Ongi etorri errefuxiatuak!!

Datorren ostegunean, apirilaren 21ean, arratsaldeko 20:00etan, Erromoko Santa Eugenia enparantzan aukera izango dugu errefuxiatuei gure elkartasuna helarazteko. Milaka dira egunero-egunero Europako atea jotzen dutenak gerra eta miseriatik ihesi; mendebaldeko gobernuek sortzen lagundu duten gerra eta miseriatik ihes, hain zuzen. Ezin gara drama horren aurrean ezer egin gabe geratu. Elkarrekin lan egiteko unea da; tragedia hori gogor arbuiatzeko eta gure jendartean, gure herrian, agerian uzteko ordua da. Ostegunean, apirilaren 21ean, arratsaldeko 20:00etan hitzordua daukagu Santa Eugenia enparantzan, errefuxiatuei gure elkartasuna adierazteko eta Europar Batasuneko 27 estatu buruek sinatutako hitzarmena salatzeko; hitzarmen horrek ahalbidetzen du-eta errefuxiatuak Turkiara erbesteratzea. Guztion erantzukizuna da egoera lazgarri eta ankerra gelditzea! Zure zain gaude! Refugees welcome!!