Jendartea 2006-02-27 20:19

Plentziako abanikoan malda batetik jausi eta besoa lokatu zuen gizon bat artatu zuen igandean Gurutze Gorriak

Erabiltzailearen aurpegia Ukberri Plentziako abanikoan malda batetik jausi eta besoa lokatu zuen 40 urteko gizonezkoa artatu zuen igande arratsaldean, 19:00ak aldera, Gurutze Gorriak. Salbamendu erakunde horretako iturrien esanetan, Osakidetzaren deia jaso ondoren, anbulantzia bat bertaratu zen gizona laguntzeko. Txakur-hagindakaren ondorioz zauritua zegoelakoan abiatu ziren bertara, baina heldu zirenean, egoera zeharo ezberdina zen: 40 urte inguruko gizona malda batetik jausi zen bere txakurraren atzetik zebilela. Zorionez, zuhaitz batek gelditu zuen gizona eta ez zen maldan behera joan. Hala ere, ez zegoen tokira hurbiltzerik arriskurik gabe. Gauzak horrela, Gurutze Gorrikoek sokak erabili behar izan zituzten gizona ateratzeko. Behin anbulantzian zegoela, Gurutzetako ospitalera eraman zuten besoa lokatuta zeukala.
  Jendartea 2006-02-12 19:30

Plentziako gaztea zauritu da herrian bertan izandako istripuan

Erabiltzailearen aurpegia Ukberri Ezbeharra larunbatean goizaldeko ordu batak hogei gutxitan jazo zen Plentziako Areatza etorbidean, Eusko Jaurlaritzako Herrizaingo Sailak prentsa-ohan baten bidez jakinarazi duenez. Yamaha Tzr motozikleta batek –Bilboko matrikuladuna– eta Citroen Saxo batek talka egin zuten, lehenengoak aurrealdeaz bestearen alboa jota. Horren ondorioz, bi gurpileko ibilgailuaren gidaria, 29 urteko A.A.L. plentziarra larri zauritu zen, eta Gurutzetako ospitalera eraman behar izan zuten anbulantziaz.
  Kirolak 2005-10-28 00:49

Oraindik ere badago "Skate Uribe Kostan" argazki erakusketaz gozatzeko aukera Plentzian

Erabiltzailearen aurpegia Ukberri Abendura bitartean, Uribe Kostako herrietan barrena ibiliko da UK Uribe Kostako Aldizkariak ekoiztutako "SK8UKN, Skate Uribe Kostan" erakusketa fotografikoa. Algorta, Sopela, Urduliz eta Gorlizen ikusi ahal izan da jada. Orain Plentziako kultur etxean, Goñi Portalen, dago urriaren 30era arte. Hortik aurrera, Leioako Kultur Leioa aretoan (azaroaren 7tik 20ra) eta Erandioko udaletxean egongo dira ikusgai Carlos Terrerosek egindako 18 argazkiak. (Irudian, Borja Saez skaterrari Erandion ateratako argazkia / Egilea: © Carlos Terrero).
  Jendartea 2005-10-18 15:37

Plentziako emakume bat hil da trafiko istripu batean Mungian

Erabiltzailearen aurpegia Ukberri I.U.L. 33 urteko emakume plentziarra hil da goizeko 11:30ak aldera BI-3715 errepidean, Mungiako altueran, izandako trafiko istripuan. Opel Corsa batean zihoala emakumeak aurrez aurre talka egin du autobus baten kontra. Istripuaren eraginez, I.U.L. autoaren barruan harrapatuta gelditu da suhiltzaileek askatu arte. Zoritxarrez, emakumea askatu ostean bertaratutako medikuak bere heriotzaren berri eman du. Istripu beraren ondorioz ere autobuseko bi kide zaurituta suertatu dira eta errepidea moztuta gelditu da, EAEko Herrizaingo Sailak adierazi duenez.
  Politika 2005-10-06 11:33

A Lamako espetxean itxialdi mugagabean dago Fernando Etxegarai

Erabiltzailearen aurpegia Ukberri Pontevedra aldean, A Lamako espetxean (argazkian) dituzten euskal preso politikoek irailaren 22tik itxialdian dira. Beraien artean Fernando Etxegarai (Bilbo / Plentzia) dago, eskualdeko preso politikoa, Uribe Kostako Amnistiaren Aldeko Mugimenduak Etengabe.org bitakoran jakinarazi duenez. Itxialdiaren arrazoia hauxe da, bertan azaltzen denez: "Iñaki Garces euskal preso politikoa, irailaren 1ean, Kordobatik A Lamara eraman eta isolamendu moduloan sartu zuten. Horren aurrean, A Laman dituzten euskal preso politikoak zuzendariari gutun bana bidaltzen hasi ziren, hitzordua eskatuz. Ez dute erantzunik jaso oraindino. Horren aurrean, irailaren 22an mugagabeko itxialdia hasi zuten eta, egun, hala jarraitzen dute".
  Kultura 2005-09-09 23:49

Kilometroak jaialdirako autobusa jarriko du Plentziako kultur etxeak

Erabiltzailearen aurpegia Ukberri Plentziako kultur etxeak datorren urriaren 2an ospatuko den Gipuzkoako ikastolen jaialdira joateako autobusa jarriko du. Izena eman nahi duenak egin ahal izango du irailaren 23ra arte Goñi Portaleko kultur etxean. Horretarako ordutegia goizeko 11:00etatik 13:00etara eta 16:30etik 21:00etara izango da. Kilometroak jaialdiko zirkuituak Aretxabaleta eta Eskoriatza inguruko 8.100 metro izango ditu, paraje zoragarria eta ibiltzeko erosoan. Aretxabaletatik abiatzen da eta inguruko elizateetatik pasa ondoren, herrira jaisten da berriz. Aldapa oso gutxi dauka, aterpe nahiko, eta trafikoarekin ez du inongo interferentziarik. Momentuz antolakuntzak ez du gunerik zehaztu, baina dagoeneko Kilometroen kanta ofiziala kaleratu du, Jon Sarasuak idatzitako eta Liken taldeak musika jarri duen Oia abestia.
  Kirolak 2005-09-07 21:20

Interneten "plentziatarra"ren arraunlaria izan zaitezke

Erabiltzailearen aurpegia Ukberri "Estropaden jokoa" Interneterako jolas berriak Kontxako banderan izan diren taldeen arraunlari izateko aukera eskaintzen du, tartean Arkote. Estropada denboraldia bukatzeko ez da asko falta, baina proba garrantzitsuena jokatzea falta da oraindik: Kontxako Banderaren finala. Hori horrela izanda, eitb.com-ek jokoa kaleratu du estropaden sasoi betean. Jokoa grafikoki ez da gauza handia baina menpekotasuna sortzen du. Bit&Mina Donostiako enpresak sortutako jolasean oztopo ugari gainditu behar da ziaboga eman eta helmugara heldu aurretik: izurdeak, marmokak eta minak.
  Kirolak 2005-09-04 17:15

Ezustean Arkote Kontxako ohorezko txandan sartu da

Erabiltzailearen aurpegia Ukberri "Plentziatarra" traineruak marka guztiak gainditzen ari da aurten. Kontxarako lehenengo aldiz sailkatzeaz gain, estropada galanta egin du gaur bere txandan bigarren postua eskuratzen eta eguneko laugarren trainerua izanez. Hortaz, ohorezko txandan sartu da lehia handiko Kontxako Banderan. Denbora aldeak txikiak direnez, bihar erabakiko da Bandera norantza egingo duen, nahiz eta Arkotek oso zaila izango duen 21 segundutara. Bestalde, Astillerok Kontxako errekorra egin du bigarren txandan: 19 minutu eta 9 segundu. Berarekin sailkatu dira Castro, lehenengo txandaren onena, Hondarribia eta Arkote. Aldiz, Orio bezalako faborito bat ohorezko txandatik kanpo gelditu da. (Argazkian, 2002ko Kontxako Bandera / www.hijosmios.com).
  Jendartea 2005-09-04 14:57

Bilbotar bi atxilotu ditu Ertzaintzak Plentziako txalet batean lapurtzen ari zirelakoan

Erabiltzailearen aurpegia Ukberri Ertzaintzak 30 urteko K.B. eta 36 urteko R.A. bilbotarrak atxilotu zituen ostiralean, arratsaldeko 14:00etan, Plentziako txalet baten barruan, bertan lapurtzen zihardutelakoan. Ertzaintzaren prentsa oharraren arabera, Plentziako auzokide batek deitu zuen ezezagun batzuk aipatutako txaletean zeudela esanez, eta ertzainak heldu zirenean egongelako leiho-atea apurtuta aurkitu zuten. Ondoren, etxebizitzaren barruan bi gizonak topatu zituzten. Ertzaintzaren esanetan "etxebizitza arakatua izan zenaren aztarnak zeudenez" aurrekari penalak dituzten susmagarri biak atxilotu zituzten poliziek.
  Kultura 2005-09-02 23:45

Kontzertuak eta su artifizialak dira Plentziako jaietako egun nagusiko ekitaldirik ikusgarrienak

Erabiltzailearen aurpegia Ukberri Helduentzako mozorro lehiaketa 21:30ean hasiko bada ere, jai jarduera nagusiak 23:30ean botako diren su artifizialak eta ondoren izango diren bi kontzertu oso ezberdinak izango dira. Astillero plazan Kresala orkestra izango da dantzaldian, bestalde nortasun biziko eskualdeko musika taldeak izango dira txosnetan. Bertan, eta Plentziako Gazte Asanbladak antolatutako kontzertua dela medio, gaueko 23:30etik aurrera Quizical (argazkian), Patada en la papada eta Non Ote? taldeak entzuteko aukera edukiko dugu.
  Kirolak 2005-09-01 22:35

Kontxako Bandera jokatzeko txartela lortu du Arkotek

Erabiltzailearen aurpegia Ukberri Gozatzeko aukera bikoitza edukiko dute gaurtik aurrera Plentzia aldean. Jakin badakigu San Antolin festetan murgilduta dabiltzala bertokoek, baina gaurkoan Donostia aldetik etorri da berri ona. Izan ere, Kontxako Banderan parte hartu nahi zuten 22 traineruetatik zortzigarren postua eskuratu du Arkotek arratsalde honetan jokatu den sailkatze-saioan, irailaren 4an euskal arraunaren zita garrantzitsuenan lehiatzeko txartela eskuratuz. Esan beharra dago ezusterik gabeko saioa izan dela gaurkoa. Castro nagusitu da Donostiako badian, eta ondoren, Hondarribiak, Cabo da Cruzek, Oriok, Pedreñak, Astillerok eta Pasai Donibanek egin dituzte denborarik onenak, "Plentziatarraren" aurretik. Guztiak ala guztiak TKE Ligakoak. (Argazkian, 2002ko Kontxako Bandera / www.hijosmios.com).
  Jendartea 2005-06-07 21:34

Sopelako motor-gidaria zauritu da Plentzian gertatutako istripuan

Erabiltzailearen aurpegia Ukberri Eguerdiko hamabiak aldera gertatu da ezbeharra BI-2704 errepidean, Plentzia udalerrian. Besteak beste, Citroen Saxo autoak eta zilindrada handiko Yamaha motozikletak izan dute istripua eta, ondorioz, azken ibilgailu horren gidaria, JA.Z.I. Sopelako 28 urteko bizilaguna Gurutzetako ospitalera eraman behar izan dute mota ezberdineko zauriekin.
  Kultura 2005-06-03 22:36

Uribe Kostako Mankomunitateak udalekuak egingo ditu Plentzian

Erabiltzailearen aurpegia Ukberri Uribe Kostako Mankomunitateko Euskara Zerbitzuak udaleku irekiak antolatuko ditu, uztailaren 5etik 15era bitartean, Plentziako herri ikastetxean. Ordutegia 10:00etatik 18:30era izango da. Barrika, Berango, Gorliz, Lemoiz, Plentzia, Sopela eta Urdulizen erroldaturiko neska-mutilak (6-12 urte) izena eman ahal izango dute bertan. Horretarako epea ekainaren 16 arte egongo da zabalik eta 90 eurokoa da prezioa. Informazio gehiago jasotzeko: 946762674. Euskera Zerbitzua (Gatzarriñe, 2-4 Sopela / Ordutegia: 9:00tik 13:00ak arte).
  Jendartea 2005-05-20 22:24

Plentzia eta Bilboko hiru gazte atxilotu dituzte taberna batean lapurtzen ari zirela

Erabiltzailearen aurpegia Ukberri Eusko Jaurlaritzako Herrizaingo Sailak jakinarazi duenez, 22 eta 27 urte bitarteko Plentzia eta Bilboko hiru bizilagun atxilotu ditu gaur goizaldean Ertzaintzak, ustez, Bizkaiko hiriburuko Arbolantxa kaleko taberna batean lapurtzen ari zirela. Polizia iturriek emandako datuen arabera, 5:30ak aldera jaso dute abisua eta, bertara joandakoan, establezimenduaren aurrean aparkatutako furgoneta eta, antza, zelatan zegoen lagun bat atzeman dute ertzainek. Pertsiana bortxatuta zegoela ikusita, susmagarria identifikatzera abiatu dira polizia agenteak. Taberna barruan beste bi lagun aurkitu dituzte.
  Jendartea 2005-05-18 14:47

Gamizen aparkatzeko 80 toki berrietatik bat eskuratzeko 127 eskaera aurkeztu dira

Erabiltzailearen aurpegia Ukberri Plentziako 127 bizilagunek aurkeztu dute, Gamiz inguruan, lurrazpian egingo dituzten autoa uzteko 80 lekuetatik bat eskuratzeko eskaera. Astelehen goizean baino ez zen egon eskaria aurkezteko aukera eta, ondorioz, ilara luzeak sortu ziren udaletxean. Tokiko erakundeko arduradunek atzo zehaztutakoaren arabera, "eskariak aurkeztutako ordena kontutan hartuz banatuko dira tokiak, Udalak jarritako oinarrietan jaso bezala". Autoa lagatzeko toki bakoitzak 12.000 euroko salneurria izango du eta 99 urtetarako izango da emakida. Epe hori igarota berriro ere bueltatuko litzateke Udalaren eskuetara. Aurrikuspenen arabera, 2006ko udarako egongo da parkinga.
  Jendartea 2005-05-18 13:47

Butroe itsasadarra txirlez birpopulatu dute

Erabiltzailearen aurpegia Ukberri Datorren asteartean txirlez birpopulatuko dute Butroe itsasadarra (argazkian) Plentziako Proa ur-kirol elkarteko kideek. Ekimena aurrera ateratzeko AZTI Arrantza eta elikadurarako Teknologia Institutuaren laguntza jaso dute eta 10:00etan da hitzordua, Txurruka kaian. Bertan hainbat txalupa egongo da ontzirik ez dutenak txirlak botako diren ibaiertzeetara hurbiltzeko asmoz. Parte hartu nahi duten guztiek Proa elkarteko egoitzan eman beharko dute izena, Plentziako Itsas Pasealekuko arkupeetan.
  Kultura 2005-04-15 21:33

"Yu-Gi-Oh!" manga-filma ikusgai izango dute Plentziako haurrek larunbatean

Erabiltzailearen aurpegia Ukberri "Yu-Gi-Oh! La Película" larunbatean, 18:00etan, eskainiko du Plentziako Udalak erakusgelan. "Yu-Gi-Oh!" manga, Japoniako komikia, Kazuki Takahashik hasi zuen orain dela 40 urte eta arrakasta handia dauka egun Japonian zein Amerikako Estatu Batuetan eta komikian oinarritutako telebista saioa hirurogei estatutan ikus daiteke. Bideoak, panpinak eta batez ere Magik moduko rol kartak ere oso zabalduta daude. Horien ostean honako filmea egin zuen pasa den urtean Hatsuki Tsuji zuzendariak. Filmean Yugi eta bere lagunek inoiz baino erronka latzagoa izango dute aurrean: Anubis Egiptoko jainkoa esnatu da eta Yugirekin mistikoki lotuta zegoen faraoiaren kontrako mendekua hartzeaz gain mundua ere txikiti nahi du.
  Kultura 2005-02-16 20:09

"18 egile-18 argazki. Uribe Kostako irudiak" erakusketa paratu dute Plentzian

Erabiltzailearen aurpegia Ukberri "18 egile-18 argazki. Uribe Kostako irudiak" izenburupean, joan den urtean UK aldizkariak abian jarri zuen erakusketa ibiltaria Plentziara heldu da. Ospe handiko hainbat argazkilarik egindako eta 2004an zehar aldizkari horretan argitaratu ziren zuri-beltzezko 18 argazki biltzen ditu. Gaurtik aurrera, otsailaren 28ra arte egongo da ikusgai Goñi Portal Aretoko erakusketa gelan. (Argazkian, erakusketako irudietako bat)
  Jendartea 2005-01-17 19:02

Sendabelarren inguruko ikastaroa emango du Plentziako Kultur Etxeak

Erabiltzailearen aurpegia Ukberri Otsailaren 7tik aurrera, 18 ordutako sendabelarrei buruzko ikastaroa emango du Roberto Borauk Plentziako Kultur Etxean. Ikastaro horretan interesa dutenek urtarrilaren 24ra arte izango dute izena emateko epea, Kultur Etxetik bertatik pasatzen. Argibide gehiago jaso nahiz gero, 946 775 541 telefonoan edo kultura.plentzia@bizkaia.org e-postan galdetu daiteke.
  Iritzia 2004-12-23 20:50

Olentzerori gutuna - Maitane Ruiz / PTBko kolaboratzailea

Erabiltzailearen aurpegia Ukberri “Olentzero maitea,
Aurten oso txintxoa izan naiz, oso ondo portatu naiz eta horregaitik opari asko merezi ditut. Hau da ekarri behar didazuna: Bukaneroen galeoia, Flipper Maxi , Billarra, futbolina , Playesteision bi , Krasbandikut jokua, Futbol uefako baloia, Ronaldinhoren zapatillak, auto telegidatu bat, Game boy advance, Rojo fuego, Bratz, Barbie, Los Lunis, My Escene, aerograf, reefek, uno berria, videonaw eta gero sorpresaren bat ekartzea ere ez litzateke txarto egongo. Zerbait ezin baduzu ekarri lasai, beste zerbaitekin konformatuko naiz. Indartsua zarenez ez dut uste ekartzeko arazorik izango duzunik eta zaindu astoa zama handiegia daramalako. Musu handi bat.”

Nabarmenak

Zorion agurrak