Jendartea  Getxo 2017-04-12 16:40

Gizon bat atxilotu dute Algortan, hainbat saltokitan lapurtzea egotzita

Gizon bat atxilotu dute Algortan, hainbat saltokitan lapurtzea egotzita

Getxoko Udaltzaingoak 38 urteko gizonezko bat atxilotu du gaur goizean, zenbait saltokitan lapurreta-saiakera eta beste batean lapurreta bat egitea egotzita.

  Jendartea  Gorliz  Lemoiz  Plentzia  Uribe Kosta 2017-04-12 13:40

Uribe Kostatik Gernikaraino martxa egingo dute, errefuxiatuen alde

Uribe Kostatik Gernikaraino martxa egingo dute, errefuxiatuen alde

Gorliz, Lemoiz eta Plentziako Ongi Etorri Errefuxiatuak plataformako kideak oinez joango dira apirilaren 29an eta 3oean Gernikan izango den nazioarteko ekitaldira.

  Jendartea  Getxo 2017-04-11 19:22

Mugimendu feministak Abasoloren etorrera salatuko du Faduran

Mugimendu feministak Abasoloren etorrera salatuko du Faduran

Bihar, eguaztena, Getxo eta Portugalete futbol-kluben arteko derbi bizkaitarra jokatuko da Faduran, 20:00etan. Hala, litekeena da Paul Abasolo erdilari durangarra Algortara etortzea, Portugaleteren hamaikakoaren barruan. Getxoko mugimendu feministak protesta deitu du partida hasiko den ordu berean, Faduran, "Paul Abasolo, ez zara ongi etorria. Inpunitaterik ez!" goiburuaren pean. Gogorarazi dutenez, indultua eman dioten sexu-erasotzailea da Abasolo.

  Jendartea  Gorliz 2017-04-11 17:30

Gorlizko edukiontzien erabilera-datuak biltzeko dispositiboak ipini dituzte

Gorlizko edukiontzien erabilera-datuak biltzeko dispositiboak ipini dituzte

Ontziak batzeko hamar edukiontzi sei hilabetez monitorizatzeko proba pilotua abiarazi du gaur Bizkaiko Foru Aldundiak, Gorlizen. Bizkaiko Hirisens enpresa hasiberriak garatutako dispositiboa erabiliko dute horretarako. Sentsore horiek ipinita, hainbat datu bildu ahal izango dira.

  Jendartea  Getxo 2017-04-11 15:21

Getxoko Garbigune Mugikorraren erabilera %40 handitu da

Getxoko Garbigune Mugikorraren erabilera %40 handitu da

Garbigune Mugikorra udal-zerbitzua emaitza "oso onak" lortzen dabilela jakinarazi du Getxoko Udalak. 2016an abiarazi zuten zerbitzua, eta ordutik, hori erabili duten lagunen kopurua eta bertan utzitako hondakin-masa ere %40 hazi da, azken urtean.

  Jendartea  Getxo 2017-04-11 10:15

Zerga-egutegia aldatu du Getxoko Udalak

Zerga-egutegia aldatu du Getxoko Udalak

Aurtengo zerga-egutegirako egindako aldaketak jakinarazi ditu Getxoko Udalak. Moldaketa horiek 2017ko martxoaren 27an Alkatetzak agindutako 1109/2017 Dekretuaren bidez onartu dira.

  Jendartea  Urduliz  Uribe Kosta 2017-04-10 14:10

Inauguratu dute Urdulizko metro-geltoki berria

Inauguratu dute Urdulizko metro-geltoki berria

Bizkaiko Garraio Partzuergoak (BGP) gaur berrabiarazi du Urdulizko metro-geltokiko zerbitzua. Bide-trazadura berria du, eta horren bidez behin betiko kendu da trenbide-pasagunea, metro-sarearen azkena zena.

  Jendartea  Erandio 2017-04-10 13:40

Belaunaldien arteko topagunea egingo dute martitzenean Erandion

Belaunaldien arteko topagunea egingo dute martitzenean Erandion

Belaunaldien arteko topagunearen bigarren edizioa egingo dute bihar, martitzenean, Tartanga Lanbide Heziketako Ikastetxe Integratuko ikasleek. Gizarte Integrazioko ikasleek dinamizatuko dituzte pertsona helduentzako eta umeentzako jokoak eta tailerrak, goizeko 11:30etik 13:30era, udaletxeko plazan.

  Jendartea  Berango 2017-04-10 13:30

Gaitasunak garatzeko tailerrak antolatu dituzte Berangon

Gaitasunak garatzeko tailerrak antolatu dituzte Berangon

Gizarteratzen eta laneratzen laguntzeko programak izandako harrera ona dela eta, langabeentzako doako ikastaroak antolatu ditu Udalak. Horien helburua da parte-hartzaileen gaitasun pertsonalak, harreman gaitasunak eta antolaketa gaitasunak garatzea. Horretarako, tailer bana antolatu dute, eta hiruzpalau eguneko iraupena izango dute.

  Jendartea  Plentzia 2017-04-10 13:30

Plentziako metro-geltokiaren estalkia aldatu gura dute

Plentziako metro-geltokiaren estalkia aldatu gura dute

Metro-geltokiko estalki berria aldatzeko eskatuko du EH Bilduk, eraikinari motz ematen diolakoan.

  Jendartea  Erandio 2017-04-10 10:10

Gidari baten aurkako izapideak zabaldu ditu Ertzaintzak

Gidari baten aurkako izapideak zabaldu ditu Ertzaintzak

Ertzaintzak ikerketa-diligentziak ireki dizkio gidari bati, Eusko Jaurlaritzaren Segurtasun Sailak jakinarazi duenez. Gidaria zapatuan geldiarazi zuten Erandion, eta alkoholaren eraginpean gidatzen zuela susmatuta ertzainek alkoholemia proba egin zioten. Bertan, "tasa positiboak eman ostean", bideko segurtasun-arauen aurkako ustezko delitua egotzi zioten.

  Jendartea  Getxo  Leioa  Uribe Kosta 2017-04-08 12:00

Saioa Hernández: "Sexu-hezkuntzan hutsunea dago, umeek ez dakite oinarrizkoena"

Iñigo Fernandez de Martikorena

Saioa Hernández: "Sexu-hezkuntzan hutsunea dago, umeek ez dakite oinarrizkoena"

"Saioz saio" sexu-heziketarako komikia aurkeztu du Saioa Hernández Castro sexologo leioaztarrak. Itzubaltzetako Romo eskolan behar egin ostean eutsi dio Hernándezek elkarrizketari. Berak idatzi ditu bere lehenengo komikiaren gidoiak; Eider Eibarregaz eta Xabier Lozanogaz elkarlanean sortu du "Saioz saio". Komikia dagoeneko agortu egin da; etamaiatzaren 17an argitaratuko dute ostera ere. Errespetuz elkartearen webgunetik jaits daiteke pdf fitxategia.

  Jendartea  Uribe Kosta 2017-04-07 17:35

Osakidetzak ohartarazi du ez dabilela telefono bidezko inkestarik egiten

Osakidetzak ohartarazi du ez dabilela telefono bidezko inkestarik egiten

Osakidetzak jakinarazi duenez, baliteke norbaitek bere izenean iruzurra egiten ibiltzea; hori dela eta, herritarrei ohartarazi die Euskal Osasun Zerbitzua ez dabilela telefonoz osasunaren inguruko inkestarik egiten.

  Jendartea  Erandio 2017-04-07 13:30

Pertsona bat zauritu da goizean Erandion, auto-istripu batean

Pertsona bat zauritu da goizean Erandion, auto-istripu batean

Hiru autok talka egin dute gaur goizeko 08:15ak aldera Erandion, Avanzadan. Eusko Jaurlaritzaren Trafiko Zuzendaritzak zehaztu duenez, ezbeharra izan da BI-637 errepideko 9. kilometroan, Bilboko noranzkoan, oraindik ezagutzen ez diren arrazoiak direla medio. Istripuaren eraginez, pertsona batek hainbat zauri jazo du; Gurutzetako ospitalera eroan dute anbulantziaz, Ertzaintzak jakinarazi duenez. Modu berean, bi errei itxi behar izan dituzte, errepidea garbitzeko, eta auto-ilara luzeak sortu dira ordu batez.

  Jendartea  Uribe Kosta 2017-04-07 11:45

Txetxenian homosexualak hil eta desagerrarazi dituztela salatuko du Kitzikanek Bilbon

Txetxenian homosexualak hil eta desagerrarazi dituztela salatuko du Kitzikanek Bilbon

Uribe Kostako Kitzikan kolektiboak salatu du pasa den apirilaren hasieran Errusiako Estatuak Txetxenian "100 marika baino gehiago desagerrarazi" zituela; oraindino desagertuta segitzen dute. Agertu diren bakarrak hiru gorpu izan dira, diotenez. Horren aurrean, elkarretaratzea egingo dute martitzenean, hilak 11, Bilboko Arriaga plazan, 20:00etan. Sexu-askapenerako gazte-antolakundeak "zuen gorroto dena" ekartzeko eskatu du. Intifada Marika taldeak ere antolatzen du protesta hori.

  Jendartea  Getxo 2017-04-07 10:08

Getxoko Turismo Bulegoak 57 plan aurkeztu ditu Aste Santuan gozatzeko

Getxoko Turismo Bulegoak 57 plan aurkeztu ditu Aste Santuan gozatzeko

Aste Santurako jarduera-eskaintza zabala aurkeztu du Getxoko Turismo Bulegoak, "57 plan Getxoz gozatzeko" izeneko liburuxkan jasotzen dena. Eskaintza horretan sektoreko 254 enpresa getxoztarrek hartzen dute parte (iaz baino 31 gehiago); horrek suposatzen du %26ko hazkundea iazko datuakaz alderatuta, eta %58koa 2015eko datuen aldean. Aurreikusitako plan berrien artean badaude, besteak beste, urpekaritza egiteko irteerak, Ramiro Pinilla ibilbide literario gidatua, Ezagutu Getxo korrika izeneko jarduera eta hainbat tailer gastronomiko.

  Jendartea  Getxo 2017-04-06 14:50

Txakurrak solte ibiltzeko ordutegia zabaldu du Getxoko Udalak

Txakurrak solte ibiltzeko ordutegia zabaldu du Getxoko Udalak

Getxon baimenduta dauden aisiarako eremuetan txakurrak lotu gabe ibiltzeko ordutegia zabaldu du Udalak, 18:00etatik goizeko 11:00ak arte. Hartara, bost ordu gehiagoz ibili ahalko dira txakurrak solte, orain arte ordutegi hori 21:00etatik 09:00etara mugatuta baitzegoen.

  Jendartea  Leioa  Uribe Kosta 2017-04-06 13:45

Berdintasunerako Emakunde Saria jaso du Marta Macho irakasleak

Berdintasunerako Emakunde Saria jaso du Marta Macho irakasleak

Marta Macho Stadler EHUko irakasle eta matematikako doktoreak jaso zuen atzo Berdintasunerako Emakunde Saria, matematika eta zientzien ezagutza emakumeengana hurbiltzera bideratutako ibilbide zientifikoarengatik. Saria Iñigo Urkullu lehendakariak eman zion eta Marta Macho Stadlerri eskertu zion irakaskuntzan eta unibertsitatean, zientzian eta gizartean berdintasunaren arloan aurrera egiteko egindako ahalegina.

  Jendartea  Erandio 2017-04-06 12:00

Lutxana-Lezama zerbitzua aztertuko du Euskotrenek

Lutxana-Lezama zerbitzua aztertuko du Euskotrenek

Zapatuan hasiko da berriro ere Bilboko Zazpi Kaleetako metro- eta tren-geltokia. Horregaz batera, Euskotren garraio-enpresak aurreikusita zeukan Lutxanako behin-behineko tren-zerbitzua etetea, Erandioren eta Txorierriren arteko garraioa Bilbotik ere erraz egin daitekeelakoan. Halere, linea hori oraingoz mantendu egingo du, erabileraren gaineko azterketa bat egiteko.

  Jendartea  Erandio 2017-04-06 11:30

Sinadurak batuko dituzte Astrabuduan, parkingaren alde

Sinadurak batuko dituzte Astrabuduan, parkingaren alde

Behin betiko konponbidea gura du Parkingari Konponbidea Orain! auzo-plataformak. Astrabuduan autoak uzteko arazoari orain arte Udalak ipinitako konponbideak “behin-behinekoak” direlakoan. Azken batzarrean, plataformak bere egin zuen iaz EH Bilduk proposatu zuen aparkaleku baterako proiektua. Egitasmoak 500 auto uzteko lekua izango luke, 3.500 metro koadro eta 4 milioi euroko aurrekontua.