Politika  Getxo 2017-03-01 16:12

Autobus transfoboa Getxotik igarotzea ekiditen ahaleginduko da Gobernu-taldea

Autobus transfoboa Getxotik igarotzea ekiditen ahaleginduko da Gobernu-taldea

Imanol Landa Getxoko alkateak Hazte Oir elkarte espainiar ultrakatolikoak transexualitatearen kontra martxan ipinitako kanpaina errefusatu du. Ekimen hori espainiar Estatuko hainbat hiri bisitatzea aurreikusita duen autobus baten bidez egiten dabiltza. Ibilgailuak aniztasun sexualaren kontrako hurrengo mezua darama idatzita: "Los niños tienen pene. Las niñas tienen vulva. Que no te engañen". Getxora, hilaren 10ean etortzea aurreikusita dago.

  Politika  Getxo 2017-02-28 17:46

Askotariko indarkeriak gogora ekartzeko plaza izango da astebetez Areetako Xake plaza

Azken hamarkadetan hainbat indarkeria-mota pairatu dituztenen testigantzak jasotzeko Memoriaren Plaza ekimena egingo dute martxoaren 13tik 19ra, Areetako Xake plazan. Eusko Jaurlaritzaren Gogora institutuak bultzatu du proiektua.

  Politika  Sopela 2017-02-25 16:37

Erabakitzeko eskubidearen aldeko zozketa egingo dute Sopelan

Erabakitzeko eskubidearen aldeko zozketa egingo dute Sopelan

Athleticen emakumezkoen taldeak sinatutako kamiseta zozkatuko dute, Sopelako Laiak tabernan, martxoaren 2an, eguenean. Hitzordua 20:30ean ipini dute; daborduko bertan daude txartelak salgai, 1 euroan. Gure Esku Dago herri-ekimenak sortutako Uribe Kostako Ados taldeak antolatu du zozketa; modu horretan, erabakitzeko eskubidearen aldeko herri-galdeketa bultzatu gura dute.

  Politika  Berango 2017-02-24 12:39

Herritarren iritziak bildu gura ditu Berangoko Udalak, auzoak hobetzeko

Herritarren iritziak bildu gura ditu Berangoko Udalak, auzoak hobetzeko

Berangoko auzoek zer-zelako hobekuntzak behar dituzten jakiteko prozesua martxan ipini du Udalak. Horretarako, auzokideen iritziak jaso gura ditu, Auzoak Hobetuz parte-hartzerako ekimenaren bitartez. Kontuak hala, lehenengo ahaleginean, Axgane eta Basotxu auzoetan buzoi bana ipini zituzten, joan den otsailaren 21ean, eta hilaren 28ra arte egongo dira bertan.

  Politika  Getxo 2017-02-23 16:55

Getxoko Emakumeen eta Gizonen Berdintasunerako IV. Plana onetsi du Udalbatzak

Getxoko Emakumeen eta Gizonen Berdintasunerako IV. Plana onetsi du Udalbatzak

Getxoko Udalak aho batez onetsi zuen atzo udalerriko Emakumeen eta Gizonen Berdintasunerako IV. Plana. Gobernu-taldeak (EAJ eta PSE-EE) 2016/2019 Legegintzaldiko Planerako ezarri dituen helburu estrategikoetako baten barruan kokatu dute proiektu hori. GUKek aldeko botoa eman zuen, baina eskatu zuen "udal arlo guztiei prestakuntza gehiago emateko, eskolako tailerrak adin txikiagotik hasteko, eta sentsibilizazio kanpainak egin daitezela", besteak beste. EH Bilduk ere planaren aldeko botoa eman zuen eta adierazi zuen bere ekarpenetako batzuk jasotzen dituela. Modu berean, giza baliabide eta ekipamendu gehiago eskatu zituen. Halaber, bi taldeok balorazio positiboa egin dute balizko Getxoko Emakumeen Etxearen inguruan egiten ari den gogoeta prozesuari buruz.

  Politika  Uribe Kosta 2017-02-22 18:58

Mas eta Ibarretxeren hitzaldia, zuzenean, Kursaaletik

Aurreikuspen DENAK gainditu dira: Artur Mas Generalitateko presidente ohiaren eta Juan Jose Ibarretxe lehendakari ohiaren gaurko konferentziak jakin-min handia sortu du herritarren artean. Aste bi baino gutxiagoan izen-emateek Kursaaleko auditoriaren gehienezko edukiera gainditu dute (1.800 lagun); hori dela eta, Gure Esku Dagok streaming bidez transmitituko du saioa. HIRUKAn ere zuen esku jarriko dugu bideoa, zuzen-zuzenean, 19:00etatik aurrera.

  Politika 2017-02-22 11:29

Garoña itxi orain eta betiko!

Erabiltzailearen aurpegia LAB

Garoña itxi orain eta betiko!

Bihar, otsailak 23, kontzentrazioa Algortan Iberdrola bulegoaren aurrean, Basagoiti etorbidea, 64. Goizez: 12:00 - 13:00, arratsaldez: 18:00 - 19:00. Deitzaileak: LAB, Ekologistak Martxan eta Greenpeace.

  Politika  Uribe Kosta 2017-02-22 10:20

Mas eta Ibarretxeren hitzaldia streaming bidez emango dugu

Mas eta Ibarretxeren hitzaldia streaming bidez emango dugu

Aurreikuspen DENAK gainditu dira: Artur Mas Generalitateko presidente ohiaren eta Juan Jose Ibarretxe lehendakari ohiaren gaurko konferentziak jakin-min handia sortu du herritarren artean. Aste bi baino gutxiagoan izen-emateek Kursaaleko auditoriaren gehienezko edukiera gainditu dute (1.800 lagun); hori dela eta, Gure Esku Dagok streaming bidez transmitituko du saioa. HIRUKAn ere zuen esku jarriko dugu bideoa, zuzen-zuzenean, 19:00etatik aurrera.

  Politika  Berango 2017-02-17 12:27

Dispertsioaren inguruko berbaldia, Joseba Azkarragaz batera

Dispertsioaren inguruko berbaldia, Joseba Azkarragaz batera

Euskal presoen dispertsioaren aurka lan egiten jarraitzen du Berangoko Sare taldeak. Joan den urtarrilaren 14an milaka gizon-emakumek Bilboko kaleak bete zituzten, dispertsio-politikaren ondorioak salatzeko. Horren ostean, herrira bueltatu eta behar horretan jarraitzeko ardura hartu zuten, herriz herri. Hala, berangoztarrek hurrengo hitzordua bariku honetan ipini dute, hilaren 17an: berbaldia antolatu dute, Berangoko kultur etxeko areto nagusian.

  Politika  Getxo 2017-02-15 15:50

Preso gaixoak herriratzeko eskatzen dituzten pintaketak agertu dira Algortako Batzokian

Preso gaixoak herriratzeko eskatzen dituzten pintaketak agertu dira Algortako Batzokian

Pintaketaz beterik esnatu da gaur Algortako erdigunean dagoen Batzokia. Horietan, euskal presoen "amnistia osoa" aldarrikatzeaz gainera, EAJri "hiltzaile" deitu diote. Ildo berean, jeltzaleak PP alderdiagaz erkatu dituzte. Facebook bidez kaleratutako ohar baten bidez, EAJren Bizkaiko Buru Batzarrak "mota horretako jarrerak behin betiko uztea eta herritar guztien arteko bizikidetza" eskatu du.

  Politika  Sopela 2017-02-15 15:25

Kazetari Kanaia egitasmoa aurkeztuko dute etzi Sopelan

Kazetari Kanaia egitasmoa aurkeztuko dute etzi Sopelan

Bariku honetan, otsailak 17, garatzen dabilen ikerketa-kazetaritza proiektuaren aurkezpena egingo du Igor Meltxorrek, Sopelako Kurtzio kultur etxean. Hitzordua 19:00etan ipini dute; sarrera, doan.

  Politika  Sopela 2017-02-15 15:19

Greziako errefuxiatuen kanpamentuetan egon den sopeloztar batek berba egingo du bihar

Greziako errefuxiatuen kanpamentuetan egon den sopeloztar batek berba egingo du bihar

Ongi Etorri Errefuxiatuakelkarteak antolatuta, ostegun honetan, otsailak 16, berbaldia egongo da, 19:30ean, Sopelako Kurtzio kultur etxean. Ekitaldian, Greziako errefuxiatuen kanpamentuetan egon den sopeloztar batek bere esperientzia eta lekukotza emango ditu. Berbaldia irekia da interesatu denentzat.

  Politika  Uribe Kosta 2017-02-15 15:18

Eskualdeko 25.000 lagun baino gehiagok burujabetza eskubidaeren inguruko iritzia eman ahalko dute

Eskualdeko 25.000 lagun baino gehiagok burujabetza eskubidaeren inguruko iritzia eman ahalko dute

Joan den zapatuan aurkeztu zuten maiatzaren 7an eskualdeko hainbat herriko egingo duten herri-galdeketaren galdera. Gure Esku Dago herri-ekimenak sortutako Uribe Kostako Ados taldeak ezagutarazi zuen itauna: "Euskal Estatu burujabe bateko herritarra izan gura dozu?". Galdera eskualdeko 32 lagunek osatutako Lan Batzordeak zehaztu du, beste hainbat herritarren eta alderdiren parte-hartzeagaz.

  Politika  Gorliz 2017-02-14 10:38

Aurrekontu murritzagoa izango du aurten Gorlizko Udalak

Aurrekontu murritzagoa izango du aurten Gorlizko Udalak

Aurtengo aurrekontuak onartu ditu Gorlizko Udalak, alderdi guztien adostasunagaz. Zenbatekoa aurreko urtekoa baino %0,95 txikiagoa izango da; aurtengoa 6.435.462 eurokoa, guztira. Hala erabaki zuten joan den urtarrilaren 31n egindako osoko bilkuran.

  Politika  Getxo  Uribe Kosta 2017-02-11 10:00

Joxe Elorrieta: "Indar-metaketa berri bat beharrezkoa da, ezkerretik"

Iñigo Fernandez de Martikorena

Joxe Elorrieta: "Indar-metaketa berri bat beharrezkoa da, ezkerretik"

Joxe Elorrieta Aurrekoetxeak (Loiu, 1951) bere bigarren saiakera aurkeztu du: "Una mirada sindical contracorriente. Clase, territorio y nuevas alianzas" (Icaria, 2016). ELAren idazkari nagusi ohiak neoliberalismoa borrokatzeko indar-metaketa berri bat proposatu du, 1990eko hamarkadan LABegaz egin legez. Nazio-prozesu soberanista abiatzeko baliagarria izatea gura luke.

  Politika  Barrika  Gorliz  Lemoiz  Plentzia  Sopela  Urduliz  Uribe Kosta 2017-02-10 12:32

Uribe Kostako herri-galdeketarako galdera aurkeztuko du Ados taldeak

Uribe Kostako herri-galdeketarako galdera aurkeztuko du Ados taldeak

Gure Esku Dago herri-ekimenak sortutako Ados taldeak Uribe Kostako galdeketan egingo duen itauna zein izango den jakinaraziko du zapatuan, hilaren 11n, Sopelako udaletxeko plazan, 12:30etik aurrera. Ados taldeak maiatzaren 7an egingo du herri-galdeketa, horrenbestez, orduan erantzun beharreko galdera zein izango den ezagutaraziko dute, zapatu honetan, jai giroan. Izan ere, bertsoak, euskal dantzak, kantak eta pandero-joleak ibiliko dira giroa alaitzen; 15:00etan, herri-bazkaria egingo dute Ander Deuna ikastolan.

  Politika  Erandio 2017-02-10 12:00

Bake-epaileari arrazoia eman dio Auzitegi Nagusiak

EAEko Auzitegi Nagusiaren Gobernu Aretoak ebatzi du ez duela ezelako ekimenik egin behar Jon Iñaki Rodríguez Erandioko bake-epailearen aurka, ez ziolako inori "errespeturik galdu". Pasa den azaroaren 22an, Erandioko Udalak eskatu zuen ikerketa, Udalbatzak hala eskatuta.

  Politika  Berango 2017-02-10 11:28

Berangoztarren iritzia kontutan hartu dute udal-aurrekontuetarako

Berangoztarren iritzia kontutan hartu dute udal-aurrekontuetarako

Aurtengo aurrekontuak osatzeko prozesu parte-hartzailea abiatu zuen Berangoko Udalak, azaroaren 8tik 30era bitartean garatu zuen. Ekimen horren bitartez, auzokideek 44 proposamen egin zituzten. Iritzi horietatik, Udalak 23 onartu ditu.

  Politika  Getxo 2017-02-09 16:58

Herritarren 201 "baliozko proposamen" bildu ditu Getxoko Udalak 2017ko aurrekontuetarako

Herritarren 201 "baliozko proposamen" bildu ditu Getxoko Udalak 2017ko aurrekontuetarako

Aurtengo aurrekontuak osatzeko prozesu parte-hartzailea abiatu du Getxoko Udalak. Hartara, herritarrek egindako proposamen guztietatik 201 "baliozkoak" direla azaldu du Gobernu-taldeak. Iritziak ondoko arloakaz dute zerikusia: Ingurumena (75), Kirola (34) eta Gizarte Ekintza (21). Baita beste arlo hauekin ere: Kultura (19), Sustapen Ekonomikoa (13), Berdintasuna (10), Gazteria (7), Herritarren Segurtasuna (7), bestelakoak (6), Babes Zibila (4), Hezkuntza (3), Osasuna (1) eta Euskara (1).

  Politika  Getxo 2017-02-06 10:09

Gerra Zibilaren eta Frankismoaren biktimak omendu dituzte Getxon

Gerra Zibilaren eta Frankismoaren biktimak omendu dituzte Getxon

Getxoko Udalak 1936ko gerran, aurreko gatazka zibiletan eta frankismo garaian udalerrian izandako biktimei omenaldia egin zien zapatuan, 2009ko ekaineko osoko bilkuran aho batez adostutakoa betez. Ekitaldia Galeako ibiltokian jarritako "Liburuaren oroimena" izeneko eskulturaren ondoan egin zuten, zazpigarrenez.