Kultura 2014-09-18 18:36

Berangoko Udalak 30 ikastaro inguru eskainiko ditu urritik aurrera

Erabiltzailearen aurpegia Ukberri
Berangoko Udalaren Kultura eta Berdintasun Sailek urritik aurrera abiaraziko diren ikastaroak aurreratu dituzte jadanik. Eskaintzak 18 urtetik gorakoentzako ikastaroak hartzen ditu, Santa Anako kultur etxean. Bertan ere umeei zuzendutako lau espezialitate eskainiko dira. Horiei guztiei Nagusien Etxean emango direnak gehitu beharko zaizkie. Jarduera gehienak Santa Anako kultur instalazioetan izango dira. Han abiaraziko da urteroko izaerako ikastaro dozena bat, 18 urtetik gora duten pertsonei zuzenduta. Bikoitza izango den altzariak zaharberritzeko eskaintzak jarraituko du eta goizez edo arratsaldez egiteko aukera egongo da. Halaber, orain arte lortutako harrera onak zur-tailu espezialitatea mantenduko du. Eskulanetako eta areto-dantzetako bi maila desberdin emango dira, hasten direnentzat eta aurreratuago dauden pertsonentzat. Ikastaroek urteroko izaera izango dute, urritik maiatzera, hain zuzen ere. Kostua desberdina izango da aktibitatearen arabera. Gutxienez 54 euro ordaindu behar izango dituzte eta gehienez 101 euro Berangon erroldatuta daudenek. Argazkian, ikastaroetako batzuk Berangoetan izango dira.
Santa Anako ikasgelan ere haurren ikastaroak burutuko dira. Adingabeentzat dantza modernoko eta ingelesezko margolaritzako bi gradu eskainiko dira, izena ematen duten umeen ezaguera mailaren arabera. Kasu honetan, urterokoa izango da ere –urritik maiatzera– 31 euroko tarifa finkoarekin aktibitate guztientzat. Berdintasun Sailak gune desberdinetan garatuko diren aktibitate interesgarrien beste eskaintza ere antolatu du. Horiek Santa Anako edo Berangoetako kultur etxeetan, Gaztegunean edo Nagusien Etxean izango dira. Horien artean Irakurketa Kluba nabarmendu behar da. Eguneroko bizitzarako psikologia, erlaxazio tailerra eta baterako hezkuntzako tailerra ere martxan jarriko dira. Era berean, zine-forumeko saioak eskainiko dira aldiro.

Nagusien Etxea

Horrez gain, Nagusien Etxeko jarduerak ere urrian hasiko dira. Gimnasia, areto-dantzak eta tai ji eskainiko dira eta abesbatzak ere kurtsoari hasiera emango dio. Azken kasu honetan ezinbestekoa izango da izena ematea. Hala ere, kurtso desberdinetan apuntatzeko denbora dago, matrikulazio epea, aurreikusten denaren arabera, irailaren 19ra zabalduko baita.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa