Urtean, eskola-jantokian bazkaltzen dute ume horiek guztiek; horrenbestez, ikasturte osoan ez daukate ezelako arazorik, udal-arduradunek adierazi dutenez; ostera, oporraldia heltzean sortzen dira gorabeherak.
Hala, laguntza ekonomikoa jasotzen dute udako hiletan sendiek. "Txekeak txanda bitan banatzen dira. Modu horretan, diru hori nahikoa den ala ez, eta txeke horiek janari freskoan eta oinarrizko elikagaietan gastatzen direla egiaztatzen dugu", azaldu dute Udaletik.
Leioako Gizarte Zerbitzuek 3.230 euroko partida bideratu dute aurten, udako oporretan 23 familia horien adingabekoak elikatzeko. Horren albotik, Sendiek egindako balorazioa oso positiboa izan da. Hori dela-eta, laguntza hori Gabonetako eta Pazko Asteko oporraldietara luzatzeko asmoa dauka Udalak.