Parte-hartzaileek bi modalitateetako batean izena eman beharko dute: pop-rockean ala metalean. Sariketaren lehenengo fasean, jasotako disko denen artean, epaimahaiak maila bakoitzeko talderik onenak aukeratuko ditu, hau da, maiatzaren 8rako; hautatutako musika-taldeek San Juan jaietan joko dute. Kontzertuen ostean erabakiko dute irabazlea zein den. Lehiaketaren oinarrietan agertzen den legez, antolatzaileek erabakiko dituzte saio horien datak eta ordutegiak.
Hala, modalitate bakoitzeko irabazleek 1.200 euroko saria jasoko dute. Gainera, orokorrean, lehiaketako talderik onenak beste 400 euro jasoko ditu. Bitartean, Udalak 600 euro emango dizkio musikari leioaztarrez osatuta talde onenari, eta Euskara Zerbitzuak beste 600 euro gure hizkuntzan kantarik onena aurkezten duen taldeari. Azken horiek biek ere jaietan jotzeko aukera emango diete. Aurreko edizioetan bezala, gura duten talde denek sariketan parte hartzeko aukera edukiko dute, disko bat baino gehiago kaleratu eta aurreko edizioetan sari nagusiren bat irabazi dutenek izan ezik. Eta betebeharreko baldintza da 14 eta 35 urte bitartekoak izatea taldekide bi, gutxienez. Adin txikikoek gurasoen edo tutoreen baimena aurkeztu beharko dute.