Kirolak  Leioa 2017-01-20 12:30

Askartzak jokatuko du bihar Euskal Herriko Waterpolo Koparen finala

Askartzak jokatuko du bihar Euskal Herriko Waterpolo Koparen finala

Euskal Herriko Waterpolo Koparen lauko finalak jokatuko dira bihar, zapatuan, Nafarroako Unibertsitate Publikoaren igerilekuetan, Iruñean. Uribe Kostatik Claret Askartzako emakumezkoen taldea da sailkatu den bakarra; leioaztarrak iazko txapeldunak izateaz gainera aurtengo kopa altxatzeko faboritoen artekoak ere badira.

  Jendartea  Leioa 2017-01-19 10:52

Sute batek kutxazain automatiko bat kaltetu du Leioan

CaixaBank banketxeko Leioako kutxazain automatiko batek hainbat kalte jaso ditu, itxuraz, nahita eragindako sute baten ondorioz. Eusko Jaurlaritzaren Segurtasun Sailak jakitera eman duenez, gertaera 03:00ak aldera izan da, Sabino Arana kalean.

  Jendartea  Leioa 2017-01-17 11:56

Goizaldean sutea izan da Leioako etxebizitza batean

Goizaldean sutea izan da Leioako etxebizitza batean

Dirudienez, manta elektriko batek eragin du Leioako Iparragirre kaleko etxebizitza batean izandako sutea, udal-iturriek adierazi dutenez. "Jabearen jokaera egokiak eta emergentziazko zerbitzuen berehalakotasunak kalte larriak ekidin ditu", gaineratu dute.

  Jendartea  Erandio  Leioa 2017-01-13 17:28

Gizon bat atxilotu dute Erandion, Leioan tabernari bati labanaz eraso egitea egotzita

Gizon bat atxilotu dute Erandion, Leioan tabernari bati labanaz eraso egitea egotzita

Ertzaintzak 45 urteko gizonezko bat atzeman zuen herenegun, eguaztena, Erandion. Eusko Jaurlaritzaren Segurtasun Sailak zabaldu duenez, atxiloketa 14:00ak jota izan zen. Ordu horretan, Erandiotik zebilen ertzain-patruila batek gizonezko bat ikusi, susmagarri baten profilagaz alderatu eta gaizkilea zelakoan atxilotu zuen. Pasa den abenduan, gizon batek Leioako taberna batean labanaz eraso egin zion zerbitzariari.

  Kultura  Leioa 2017-01-11 16:16

Barikuetan Jaik egutegiak egiten erakutsiko du aste honetan, Leioan

Barikuetan Jaik egutegiak egiten erakutsiko du aste honetan, Leioan

Aste-akabu honetan bueltatuko da Barikuetan Jai egitasmoa, Kultur Leioako aterpeetara, 17:30etik aurrera. Hala, urtarrilaren 13an, egutegi-tailerra egingo dute. Haurrek eta familiek kalean euskara erabiltzea da Leioako Udalaren Euskara Zerbitzuak antolatutako ekimenaren helburua; horretarako, barikuro, jarduera bereziak egiten dituzte, euskaraz, harreman-sareak zabaltzeko, eta euskara erabiltzeko guneak eta aukerak sortzeko.

  Hezkuntza  Leioa 2017-01-11 16:13

Batxilergoko 53. Matematikako Olinpiadak egingo dituzte barikuan

Batxilergoko 53. Matematikako Olinpiadak egingo dituzte barikuan

Matematikako Olinpiadaren 53. edizioaren lehenengo fasea egingo dute bariku honetan, urtarrilak 13, Leioako campusean; hitzordua 09:30ean jarri dute, EHUko Zientzia eta Teknologia Fakultateko berbaldi-aretoan. EHUko Matematika Ataleko irakasle ordezkaritza baten laguntzagaz, Espainiako Matematikako Erret Elkarteak antolatzen ditu Matematikako Olinpiadak. 2016-2017 ikasturteak Batxilergoan matrikulatutako EAEko ikasle denek har dezakete parte.

  Hezkuntza  Leioa  Uribe Kosta 2017-01-10 17:13

Nekane Balluerka EHUren errektorea izango da eguaztenetik aurrera

Nekane Balluerka EHUren errektorea izango da eguaztenetik aurrera

Nekane Balluerkak Euskal Herriko Unibertsitatearen (EHU) errektore kargua hartzeko ekitaldia egingo dute eguazten honetan, urtarrilak 11, eguerdiko 12:00etan, Ajuria Enea jauregian, Gasteizen. Iñigo Urkullu Eusko Jaurlaritzako lehendakaria ekitaldiaren buru izango da, Cristina Uriarte Hezkuntza sailburuak lagunduta.

  Kultura  Leioa 2017-01-10 15:15

Umeentzako antzerkia domekan, Kultur Leioan

Umeentzako antzerkia domekan, Kultur Leioan

Domeka honetan, urtarrilak 15, Eidabe eta Bale Musika Ideiak konpainiek "Baserrian amets" antzezlan familiarra eskainiko dute Kultur Leioako entzungelan, 18:00etan. Sarrerak 2,50-5 euroan daude salgai.

  Kultura  Leioa 2017-01-09 16:10

"Yo, Feuerbach" antzezlana barikuan, Kultur Leioan

"Yo, Feuerbach" antzezlana barikuan, Kultur Leioan

Bariku honetan, urtarrilak 13, "Yo, Feuerbach" antzezlana eskainiko dute Grec Festival 2016 de Barcelona, Velvet Events eta Buxman Producciones taldeek. Saioa Kultur Leioako entzungelan izango da, 20:30ean. Sarrerak 9 eta 18 euroan daude salgai.

  Kirolak  Leioa 2017-01-09 13:45

Ane Miren Diaz txapeldunorde geratu da Bizkaiko Xake Txapelketan

Ane Miren Diaz txapeldunorde geratu da Bizkaiko Xake Txapelketan

Ane Miren Diaz Herrero bigarren sailkatu da aurten Bizkaiko Emakumezkoen Xake Txapelketan; gaztea Leioako Altzaga xake-taldeko jokalaria da. Lehiaketa atzo jokatu zen Bilboko Kale Barrian, Rey Ardid xake-taldearen egoitzan. Txapeldun berria Eihartze Buiza da, Arrigorriagako Endroke xake-taldeko kidea.

  Kirolak  Leioa 2017-01-05 09:15

Bizikletak mailegatzeko sistema eten du Leioako Udalak, denbora batez

Bizikletak mailegatzeko sistema eten du Leioako Udalak, denbora batez

Pasa den domekan, Urteberri egunagaz batera, amaitu zen Leioako Udalak eta gizarte ekimeneko sozietate kooperatiba batek bizikletak mailegatzeko baimendun zerbitzu osoa emateko zeukaten hitzarmena; 2011ko abendutik indarrean egon zen akordioa. Hori dela eta, pasa den domekan Udalak zerbitzua eten egin zuen, erabat. Leioako Udalak azaldu duenez, orain arteko "sistema hobetu" guran "herritarrei zerbitzua eskaintzeko beste sistema eta bide eraginkorrago batzuk" aztertzen dabil, "gure udalerrian garraiobide ekologiko, osasungarri eta eraginkor hori sustatze aldera".

  Jendartea  Leioa 2017-01-05 09:00

Aldaketak Leioako Udalaren hainbat helbide elektronikotan

Aldaketak Leioako Udalaren hainbat helbide elektronikotan

Leioako Udalak zerbitzu batzuen helbide elektronikoak aldatu egin ditu. Alde batetik, erregistro@leioa.net, estatistika@leioa.net eta info@leioa.net orain SAC01@leioa.net dira. Eta bestetik, Gaztelubideko bulegoaren helbidea pinueta@leioa.net izatetik SAC02@leioa.net izatera pasatu da.

  Kirolak  Leioa 2017-01-05 08:45

Ordutegi bereziak izango dira gaur eta bihar Torresoloko kirol instalazioetan

Ordutegi bereziak izango dira gaur eta bihar Torresoloko kirol instalazioetan

Errege-eguna dela-eta, Leioako Torresolo auzoko kirol instalazioek ordutegi berezia izango dute gaur, eguena, eta bihar, barikua. Hala, Leioako Udalak jakinarazi duenez, honakoak izango dira egun horietako ordutegia: urtarrilaren 5ean, 12:00etatik 22:00etara; urtarrilaren 6an, 10:00etatik 15:00etara.

  Jendartea  Leioa  Sopela 2017-01-04 14:34

Gaur eraman dute epailearen aurrera Sopelako ustezko piromanoa

Gaur eraman dute epailearen aurrera Sopelako ustezko piromanoa

Udaltzaingoaren eta Ertzaintzaren ekintza koordinatu bati esker, astelehenean atxilotu zuten, 2017ko urtarrilaren 1eko gauean, Sopelan, ustez edukiontziak erretzen ibilitako gizona; 48 urteko gizonezko bat da. Bestalde, Urte Berri Egun goizaldean hainbat ezezagunek bost edukiontzi erre zituzten Leioan, Eusko Jaurlaritzaren Segurtasun Sailak adierazi duenez; suak hiru ibilgailu kaltetu zituen.

  Jendartea  Leioa 2016-12-31 12:30

Gabonetan pirotekniarik ez erabiltzea gomendatu du Leioako Udalak

Gabonetan pirotekniarik ez erabiltzea gomendatu du Leioako Udalak

Leioako Udalak dei berezia egin die herritarrei pirotekniarik erabil ez dezaten jaiegun hauetan zehar, ardura eta auzokideekiko errespetua eskatuz. Erabiliz gero, har daitezkeen segurtasun neurri denak hartzeko eskatu du.

  Jendartea  Leioa 2016-12-31 12:00

Urtarrilaren 1etik aurrera Urdulizko ospitalerako autobusa igaroko da Leioatik

Urtarrilaren 1etik aurrera Urdulizko ospitalerako autobusa igaroko da Leioatik

Urtarrilaren 1etik aurrera, Urdulizko ospitaletik pasatuko den Bizkaibus A3531 autobusak Leioako udalerrian zazpi geraleku edukiko ditu. Linea hori, hain zuzen ere, Mungiara iristen da. Hauxe izango da linearen izena: Leioa – Urdulizko ospitalea - Gatika – Mungia.

  Jendartea  Leioa 2016-12-30 16:58

Pertsona bat zauritu da Leioan, auto batek harrapatuta

Auto batek pertsona bat harrapatu du Leioan. SOS Deiak zerbitzuak jakinarazi duenez, ezbeharra Bi-738 errepidean jazo da, Bilborako norantzan, gaur 16:45ean. ZauritUa Gurutzetako ospitalera eroan dute.

  Politika  Leioa 2016-12-26 22:01

Leioako Udalak 34.013.578 euroko aurrekontua edukiko du 2017an

Leioako Udalak 34.013.578 euroko aurrekontua edukiko du 2017an

Leioako Udalak 2017ko udal aurrekontuak onartu zituen egunean, azken urteetako adostasun zabalenagaz. Diru-kontuak, EAJk eta PSE-EEk osatzen duten gobernu-taldearen aldeko botoei eta EH Bilduren abstentzioari esker onartu ziren. Esnatu Leioak eta PPk, ostera, kontrako botoa eman zuten.

  Ekonomia  Leioa 2016-12-26 21:45

Vicrilaren aldeko elkarretaratzea, bihar, Bizkaiko Zubian

Vicrilaren aldeko elkarretaratzea, bihar, Bizkaiko Zubian

Lamiakoko Vicrila beirategiaren egoera larria salatzeko asmoz, mobilizazioak egiten jarraitzen dute bertoko langileek. Besteak beste, martitzen honetan, abenduak 27, kontzentrazioa egingo dute Bizkaiko Zubian, Areetan, 11:00etatik aurrera; eta horren ostean, ibilaldia egingo dute lantegiraino.

  Politika  Leioa 2016-12-20 15:59

Leioako EH Bilduk aurkeztutako hainbat proposamen sartuko dituzte udal aurrekontuetan

Leioako EH Bilduk aurkeztutako hainbat proposamen sartuko dituzte udal aurrekontuetan

Leioako EAJk eta PSE-EEk aurkeztutako aurrekontu-proiektua bozkatzerako orduan, abstenitzea aukeratu du EH Bildu koalizioak. Horri esker, ezkerzaleek mahaiaren gainean jarritako emendakin partzialen kopuru handi bat jasoko dituzte udal-kontuetan. Leioako EH Bilduk gaur egindako prentsaurrekoan eman du horren berri; aurrekontu-proposamena bozkatzeko udal osoko bilkura eguenean, abenduak 22, egingo dute, 17:00etatik aurrera.

Nabarmenak

Zorion agurrak