Kultura 2004-11-24 19:35

Plentziako Itsas Museoko bisita orduak luzatu dituzte

Erabiltzailearen aurpegia Ukberri Gaur egun bertan antolatzen diren bisita gidatuak "erosotasun handiagoz eta baldintza hobeagoetan" egin daitezen, irekitze orduak luzatu dituzte Butroiko Plazentia Museoan. Asteazkenetik igandera goizez egongo da zabalik, 11:00etatik 14:00etara, eta ostiral eta larunbatetan arratsaldez, 17:00etatik 20:00etara. Besteak beste, bi erakusketa ikus daitezke bertan orain: bata, itsasoa gaitzat hartuz Anton Bilbaok egindako margoak osatzen dutena, eta bestea, Abran izandako ontzi hondoratzeen argazkien ingurukoa (abendura arte ikusgai egongo dena).
  Iritzia 2004-11-23 21:15

Bullying-a ekiditzeko ekinean - Maitane Ruiz / PTBko kolaboratzailea

Erabiltzailearen aurpegia Ukberri Azken bolada honetan bada kalean oso azalean dabilen gai bat: Bullying delakoa. Antza denez (eta inkestek horrela baiezten dute) larderiatzea eta beste pertsona bati zerbait egitera behartzea oso orokortua dagoen esperientzia bat omen da haur eta gazteen artean.
  Kultura 2004-11-23 20:35

Olentzerori buruzko ipuin lehiaketa antolatu dute Plentzian

Erabiltzailearen aurpegia Ukberri Gabonak hurbildu ahala ohikoak dira ikazkin tripaundia aitzaki hartuta herri batean zein bestean antolatzen diren neska-mutikoentzako lehiaketak. Besteak beste, ipuina idazteko aukera izango dute 7 eta 17 urte bitartekoek, Plentziako Kultur Etxeak antolatuta. Euskaraz idatziak izan behar dute eta ezin dira hiru orrin baino luzeagoak izan. Lanak Goñi Portalen aurkeztu behar dira abenduaren 3a baino lehen.
  Iritzia 2004-10-25 14:18

Kultur elkarteak, SOS - Maitane Ruiz / Plentzia Telebistako kazetaria

Erabiltzailearen aurpegia Ukberri Gure herrian hamaika kultur elkarte ezberdin ditugu, eta bakoitzak bere eremu edo esparru ezberdinetan lan egiten du. Nik elkarte kultural ezberdinetan dihardut eta gauza batetaz ohartu naiz: elkarteetan parte hartzen duen jendea beti berdina da.
  Jendartea 2004-10-07 21:26

Plentziako hondartzan Eusko Jaurlaritzak egindako mugaketaren aurkako errekurtsoa aurkeztu du Txipio Baik

Erabiltzailearen aurpegia Ukberri Eusko Jaurlaritzako Kosta Mugaketa Sailaren aurkako errekurtsoa aurkeztu du Entzutegi Nazionalean Txipio Bai elkarte naturalistak, Plentziako Erietxearen ondoan dagoen parkea hondartza inguruan ezarri duten babesgune naturaletik kanpo utzi dutelako. "Guk eskatuta, parkea babesgunearen barruan sartu zuten hasieran. Besteak beste, hondartzatik ehun metrora eraikitzeko debekua ezartzen zuen horrek", diote ekologistek. Hala ere, Plentziako Udala neurriaren aurka agertu eta "Kosta Mugaketa Sailak 20 metrora murriztu zuen babesgunearen zabalera, aipatu zonaldea kanpoan utziz". Arau Ordezkatzaileen Azterketarako Aurrerakinak bertan hainbat solairutako eraikina egitea aurrikusten zuen, ostalaritza eta kultur-ekipamendurako", Txipio Baik salatu duenez.
  Kultura 2004-09-13 21:58

San Antolin jaiei buruzko saioa eskainiko du asteazkenean Plentzia Telebistak

Erabiltzailearen aurpegia Ukberri Asteazkeneko 20:30etik aurrera eta UHFren 53.ean, udalerrian irailaren 1etik 4ra eta 9tik 11ra ospatutako San Antolin jaien inguruko saioa aireratuko du Plentzia Telebistak. Besteak beste, egun horietan grabatutako irudiak ikusi ahal izango dira: marmitako lehiaketa, Antolintxuri agurra...
  Kultura 2004-08-30 21:37

San Antolin jaiak Plentzian

Erabiltzailearen aurpegia Ukberri Abuztuaren 31tik irailaren 4ra. Errepikapena irailaren 9, 10 eta 11n.


Ikusi egitarau osoa agendan
  Iritzia 2004-04-24 00:37

Etorkizuneko gaixotasunak: nahaste psikologikoak - Maitane Ruiz

Erabiltzailearen aurpegia Ukberri Osasunaren Munduko Erakundeak hemendik 20 urtetara bi pertsonetatik batek, bere bizitzako momenturen batetan, buruko nahasteren bat pairatuko duela baieztu du. Gogorra, ezta? Sinestezina dirudi, baina gure ingurura begiratzea besterik ez dugu. Presa, lehiakortasuna, lan munduko errekerimenduak eta gaur eguneko erlazioek eskatzen dizkiguten exijentziak egunero gainditu behar ditugun esparruak dira. Beraz ez zaizkigu oso arrotz egingo estresa, depresioa edota antsiedadea moduko hitzak; ba, antza denez, etorkizuneko gaixotasunik orokortuenak izango dira.
  Iritzia 2004-03-25 23:01

Ez utzi barre egiteari! - Maitane Ruiz / PTBko kolaboratzailea

Erabiltzailearen aurpegia Ukberri Badakizue Txinan jendea bildu egiten dela barre egiteko? Barre algarek osasuna orekatzen dutela uste dute. Beste toki batzuetan, “mediku pailazoak” edo “pailazo sakratuak” existitzen dira, barrearen bitartez jendea sendatzea lanbide dutenak. Frantzia, Alemania, Suitza eta AEBetako ospitaletan ere, umorea eta barrea terapia moduan erabiltzen dute. Hemendik ere Mugarik Gabeko Pailasoak gobernuz kanpoko erakundea badabil lanean.
  Kultura 2004-03-05 15:50

Aisialdi ikastaroetan izena emateko epea zabalik Goñi Portalen

Erabiltzailearen aurpegia Ukberri Martxoaren 12ra bitartean, "aisialdi ikastaroak" bezala ezagunak diren kurtsoetan izena emateko aukera egongo da Plentziako Goñi Portal Kultur Aretoan. Hiru hilabeteko iraupena dute eta horietako bat gurpil gainean paninatzen ikastera zuzenduta egongo da. Horretaz gain, artilearekin egindako eskulanak eta kamera digitalen erabilera ere jorratuko dira. 40 eurokoa da matrikularen zenbatekoa.

Informazio gehiago:
Goñi Portal Kultur Aretoa
Kale Barria, 2
946 775 541
  Iritzia 2004-02-24 00:11

Nola ospatzen ditugu inauteriak? - Maitane Ruiz Lopategi / PTBko kolaboratzailea

Erabiltzailearen aurpegia Ukberri Asteburu honetan, inguruko hainbat herri eta hiritan inauteri giroa izan da nagusi: moda modako mozorroak, desfileak, gau osoa dirauen parranda... Baina horrela bizi izan dira betidanik inauteriak?
  Kultura 2004-02-16 21:30

"Hire Himalaya" ikusgai Plentziako udaletxean

Erabiltzailearen aurpegia Ukberri Martxoaren 25era bitartean, Iñurrategi anaiek munduko tontorrik altuenetan ateratako argazkien erakusketa dago ikusgai Plentziako udaletxean. BBKren babesarekin, Felix anaiari eskainia eta haren omenez sortu du "Hire Himalaya" erakusketa ibiltaria Albertok. Besteak beste, anaia alboan zuela egin zituen hamabi zortzimilakoen irudiak. Azken biak, aldiz, bakarrik egin behar izan zituen Albertok, Felix Gasherbrum II-an utzi zuela gogoan edukita.
  Ekonomia 2004-02-12 20:41

Lankidetza akordioa sinatu dute Aldundiak, Demak eta Plentziako Udalak

Erabiltzailearen aurpegia Ukberri Sabin Arana Bizkaiko Foru Aldundiko Lan eta Trebakuntza diputatuak, Juan Hernandorena Dema-Enpresa Garapena elkarteko zuzendari-gerenteak eta Nicolas Oñate Plentziako alkateak elkarlanerako hitzarmena sinatu dute gaur Bilbon, enpresa berrien aholkularitzarako, Eskutik egitasmoa abian jartzeko udalerrian. Balmaseda, Bermeo, Urtuella, Alonsotegi, Gordexola, Portugalete, Santurtzi, Trapaga, Muskiz, Zierbena, Abanto, Sestao, Gueñes, Zornotza, Lekeitio, Durango, Zalla, Leioa, Erandio eta Txorierrin egin zuten antzera, Plentziako Udala batu da oraingoan egitasmora.
  Jendartea 2004-02-12 20:40

Abanikorako autobusa eskatuko du Plentziako Udalak

Erabiltzailearen aurpegia Ukberri Isuskiza auzoa Plentziako metro geltokiarekin lotzeko, autobus linea jartzea eskatuko dio, berriz ere, Bizkaiko Foru Aldundiko Herri Lan eta Garraio Sailari, Plentziako Udalak. Duela urtebete eskaera berbera egin zitzaien, udal arduradunek adierazi dutenez, baina oraindik ez dute erantzunik jaso. Hain zuzen ere, Herri Lanak eta Garraio Saila da Bizkaibus zerbitzuetako arduraduna.
  Jendartea 2004-02-09 21:27

Saratxagan eta Isuskizan autobusak eskatu dituzte Plentziako Independienteek

Erabiltzailearen aurpegia Ukberri Saratxaga eta Isuskiza auzoetan Bizkaibus zerbitzuak areagotzea eskatu dio Bizkaiko Foru Aldundiari Plentziako Independienteak alderdi politikoak. Hain zuzen ere, horixe da eskaerarik nabarmenena talde horrek egin eta etxeetara banatu duen txostenean. Euren hitzetan garraiobiderik ez dago bi auzo horietan.
  Kultura 2004-01-15 20:31

Luz Ardidenera bidaia Plentziatik

Erabiltzailearen aurpegia Ukberri Luz Ardiden eski-estaziora irteera antolatu du Plentziako Goñi Portal kultur zentroak, urtarrilaren 30 eta 31, eta otsailaren 1ean. Izena eman nahi duten guztiek hilaren 19ra arte edukiko dute aukera eta 118 eurokoa izango da kostua. Informazio gehiagorako:
Telefono zenbakia: 946 775 541
e-posta: kultura.plentzia@bizkaia.org
  Kultura 2004-01-03 18:25

Plentziako hainbat argazkilariren lana ikusgai Goñi Portalen

Erabiltzailearen aurpegia Ukberri Urtarrilaren 15a bitartean, udalerriko hainbat artistek prestatutako argazki erakusketa hartuko du Plentziako Goñi Portal Kultur Aretoak. Besteak beste, Iratxe Gallo, Iker Unzalu eta Aitor Herrero dira argazkien egileak. Goizez eta arratsaldez egongo dira ikusgai Kultur Aretoko ohizko ordutegian.
  Jendartea 2003-12-30 21:17

Mungiarako autobusa Gabonzaharrean

Erabiltzailearen aurpegia Ukberri Udalerritik Mungiarako doako autobusa antolatu du Gabonzaharrerako Plentziako Talde Independienteak. Horrela, gazteek bertara joateko kotxea erabil dezaten saihestu nahi dute. Irteera untzitegitik izango da goizaldeko ordu batetan, eta itzulera, berriz, goizeko zortzietan.
  Iritzia 2003-12-23 22:46

Asierrek ez du udaletxea barrutik ezagutzen-Maitane Ruiz / PTBko kolaboratzailea

Erabiltzailearen aurpegia Ukberri Gaur, jeiki, prestatu eta pare bat errekadu egitera joan naiz: bata udaletxera eta bestea postetxera. Ondoren, kotxea hartu eta lanera joan naiz. Eguerdian, betiko tabernara joan gara bazkaltzera. Lanetik bueltan, erosketak egiteko aprobetxatu dut zentru komertzial horietako batetan. Karroa gainezka euki dudanean, berriz ere, etxerako buelta. Poltsa guztiak igogailurik gabeko hirugarren pisura igo ostean eta dena txukun utzi ondoren, lagunengana kafe bat hartzera hurbildu naiz. Kafetegian solasean geundela Asier sartu da. Asier gure adineko mutil bat da, distrofia muskular baten erruz gurpildun eserleku batetan desplazatu behar duena (baina...gurpildun eserleku elektrikoa, ez pentsa!).
  Iritzia 2003-11-23 22:48

Elkarbizitza hobe baterantz - Maitane Ruiz / PTBko kolaboratzailea

Erabiltzailearen aurpegia Ukberri “Berdinak gara. Ezberdinak gara”. Hainbat lekutan izan dugu esaldi hau irakurtzeko aukera, baina gelditu gara inoiz bere esanahiaz gogoeta egitera? Zer datorkigu burura?
Bai, ezberdintasunak aberasten gaituela argi dago. Zenbat eta gizarte bat bere kulturari atxikiago eta itxiago egon, kultura hori gero eta txiroagoa izango da. Ulertuko al dute hau politikari batzuek?. Baina gatozen harira, gero eta arraza, politika, kultura, erlijio,... ezberdinetako jende gehiago biltzen ari da leku konkretu batetan.

Nabarmenak

Zorion agurrak