Halere, Leioako izurdeek ez dute izango iaz euren alde jokatu zuen faktore bat: ez dute etxean jokatuko. Horren ordez, 9802 waterpolo-talde nafarraren igerilekuan lehiatuko dira, arerio nagusiaren domeinuan, alegia. Izan ere, finalaurrekoa talde unibertsitarioaren aurkako norgehiagoka izango da; partida 14:10ean hasiko da. Dema hori gaindituko balute, Askartzakoek aurre egin beharko diote beste finalaurrekoaren irabazleari: Eibarreko taldeari ala Bilbokoari.
Gizonezkoei dagokienez, klub berberak lehiatuko dira kopa eskuratzeko asmoz, salbuespen bategaz: Askartzak beharrean, Bidasoak jokatuko du.
Uribe Kostako taldeak
Euskal Herriko Kopa pasa den urtarrilaren 7an abiatu zen, emakumezkoen 8 taldegaz eta gizonezkoen beste 14 taldegaz. Getxok, Leioak eta Askartzak modalitate bietan parte hartu zuten. Final laurdenetara denak heldu ziren, gizonezkoen Getxo izan ezik.