hiruka.eus

CUPek Kataluniako hauteskundeak irabazi ditu

Erabiltzailearen aurpegia Iñigo FM

CUPek Kataluniako hauteskundeak irabazi ditu. Gutxienez, zine-zaleen artean. Egun bakar batean, Youtuben 217.000 bisita baino gehiago izan ditu. Beste alderdi guztienak, batera, baino gehiago. "Anaven lents perque anaven lluny" (Motel gindoazen, urrun gindoazelako) film labur hori kanpainarako spot bat baino askoz gehiago da: David Fernandezen zen-uneak; maite duten baina inora ez doan furgoneta, independentziarako prozesuaren metafora; Antonio Baños oraingo hautagaia, umoretsu; Herrialde Katalanen aldarrikapen irmoa; Lluis Llach-en "Viatge a Itaca"-ren gogorapen malenkoniatsua; euskal presoekiko elkartasuna; CDC eta ITV auziaren kritika; PSCren Madrilgorako inorabidea; Metromuster-en ekoizpena, "Malviviendo"-ren moduko estiloa duena.... eta herri katalana, CUPen eta prozesuaren motorra.

Beste alderdiek perpetratu dituztenak ikusi gura duenak, hemen ditu beste hauteskunde-spotak, Ara.cat-i esker, baina ez dezala gehiegi espero.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa