Udalerriko berdeguneetan pilatutako zikinkeria "nahita" isuritakoa dela salatu eta lorezaintza-zerbitzukoen grebagaz lotu du Getxoko Udalak
api 16, 14:25 Getxo
Haien lan-baldintzak defendatzeko asmoz, greba mugagabea abiatu zuten apirilaren 2an Getxo Lorategiak ABEEan lan egiten duten beharginek. Getxoko Udalak deitoratu du, ordutik, udalerriko berdeguneetan "zikinkeria arruntetik haratago nahita egindako isurketak" daudela, eta, horren ondorioz, jakinarazi du horren berri eman zaiola Udaltzaingoari, "behar diren neurriak har ditzan".
Getxo Rugbyk ezin izan du Ohorezko Mailara igotzeko play-offerako txartela eskuratu
api 16, 09:50 Getxo
Hitzordu garrantzitsua zuen Getxo Rubyk domekan, hilaren 14an, 23/24 denboraldiko azken partidagaz batera. La Vila valentziarren aurkako norgehiagoka irabazi beharra zuten getxoztarrek lehenengo sailkatuen artean kokatu eta maila gorenera igotzeko play-offetarako sarrera bere egiteko. Hala ere, ametsa ezin izan dute bete, 31-12 galdu baitzuten, eta bosgarren postuan amaitu dute urtea.
![Xabier Galdeano gogoan [2024]](https://hiruka.tok-md.com/argazkiak/vne/cache/Sortu%20Algort-Getxo_Marka%20bertikala_tokikom_300x300.jpg)
