Baina, esan legez, Kultur Etxearen egitarauaz gainera, beste jarduera batzuekaz gozatzeko aukera egongo da Sopelan: batetik, Gabonetako Parkea ipiniko dute Urko kiroldegian, abenduaren 28tik 30era, 12 urte bitarteko umeei zuzenduta. Halere, familia osoarentzako ekintzak ere egongo dira. Gainera, hiru ikuskizun ere prestatu dituzte: saltsa-dantzaldia, Nai Malabarista eta "Imaginarte" magia ikuskizuna. Parkea 11:00etatik 14:00etara eta 17:00etatik 20:00etara zabalduko dute, eta sartzea doakoa izango da; ume bakoitzeko, heldu bakarra sartu ahal izango da. Bestetik, Olentzeroren eta Mari Domingiren kalejira egingo da abenduaren 24an, 17:00etan. Urgitxieta plazatik udaletxeraino joango dira, Sopelako Pandero-joleek, kantariek, eta Meñakoz eta Eguzkilore dantza-taldeek lagunduta. Udaletxeko plazan sua isiotuko dute, eta urte osoan gordetako makilatxoak erre ostean, umeek Olentzerogaz eta Mari Domingigaz berba egiteko aukera izango dute.
Azkenik, Errege Magoei harrera egingo diete urtarrilaren 5ean. Kalejira ere egingo da Urgitxieta plazatik udaletxeraino, 18:00etan.
Kurtzio kultur etxeko egitaraua
Abenduak 18, barikua
20:00 Eguberri Umama: Euskal Gabon kantak. Sarrera: 3 euro.
Abenduak 20, domeka
18:00 Zinema: Dixie eta matxinada zonbia. Sarrera, doan.
Abenduak 23, eguaztena
18:00 Gabonetan... kontaidazu musikaz. Sarrera: 3/5 euro.
Abenduak 26, zapatua
18:00 Antzerkia: Faboo.
Sarrera: 3/5 euro.
Abenduak 27, domeka
18:00 Antzerkia: Pintxo Pintxo.
Sarrera: 3/5 euro.
Urtarrilak 1, barikua
13:00 Urte Barri Barri ekitaldia.
Sarrera, doan.
Urtarrilak 2, zapatua
19:00 Asier Kidam magoa.
Sarrera: 3/5 euro.
Urtarrilak 3, domeka
18:00 Zirkua: Karoli, el hombre rueda.
Sarrera: 3/5 euro.
Urtarrilak 4, astelehena
18:00 eta 19:30 Ballet errusiarra: Txano Gorritxo. Sarrera: 3/5 euro