Azaroaren 25erako "ekintza poetikoa" prestatu dute Berangon

Berangoko Udalak azaroaren 25era begira antolatutako ekitaldien artean, emakumeenganako indarkeriaren aurkako akzio poetikoa antolatu dute Berangon. Lehiaketa 14 eta 18 urte arteko emakumezkoei zuzenduta dago. Azaroaren 21era arte esaldi, eslogan edo olerkia bidaltzeko aukera izango dute, ondoko helbidera: liburutegia[abildua]berango.org. Udal iturriek zehaztu dutenez, gaia jatorrizkoa eta positiboa izan behar da eta emakumearen indarkeriaren kontran oinarrituta egon. Bai gaztelaniaz eta bai euskaraz egin daiteke. Irabazlearentzat toki berezi bat gordeko da Berangoetako kultur etxean, bere lanarekin toki hori apaintzeko, Emakumeenganako Indarkeriaren Kontrako Egunetik aurrera. Izena ematerakoan, Jordi Sierra i Fabraren azken eleberria, “Desnuda”, doan jasoko dute parte-hartzaileek. Bitartean, azaroaren 25ean, kontzentrazioa izango da 11:30ean, Berangoko metro geltokiaren alboan. Argazkian, 2009ko urtarrilaren 24an ezker abertzaleak deituta bortxaketa bat salatzeko Berangon egin zuten elkarretaratzea.