2015-05-21 19:43

Klientelismoa eta ustelkeriari aurre egiteko 5 neurri

Erabiltzailearen aurpegia EHBildu Leioa EHBildu Leioak Udalean klientelismoa eta korrupzioari aurre egiteko 5 neurri zehatz proposatzen ditu. Neurri hauek martxan jartzea ezinbestekoa da behin ikusita gure herrian emandako Pinosolo Kasua edo nola Udalak zinegotzi batekin erlazionatutako enpresak kontratatu dituen. Gainera, duela gutxi ikusi genuen bezala Leioako EAJ-k, bere enpresak kontratu edo udaleko kontratak daramatzaten enpresa gizonekin bazkidetzen diren zinegotziak sostengatzen ditu. Beraz, EAJ-ren jokaera honek gure herrian klientelismoa eta ustelkeria kasuak egon daitezen beharrezkoa den testuingurua sortzen du. Honen aurrean, hauek dira EHBildu Leioak proposatzen dituen neurriak: * Esleipenen kontu-ikuskapena: Udalaren esleipen eta azpikontratazioen kontu-ikuskapen independentea. * Gardentasunaren Ataria: Web orrialde bat martxan jartzea non publiko egingo diren Udalaren kontratu guztiak, esleipenak jasotzen dituzten enpresen izenak, esleipenen publizitatea etab. * Udal kontratazioan kode etikoa eta praktika onak martxan jartzea. * Udal enplegu poltsa, Udalak sortutako enplegu guztietan berdintasun-aukerak bermatzeko eskatzaile guztiei.
2015-05-21 17:19

Udal paralisiari aurre egiteko hirigintza neurriak

Erabiltzailearen aurpegia EHBildu Leioa EH Bildu Leioak udalerriko auzoetarako bere hirigintza proposamenak aurkezten jarraitzen du. Proposamenok azken hilabeteotan bultzaturiko prozesu parte hartzailearen bidez zehaztu ditu, zeinean inkestak, bilera zabalak auzo ezberdinetan eta zenbait jardunaldi eta mintegi burutu dituen. Udal aparkaleku berria eta Errehabilitazio Plan berria Pinuetan EH Bildu Leioak ‘Pinuetan Errehabilitazio Plan bat bultzatzea, zeinak bere oinarrizko helburuen artean egun kotxeek hartzen duten espazioak auzotarrentzat berreskuratzea ahalbidetuko lukeen udal aparkaleku berri bat eraikitzea, oinezkoentzat zonalde berriak sortuz; egun dauden espazio publikoak (Cervantes Plaza, Kulur-Gela…) hobetzea eta mantentzea; Iberdrolaren subestazioari alternatiba bilatzea eta tokiko merkataritza txikia bultzatzeko plana’ proposatzen dutela azaldu du. Gainera, EH Bilduk ‘udal aparkaleku berria eraikitzen den bitartean zonalde honetan dauden aparkatzeko plazetan Pinuetako egoiliarrei lehentasuna ematea’ planteatzen du. Igogailua eta aisialdirako eta kiroletarako guneak Txorierrin EH Bildu Leioak azpimarratu du ‘horrenbeste alditan eta oraindik gauzatu gabeko Txorierri auzoko igogailua ahalik eta azkarren eraikitzearen aldeko jarrera duela’. Gainera, PNV eta PSE-PSOE egin ditu egoera horren erantzule, biek ala biek Eusko Jauralaritzan eta Leioako Udalean izan dituzten ardurengatik. Era berean, ‘Kultur-Gelan eta auzoko gune publikoetan hobekuntzak egiteko inbertsioak’ defendatu ditu. Azken hauen kasuan ‘hiri-ingurune- eta Txorierriko egoiliarren bizi-kalitatea hobetuko luketen aisialdirako eta kirol jarduetarako guneak sortzearen alde’ azaldu da. Horrekin batera ‘Ondiz auzoa aisialdirako ingurune natural eta historiko gisa mantentzea sustatuko dutela’ adierazi du, horrela ‘inguru pribilegiatu honetan etxibizitzak eraikitzea’ errefusatuz. Horrekin batera, ‘Ondizen egun dagoen probalekuan bullder berria sortzea eta bertan Udal Eskalada Eskola kokatzea’ proposatu du, probalekuak gaur egun duen erabilerarekin batera bateragarria izango litzatekeena. San Bartolomerako auzo autobus berria eta Artatzaganeko munizipalizazioa EH Bildu Leioak azpimarratu du ‘Udalak Artatzagane auzoa hobetzeko inbertsioak egiteko eta bere munizipalizazioa aztertzeko’ eta ‘Artatza kalea eta San Bartolomé auzoa lotzeko igogailua eraikitzeko’ dagoen beharra. Gogoratu duenez, azken auzora, egun, soilik kotxe pribatuaren eta aldapa handiko eskaileren bitartez heldu daiteke. Nabarmendu duenez, ‘auzo autobus berriaren aldeko apustua egiten dugu. Hau, gaur egun Txorierri eta Bizkaiko Zubiaren artean dagoenaren osagarri izango litzateke, ibilbideak eta maiztasunak hobetuz eta elkarrekiko lotura bermatuz’ eta, gaineratu duenez, ‘auzo-autobus bientzat baliogarri izango litzatekeen udal txartel bakarraren ezartzearen aldekoak gara’. Eta gainera ‘urteroko Inbertsio Plana auzo ezberdinetan (Ikeamendi, Donibane, Ibaiondo…) martxan jartzeko’ beharra ere adierazi du talde abertzaleak. Azkenik, ‘Leioan eraztun berdea eraikitzea, udalerri osorako bidegorri zabal eta funtzionala bultzatzea, bizikletaren erabilera eta auzoen arteko oinezkoentzako lotura sustatzea eta %65eko erreziklaje-tasa izatea ahalbidetuko duen zabor-bilketa sistema bultzatzea‘ ere planteatu du EH Bildu Leioak.
2015-05-21 17:08

Herritarren neurriko hirigintza-proposamenak

Erabiltzailearen aurpegia EHBildu Leioa Herritarren neurriko hirigintza-proposamenak EH Bilduk Leioako auzoetako zenbait aurkezpen burutu ditu herriko zonalde bakoitzerako ditugun hirigintza-proposamenak ezagutzera emateko. Gaur egunera arte Lamiakon, San Bartolomén, Txorierrin eta Pinuetan antolatu ditugu aurkezpenok. Bizikleta martxa ere burutu dugu herrian zehar, hainbat geldialdi eginez gure proiektoak azaltzeko. Oinezko etorbidea kalitatezko erdigune erreferentziala sortzeko Gure proposamenen aurkezpenetan ‘herriko erdigunearen eraldaketa proiektoa’ burutzeko beharra azpimarratu dugu. Proposamen nagusienetakoa ‘Sabino Arana kalea oinezkoentzat bilakatzea, Leioako Metro geltokia eta Avanzadaren Boulevarra lotuko lukeen oinezkoentzako Etorbidea bilakatuta’ izango litzateke. Horrezaz gain, ‘Avanzadaren estaltzea, Boulevarraren berritzea bere erabilpena gune publiko gisa bultzateko; Tranbiaren ibilbidea berpentsatzea erdialdeko oinezkoentzako zonaldeetan (Udondo Boulevarra, Sabino Arana) eragin txarrik izan ez dezan; plazetan gune estaliak eraikitzea egun euritsuetan erabili ahal izateko eta aparkaleku politika berria martxan jartzea’ proposatzen dugula adierazi dugu. Auzo Plana eta Mahaia Beste alde batetik, EH Bilduk Leioako auzoetarako dituen proposamenak azaldu ditu. Azaldu dugunez, ‘Auzo Plana martxan jartzea gure lehentasunetako bat izango da, honen helburua auzo guztiek gutxieneko kirol-, kultura- eta gune publiko-azpiegiturak eta garbitasun maila antzekoa edukitzea izango delarik’. Aipatu Plana osatzeko Auzo Mahaia sortzea proposatzen dugu, Udalaren eta udalerriko azuoetako elkarte eta auzokideen parte hartzearekin. Lamiako eta Txopoetarako proposamenak Lamiako eta Txopoeta auzoei dagokienean ‘Gobela ibaiaren berreskuratzea’ eta Txopoetako futbol zelaiak aipatu auzo biekin lotuta egongo litzatekeen ‘parke eta aisialdirako gune eta Lamiakoko hezegunea parke semiflubial bilakatzea’ azpimarratu dugu EH BIldukook. EH Bildu Leioaren ustez, ‘proposatutako aisialdirako gune zabal honen eta auzo bi hauen arteko lotura errezteko Lamiakoko Metro geltokiaren lurperatzea’ ezinbestekoa da, eta horrekin batera, ‘egun geldirik dagoen PERRIaren bukaera’. Era berean, aparkaleku kopurua handitzea, ‘gaur egun gutxiegi garbitutako’ gune publikoen eta kale eta plazen garbiketaren hobekuntza eta kultur-, kirol- eta giza-jarduerak garatzeko espazio egokiak edukiko dituen Kultur Gela berria martxan jartzea aldarrikatu dugu.
2015-05-21 16:46

Kirolaz gozatzeko kirol proposamen integrala

Erabiltzailearen aurpegia EHBildu Leioa