Mitxel Mieves
Mitxel Mieves metalurgia industriako behargina izan da. Jatorri aleman du baina Euskal Herrian bizi da 10 urte zituenetik. Ezker Batuko alkategaia izan zen 2007ko udal hauteskundeetan, Urdulizen, Aralarregaz batera aurkeztutako zerrendan. Mievesek zinegotzi akta jaso zuen 116 botori esker. Hauteskunde horietan, EAE-ANVko hautagaitza legez kanpo utzi zuten Espainiako epaitegiek eta eurentzako botoak baliogabe gisa zenbatu ziren. Denera, bozka baliogabeak 314 izan ziren. Hainbat herritarrek Mievesen zinegotzi ardura EAE alderdiko hautagairentzat izan behar zela aldarrikatu zuten eta herrian "lapurra" deitzen zuten kartelak ageri ziren. Kontuak hala, akta jaso eta hilabete batera Mievesek dimisioa eman zuen "EAEk egindako presioengatik".
Mieves zerrendaburua izan zen berriro ere 2011n, Sopelako udal hauteskundeetara Ezker Batuak aurkeztutako zerrendan. 261 boto eskuratu zituen eta zinegotzi-akta barik geratu zen. Halere, Sopelan gizarte-mugimenduetan ere jardun du, besteak beste TAOren aurkako plataforman.