzapean.

Hiru oskar bereganatu zituen filmeak.
  Kultura 2003-11-24 21:56

Barrez lehertzeko aukera aparta, asteazkenean, The Pipper's Irish Pub-ean

Erabiltzailearen aurpegia Ukberri Kike Amonarrizek, Asisko Urmenetak eta Antton Olagariagak osatutako hirukote definiezinak 'Euskaraz Lardaxkatzeko Manerak' umorezko hitzaldia eskainiko dute, azaroaren 26an, 20:00etatik aurrera, Algortako The Pipper's Irish Pub tabernan.

Getxoko V. Euskara Jardunaldien barruan, eta hirugarren urtez Umore Jardunaldiei eutsiz, Bizarra Lepoan Euskara Elkarteak antolatu du ekitaldia.
  Iritzia 2003-11-22 22:38

Nagusiek eta haurrek ere ondo pasatzeko eskubidea daukate

Erabiltzailearen aurpegia Ukberri Inazio Etxebarria 'Guzurti'

Erakunde publikoek ez dute nahikorik egiten gure nagusiek eta haurrek euren aisialdiaz behar bezala goza dezaten. Parke eta nagusientzako leku gehiago jarri beharko lituzteke 60 urte baino goragoko gizon-emakumeek arratsaldepasa ona egiteko. Gainera, kirolaz gozatzeko eta jolasteko oso toki gutxi daude 14 urte baino gutxiagoko umeentzako. Askoz hobeagoa litzateke kobratzen dizkiguten zerga guzti horiek herritarren ongizaterako erabiliko balituzte. Lanpostu gehiago sortuko lirateke horrela, gure nagusi zein txikiei behar bezalako zerbitzuak eskaini ahal izateko. Merezi baitute eta. Azkenik, asteburutan orain baino gehiago zaindu beharko lituzkete herriko kaleak.

Nabarmenak

Zorion agurrak