Jendartea  Leioa 2016-12-14 18:48

Marta Macho Stadler, 2016ko Berdintasunerako Emakunde saria

Aurtengo Berdintasunerako Emakunde Saria Marta Macho Stadler-entzat izan da. Macho Matematiketan doktorea eta Leioako Zientzia eta Teknologia Fakultateko irakaslea da. Epaimahaiak azpimarratu du Marta Machok egindako beharra emakumeak matematika eta zientzien mundura gerturatzeko, emakume zientzialarien lana ikustarazteko eta zientzialari horik akademia munduari eta garapen sozialari egindako ekarpenak islatzeko.

Marta Macho Stadler, 2016ko Berdintasunerako Emakunde saria
Marta Macho Stadler Matematika doktorea. © JOSU HERNAEZ - EMAKUNDE | Ikusi handiago | Argazki originala

Epaimahaiak goraipatu du matematiken hezkuntzan genero-ikuspegia txertatu izana eta unibertsitatearen barruan emakume eta gizonen berdintasuna bultzatzen duten batzorde zientifiko eta akademikoetan parte hartu izana. Zentzu horretan, azpimarragarria da matematikaria "Mujeres con ciencia" blogaren arduraduna dela. Blog hori Kultura Zientifikoko Katedrak bultzatzen du eta generoa eta zientzia lantzen ditu, emakume zientifikoen lana ikusaraziz.

Sari horren bidez, Emakunde Sariko epaimahaiak aitortu gura du hainbat irakaslek egiten duten lana, hezkuntza maila denetan, nesken ahalduntzea bultzatuz eta horiek ikasketa zientifikoak eta teknologikoak aukeratzera animatuz. Era berean, beharrezkoa ikusten du zientzia-munduan emakumeen presentzia eta aitortza areagotzeagaz batera, akademia bera, enpresak eta teknologia-munduko agente denak egokitzea berdintasunean oinarritutako gizarte bat eraikitzeko.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa