Landuko diren arloak hauek dira: hirigintza eta auzoak, euskara eta kultura, feminismoa eta berdintasuna, gazte politika, justizia soziala eta enplegua, kirola eta kirol politika, herri eredua, parte hartzea eta gardentasuna. Metodologia parte hartzaile baten bitartez bertaratzen diren herritar guztiakaz arlokako lan taldeak osatuko dituzte. Lan talde bakoitzak dinamizatzaile bat izango du eta dinamika desberdinak erabiliz proposamen zehatzak definituko dituzte, Leioako EH Bilduk azaldu duenez.
Azaroan egindako herri topaketen ostean, non 100 pertsona baino gehiago parte hartu zuten, orain proposamen zehatzak egiteko momentua heldu da. "EH Bildu Leioaren Herri Programa herritarrekin batera osatuko dugu larunbat honetan egingo dugun mintegi irekia", adierazi du koalizio independentistak. Ezkertiarren berbetan, "EH Bildu Leioarentzat parte hartzea ez da eslogan bat, eguneroko praktika bat baizik, horregatik gure proposamenak ez ditugu bulego itxi batean egingo herritar guztiekin batera baizik".