EHkZ guneak jakinarazi duenez, 2013ko azaroan Itsasun izandako eraso bategaz lotzen dituzte atxiloketak. Espekulazio immobiliarioa salatuz, ezezagun batzuk bigarren etxebizitza bat erre zuten "Euskal Herria ez da salgai!" lemapean. Atxilotutako gazteak Pauera eraman dituzte.
Leioa eta Erandioko campuseko ikasleek zabaldutako oharra:
Gaurkoan ere berri lazgarri batekin esnatu gara.
Goizeko seietatik aitzina atxiloketak burutzen ari da Frantziako Jendarmeria Ipar Euskal Herri osoan. Oraingoz lau dira atxilotuak, horien artean, bereziki aipatu nahi ditugu Haitz Agirrebarrena eta Teo, iaz gure ikaskide izandakoak.
Gaurkoan ere, badute aitzakia euskal gazteriaren aurka kolpe gogor bat emateko; dirudienez, 2013an "EH ez da salgai"-ren izenean buruturiko ekintza baten harira dira atxiloketak.
250.000 dira gaur egun Euskal Herrian hutsik dauden etxeak, eta ezin ahaztu, gazteok gaur egun, emantzipaziorako ditugun arazoak. Gehiago axola zaie, dirudienez, espekulazio hutserako erabilitako etxe bat erretzea, etxe kaleratzek bizitoki gabe utzi dituztenak baino.
Gaurkoan ere, euskal herritar bezala eta are gehiago gazte bezala jasaten ditugun erasoen aurrean borrokatzea oztopatu nahi digutela ikusi dugu.
Ez gaituzte kikilduko ordea, aurrean izango gara, eraso guztien gainetik.
Parean izango gaituzte, errepresioak errepresio
Aski da!
Utzi bakean euskal gazteria!
Atxilotuak askatu!
Euskal Gazteria Aitzina!