Guztira, 314 metro koadroko oinplano-azalera duen eraikin bat egingo da, laukizuzen formakoa. Hiru gorputz desberdinez osatuta egongo da: zentrala (beheko solairua, lehen solairua eta teilatupea izango dituena) eta bi mutur (beheko solairua eta teilatupea soilik izango dituztenak). Obra horien bidez, higiezinaren egitura saneatu, narriatuta dauden elementuak berritu, kanpoaldea margotu eta eraikina teilaberritu egingo da.
Bestalde, nasatik sartu eta irteteko leku berria geltokiaren albo batean kokatuko da. Obrak egingo direla aprobetxatuz, itxarote-eremua eguraldi txarratik babesteko lekua egingo dute; izan ere, estalita egon arren, euria eta haize-boladak bertara iristen ziren.
Geltokitik sartu eta irteteko toki berria hegoaldean kokatuko da, lehen Gurutze Gorriaren eraikina eta geltokiko taberna zeuden lekuan.